Unbroken Melody | නොබිඳුණු තනුව | ✓

09 ♡

ලියෝන් ටික වෙලාවක් අහස දිහා බලන් හිටියා. විහස්න නොදැනුවත්කමට ලියෝන්ගේ අතෙන් අල්ලන් හිටියට ඒ අල්ලන හැම වෙලාවකම ලියෝන්ගේ හාර්ට් බීට් එක වැඩිවෙනවා. එහෙම්මම අහස බලන් ඉදලා වැල්ලට ගියාම විහස්න කොහෙන්ද මන්දා කොට්ටකුත් හොයාගෙන වැල්ල චිත්‍ර පොතක් කරලා තිබුනා. විහස්නගේ නමත් ලියලා තව පුංචි පුංචි චිත්‍ර ඇඳලා තිබුනා. ලියෝන් වැල්ලේ ෆොටෝ එකක් අරගත්තා. ඒ දෙන්නම එකතු වෙලා ෆොටෝස් ගොඩක් අරගත්තා.

 පැයක් විතර බීච් එකේ එහාටයි මෙහාටයි ඇවිද ඇවිද හිටියා. විහස්න ලියොන් එක්ක ගොඩක් කතා කරපු දවස අද ! එයා ගොඩක් දේවල් කතා කළා. ගොඩක්ම කතා කලේ එයාගේ චිත්‍ර , ඉගෙන ගන්න දේවල් , යන්න ආස තැන් , කරන්න ආස දේවල්. ලියොන් අහන් ඉඳලා ඒ දේවල් කවදා හරි විහස්න වෙනුවෙන් කරනවා කියලා හිතාගත්තා.

විහස්නගේ බලකිරිල්ල නිසාම ලියෝන් Rio Ice Cream Shop එකට ආවා. ලියෝන් මහ රෑ අයිස්ක්‍රීම් කාල ලෙඩ වෙයි කියලා කිව්වට විහස්නට අයිස්ක්‍රීම් කන්න ඕනෙමයි කියලා යුද්ධ ප්‍රකාශ කළා. ඒක නිසාම දෙන්නා එක්ක අයිස්ක්‍රීම් ෂොප් එකට ආවා.

විහස්න chocolate sundae ice cream එකකුයි ලියෝන් strawberry sundae ice cream එකකුයි අරගත්තා. දෙන්නම මුල්ලකට වෙන්න කාගේවත් අවධානය වැඩිය ලැබෙන්නේ නැති තැනකින් ඉඳගත්තා. ලියෝන් විහස්නට ඉස්සරහෙන් ඉඳගත්තා. විහස්න අයිස් ක්‍රීම් එක කරකව කරකව ෆොටෝ ගත්තා. අරගෙන ඉවර වෙලා කන ගමන්ම ඉන්ස්ටග්‍රෑම් අප්ලෝඩ් කළා. ලියෝන් දැක්කා විහස්න චොකලට් එක ගත්තාට ස්ටෝබෙරි එකටත් බැල්ම දාගෙන හිටියා කියලා. ඒක නිසාම ලියෝන් එයාගේ අයිස්ක්‍රීම් එකෙන් කටක් කන්න කියලා හැන්ද දික් කළා. 

'' නැහැ. මට එපා. ඔයා කන්න අයියේ. ''

''බොරුව දාන්න එපා බන් මන් බලන් හිටියේ ගොඩ වෙලාවක් මේක දිහා බලන් හිටියනේ. මට බඩේ අමාරුවක්වත් හැදුනොත් ඒක නිසා කන්න. ''

ඇස් බෝල කරන් ' කෑවට කමක් නැද්ද ' වගේ විහස්න බැලුවා. ලියෝන් කමක් නැහැ කියලා ඔලුව වනලම හැන්ද විහස්නගේ කටේ එබුවා. හිනාවෙවිම ඒක කාල විහස්නත් එයාගේ අයිස්ක්‍රීම් එකෙන් කටක් ලියෝන්ටත් කැව්වා. දෙන්නත් එක්කම අයිස්ක්‍රීම් කාල ඉවර වෙලා ගෙදර යන්න හැදුවා.  ඒත් එක්කම ගෙදර දැන් එන්න හදන්නේ කියලා විහස්න අම්මට කෝල් කරලා කියන්න හදද්දිම විහස්නගේ අම්මා ලියෝන්ට කෝල් කළා.