Unbroken Melody | නොබිඳුණු තනුව | ✓

11 ♡

ඉගිලෙන්න ඔබ එක්ක ආකාසේ
විදගන්න ඒ සිසිල මා සිත්සේ
මට දෙන්න ඒ වරම කවදාද ඔබ එන්නෙ
පිණි බිංදු මල් වැහි අරන්....
සඳ මිතුරි සිත මිහිරි කළ මැනවි
බිඳු කදුලු පිණි පොකුරු කළ මැනවි...

ගිටාර් එක අරන් හිමිට එළිය බලන් ලියෝන් ප්ලේ කරන්න ගත්තා. එයා හිතට දැනෙන වෙලාවට විතරයි සින්දු කියන්නේ.. හිත පාළුව කාන්සියෙන් පිරෙනවා වගේ කියල දැනෙද්දී එයා සංගීතය තුරුළු කරගන්නවා.. එයාගේ විදියට ඒක තෙරපි එකක්... සංගීතයට පුළුවන් ඕනෙම කෙනෙක්ගේ හිතක් හදන්න ඒ වගේම දුකෙන් පුරවන්න.. ඒක තනුව එක්කත් බලපානවා.. කෙනෙක්ගේ හිතේ තියෙන දුකක් සෝදලා හරින්නත් වගේම තවත් කෙනෙක්ගේ හිත මතකයන්ගෙන් පාරලා දාන්නත් පුළුවන්..

මට මම ම වී ඉන්න ලොකෙන් බිදක් නොදෙන
ඈතට වෙලා අපි අපිම වී ඉතින්
නව ලොවට මුල් අනු දෙන්න
මිල නොවන පෙම් කවිය පබදන්න
පිනි වැස්ස වස්සන්න මද්දහන තෙත් වෙන්න
ආදරය දලු ලන්න මිහිකත මතින්
සිහිනෙ සරනා..
සිහිනෙන් දැවෙනා.. 

තත් කම්පනයෙන් ඇතිවෙන සංගීතයත් එක්ක හරි මාත්‍රාවටම ලියෝන්ගේ කටහඩ එක්කහසු වෙලා ඇහෙද්දී හදවත සන්සුන් වෙනවා. මේ අතරතුරේදීම විහස්නත් නැගිටලා නිදිගැට කඩ කඩම ගිටාර් එකේ සද්දේ පැත්තට ආවා.. ලියෝන් භාවනාවක් වගේ ඇස් පියාගෙනම සින්දුවේ ඇලිලා හිටියේ. ඒක නිසා විහස්න නැගිටලා එනවා එයා දැක්කේ නැහැ.. විහස්න සින්දුව හෙමින් මුමුනන්න ගත්තට මේක එයා ආසම සින්දුවක්..

ඉගිලෙන්න ඔබ එක්ක ආකාසේ
විදගන්න ඒ සිසිල මා සිත්සේ
මට දෙන්න ඒ වරම කවදාද ඔබ එන්නෙ
පිණි බිංදු මල් වැහි අරන්....
සඳ මිතුරි සිත මිහිරි කළ මැනවි
බිඳු කදුලු පිණි පොකුරු කළ මැනවි...

හදිස්සියේම එකතු වුණ කටහඬ මොකද්ද කියලා බලන්න ලියොන් ඇස් ඇරියා.. හිනාවකින්ම සංග්‍රහ කරලා විහස්නට ළඟට එන්න කිව්වා.. ලියෝන්ගේ කටහඩත් එක්කම ගානට මුසුවෙන කටහඩක් විහාස්නට තිබුනා. ලියෝන්ගේ තරම් ගැඹුරු නොවුනත් යම්තාක් දුරකට ඒ කටහඩේ ගැඹුරක් තිබුනා.. ඉරත් අවරට යන ගමන් නිසා තැබිලි පාට එළියකින් වගේම පුංචි පුංචි බල්බ්වලින් ළියෙන් විතරක් ගෙදර එළිය වෙලා තිබුනා.. ඒත් එක්කම එන මඳ හුළඟ.. ගස්කොළන් වැනෙන හඬ.. පුංචි පුංචි කුරුල්ලන් ගෙවල්වලට යනගමන් කතා කරන ඒවාගෙන් වටපිටාවම පිරිලා තිබුනා.. ඒත් එක්කම එකතු වුන විහාස්නගෙයි ලියෝන්ගෙයි කටහඬ වෙනම තැනකට එක්කගෙන යනවා.. දෙන්නම සින්දුව කිව්වත් ඒ දෙන්නා ඒ දෙන්නාගේ ලෝකවල... කටහඬවල් දෙකම එකතු වුණ තැන මායාකාරී බවක් තිබුණා..