Unbroken Melody | නොබිඳුණු තනුව | ✓

21 ♡

ලියෝන් සදීශ university යන්න තිබුණේ තව සතියයි. එදා බීච් ගිහින් ආවාට පස්සේ විහස්න ගොඩක් ලියෝන්ව මග අරින්න ගත්තා. විභාගය ලං වෙන නිසා තිහස් හැමදාම වගේ විහස්න එක්ක ලියෝන්ගේ ගෙදර ආවා. හැමදාම ලියෝන් එක්ක වැඩ කරන විහස්න එක පාරටම ලියෝන් කියන්නේ පෙන්නේ නැති කෙනෙක් වගේ හැසිරෙද්දී සදීශයි තිහසුයි පුදුම වුනා. මොකද හැමදාම විහස්න ගිහින් ඉඳගන්නෙත් ලියෝන් ගාව. ඒත් ළඟක ඉඳලා එයා ඉඳගන්නෙත් ලියෝන්ට ගොඩක් දුරින්. ගානක් අහගද්දී පවා අහගන්නේ සදීශගෙන් විතරයි. තිහස්ට වඩා දෙයක් සදීශට තේරිලා තිබුණත් සදීශ ලියෝන්ගෙන් අහන්න ගියේ නැහැ. සදීශට ඒ දෙය ලියෝන්ම කියනකල් හිටියා.

'' මොකද බන් මූණ එල්ලන් ඉන්නේ.. මන් දැන් දවස් ගානක් තිස්සේ ඉඳන් බලන් ඉන්නේ.. '' 

ලියෝන් එළිය බලාගෙන හිටියා. හඳ සම්පුර්ණ රව්මක් වගේම පායලා. තව දවස් ටිකකින් පෝය.. හඳ පායලා තිබුනට වලාකුළුවලින් වැහිලා තිබුනේ. ඒකනිසා හඳ එළිය බාගෙට තමා පොළොවට ලැබුනේ. එහෙම වලාකුළු අතරින් පෙරිලා ආපු හඳ එලිය ලියෝන්ගේ මූණට වැටිලා තිබුණා. එයා තවමත් හඳ දිහා බලන් ඉන්නවා. සදීශ කතා කරපු එක ඇහුනත් එහෙම්මම හිටියා. සදීශ පුටුවක් ලං කරගෙන ඉඳගත්තා. 

ලියෝන්ගේ හැඟීම් හඳ වගේ. එයාට ඒ හැඟීම් පෙන්නන්න තේරෙන්නේ නැහැ. ඒ වගේම ඒ හැඟීම් එයාගෙන්ම වැහිලා තියෙන්නේ. හරියට හඳ එළිය වලාකුළුවලට වැහිලා වගේ. ඒත් එයාගේ හැඟීම් ටිකක් හරි පෙන්නන්න පුළුවන් හඳ එලිය වලාකුළු අතරින් පෙරිලා යනවා වගේ. ලියෝන් කියන්නේ හැඟීම්වලදී සංකීර්ණ මනුස්සයෙක්. එයාට තේරුම් ගන්න බැරි දේවල් ගොඩක පැටලිලා. 

'' එහෙම මුකුත් නැහැ.. මට විහස්න එක්ක ඉද්දි ලිලීව අමතක වෙලා යනවා වගේ. අනේ මන්දා.. එයාගේ පෙනුම නිකන් ලිලී වගේමයි. දුඹුරු ඇස්.. දකුණු ඇහැ ගාව උපන් ලපය.. ඒ වගේමයි.. ''

ලියෝන් සදීශගේ පැත්තට හැරිලා කතා කරන්න ගත්තා.

'' විහස්නව කොයිවෙලාවකවත් සබ්ස්ටිටියුට් එකක් වගේ දකින්න එපා. මොකද ඒකෙන් වෙන්නේ දෙන්නටම රිදෙන එක. ඔයා එයාගෙන් දකින්න උත්සාහ කරන්නේ ලිලීව මිසක් විහස්නව නෙමෙයිනේ. ඔයා විහස්නගෙන් විහස්නවම දකින්න බලන්න. එතකොට ඔයාගේ හිතේ එයා ගැන තියෙන හරිම හැඟීම මොකද්ද කියලා තේරුම් ගන්න පුළුවන් වේවි. විහස්න කියන්නේ හැමදේම ගැන ගොඩක් හිතන කෙනෙක්නෙ එයාවත් දැන් පැටලිලා ඇත්තේ.. ටික කාලයක් ඉන්න.. එතකොට හැමදේම හරියාවි.. පුලුවන්නම් සාමාන්‍ය විදියටම විහස්න එක්ක ඉන්න බලන්න.. එතකොට එයාටත් බැක් ටු නොර්මල් වෙන්න පුළුවන් වේවි.. ''