සදීශ කුස්සියේ තනියමම බීම හදලා කට්ලට්ස් වගයක් බැදෙන්න තිබ්බා. තිහස් බෙලාවත් උස්සගෙනම කුස්සියට ගියා. අහම්බෙන් ලියෝන්ගේ ඇස් විහස්නගේ ඇස් එක්ක පැටලුනා. මේසේ උඩින් ඔලුව තියාගෙන ඉන්න අතරේ දෙන්නටම ඇහුනේ ඔරලෝසු කටුව කැරකෙන සද්දේ.. ෆෑන් එක කැරකෙන සද්දේ වගේම කුස්සියේ තිහස් සදීශ කතා කරන සද්දේ හිමිට විතරයි.. ලියෝන් විහස්න දෙන්නගෙන් එක්කෙනෙක්වත් සද්දයක්වත් නැහැ. දෙන්නගෙම ඇස් දෙන්නත් එක්කම පැටලිලා. හරියට නැති වුන දෙයක් හොයන්න වගේ.
විහස්නගේ ඇස් අව්ව නිසාම දුඹුරු පාටට දිලිසෙනවා. ලියෝන් ඒ ඇස් දිහා බලාගෙනම ඉද්දි කරන්ට් එකක් එයාගේ පිට හරහා යනවා වගේ දැනුනා. එයාගේ හාර්ට් බීට් එකත් හොදටම වැඩි වෙලා. ඇග ඇතුලේ හීන් හිරියක් යනවා වගේ දැනුනා. තවමත් ඒ ඇස් ඇතුලේ ගිලිලා. තත්පර ගානක් තිස්සේ ඉඳන්ම බලාගෙන ඉන්නවා. ඒ ඇස් වටේ දුඹුරු පාට වෙලා මැද කළු පාටට පෙන්නේ. ලියෝන් ඇස් පිල්ලම් ගහන්නත් අමතක වුණා.
ලියෝන්ගේ ඇස් දෙක කළු පාටයි. විහස්නත් ඒ අස්සේ හිරවෙලා. ඒත් එයාට තේරුම් ගන්න අමාරු වුනා ඒ ඇස් අස්සේ නැති වුන දෙය මොකද්ද කියලා. ලියෝන්ගේ ඇස් කළු කුහරයක් වගේ. තදම තද කළු පාටයි. ඒ ඇස් අස්සේ අවසානයක් හොයාගන්න බැරි වුනා. එයාගේ හදවත අමුතු රටාවකට ගැහෙන්න ගත්තා. ගැහෙන හදවත නවත්ත ගන්න අත තියා ගත්තා.
'' හරි.. එන්න හැමෝම කන්න.. මම කට්ලට්ස් බැද්දා.. ''
සදීශගේ කටහඩ නිසාම දෙන්නගේම eye contact එක නැති වුනා. දෙන්නම කරන්ට් වැදිලා වගේ අහක බලා ගත්තා. විහස්නව දැනටමත් රතු වෙලා හිටියේ. විහස්නගේ රතු වෙලා තියෙන කම්මුල් දැකලා ලියෝන්ටත් හිනා ගියා. තිහස් පිටිපස්සෙන් සෝස් එකකුත් උස්සගෙනම ඇවිල්ලා හිටියා. සදීශ කට්ලට්ස් ටික මේසෙන් තිබ්බා.
'' ඒයි.. ඔයා තනියම නෙමෙයි කට්ලට්ස් බැද්දේ.. මමත් උදව් වුනා හොදේ.. ''
තිහස් හැමෝටම ගස්සගෙන ගිහින් කට්ලට් එකකුත් කටේ ඔබාගෙනම පුටුවෙන් ඉදගත්තා. අනිත් තුන්දෙනාටම හොදටම හිනා.
ඔක්කොමල කාල ඉවර වෙලා ආයෙත් වැඩ කරන්න පටන් ගත්තා. විහස්න ආයෙත් ඒ ඇස් එක්ක පැටලේවි කියන බයටම පොතේ ම ඇලිලා වැඩ කලා. ඒත් ලියෝන්ගේ ඇස් ගොඩක් වෙලාවක් විහස්න දිහාම බලාගෙන හිටියා. ඒ අතරේ සදීශ හිටියේ ෆෝන් එක ඔබ ඔබමයි. ෆෝන් එක ඔබන සදීශ දිහා තිහස් සැරෙන් සැරේට බැලුවා. ටික වෙලාවකට පස්සේ සදීශ කේන්තියෙන් වගේ නැගිටල උඩට ගියා. තිහස් විතරයි දැක්කේ කේන්තියෙන් ගියපු සදීශගේ ඇස්වල කඳුලු පිරිලා තියෙනවා. හදිසියේම ගියපු සදීශව බලන්න ලියෝන් නැගිටල උඩට ගියා. විහස්නයි තිහසුයි මූණට මූණ බලාගත්තා.
YOU ARE READING
Unbroken Melody | නොබිඳුණු තනුව | ✓
Non-Fictionසප්ත ස්වරයන් අතරේම ඉපදී ජීවත් වී වෙන් වීමටත් මෙන්ම, නැවත එක්විමටත් සමත් වූ තත් අතරින් මැවුණු සංගීතයත් සමගම මුසුව ගලා යන්නා වූ ඔවුන්ගේ ආදර කතාවයි... ♡ Start date - 2024/05/17 End date - 2024/07/09
