Unbroken Melody | නොබිඳුණු තනුව | ✓

25 ♡

'' මගේ බර්ත්ඩේ එක නිසා කොහේ හරි යාළුවො එක්ක ගිහින් එන්න කියලා අම්මා කිව්වා.. ඉතින් මට ඔයාලා එක්ක කොහේ හරි යන්න ඕනේ.. ''

රෑ වැඩ ඉවර වෙලා එලියට බහිද්දිම ඇස් දෙකත් ටීක් බෝල කරගෙන තිහස් ඇහුවා..

'' අනේ ඔයාගේ හෙට බර්ත්ඩේ එකද.. '' 

'' ඔව් ඔව්.. '' 

සදීශ දොරට හේත්තුවක් දාගෙනම තිහස් දිහා බලාගෙන හිටියා.. විහස්නත් කියන්න දෙයක් තියෙනවා වගේ කට උල් කරගෙන බලාගෙන හිටියා..  

'' ඉතින් කොහෙද යන්නේ යක්ස පැටියෝ.. ''

තිහස් සදීශගේ අතට පාරක් ගැහුවා.. 

'' ඔයාව එක්කන් යන්නේ නැහැ.. ගෙදරට වෙලා ඉන්න.. ''

'' කියනකල් හිටියේ.. ''

'' හෙට උදෙන්ම ෂොපින් මෝල් එකට ගිහින් එහෙ වටයක් දාලා එමු.. ''

තිහස් හිටියේ උඩ පැන පැන..

'' හරි එහෙනම්.. මේ කොල්ලාගේ ආසාවත් ඉෂ්ට කරන්න එපැයි.. '' 

'' නැතුව.. ඊලග අව්රුද්දෙ සමරන්න වෙන්නේ නැහැනේ.. රිසාල්ට් ආවට පස්සේ ගෙදරින් එලියෙනේ... පව්නේ ඉතින් අන්තිම බර්ත්ඩේ එක සමරමු.. විහස්න ඔයාට එන්න පුළුවන් නේද.. '' 

ආයෙත් වතාවක් තිහස් සදීශගේ අතට ගැහුවා. ලියෝන් විහස්නගෙන් අහන්නත් කලින්ම සදීශ ඇහුවා..

'' ම්ම්.. හරි.. මන් එන්නම්.. '' 

'' හරි එහෙනම්... දෙන්නම ලෑස්ති වෙලා ඉන්න.. අපි ඔයාලව පිකප් කරන්නම්... ''  

'' ඇයි චංචලාට ගහද්දි මලිත් අඩන්නේ...?? ''

තිහස් පිටිපස්සේ ෂීට් එකේ ඉදන් drive කරන ලියෝන්ගේ මුනට මයික් එක වගේ අත දික් කරලා ඇහුවා.. 

'' මලිත් නෙමේ බන් අඩන්නේ චංචලා..''

සදීශ ආයෙත් තිහස්ගේ ඔලුවට අනින්න දිග ඇරපු අත එහෙම්මම ගත්තා.. සදීශට මැවිලා පෙනුනා අඳුරු දර්ශන පෙළක් එක දිගට.. තිහස් සදීශගේ කොණ්ඩෙන් ඇදගෙන බොරළු පාරක යනවා වගේ..

'' කව්රු උනත් මොකෝ.. අන්න ඒ බය තියාගන්න හොදේ... ''

තිහස් ආයෙත් හිටපු තැනෙන්ම ඉඳගත්තා..