جلطة قلبي «بنت أربيل»

بارت 8

وفي عينيڪ لمعه حين تراني
                     وفي خدڪ شامعه تفقدتِ معاليمي

كمال: بعد خلصت ماالدبكه والعشا كلمن راح على بيته اني من كثر التعب رحت للغرفه حتى اتمدد وانام اول ماطبيت للغرفه شفت دشداشتي بعدها على الكرسي. واتذكر ام لسان الطويل لو يمي الا اخنگها بيدي

. طبيت سبحت وبدلت تراك اسود اخذت الدشداشة ذبيتها بالحمام ورحت تمددت على الجرباية و ماراحت عن بالي خصوصا من عافتني وراحت واتأشر بيدها بمعنى دولي روح يزيد كرهي وحقدي عليها اكثر و اكثر. رغم مااعرف منو هي.

. مااعرف ايمتى نمت بس گعدت الساعه بـ 10:12 دقيقه حيل شگد نايم طلعت صبحت على اهلي ماتريگت لان معزوم بيت علاوي اني وخالي حسن واخويه حسين گعدت اشويه ويا الاهل وطلعت بدلت لبست دشداشه سوده واكيد وياها الساعه ومحبس والسبحه . شغلت السيارة ورحنا اني وحسين لبيت خوالي طلع خالي ورحنا لـ علاوي اني الطريق كله مادري بنفسي كل اشويه اطلع جگارة ورثها

. اول ما وصلنا شافني علاوي عرف بيه مهموم وضايج واني اساساً امثل مابيه شي مع ذلك يكشفني من امثل مابيه شي.

حطوا الغده مسويه ام علاوي برياني و فوكاها ودجاج مشويه وارسي ولبن والمرك شجر 😍 احب الشجر گعدنا تغدينا نفسها ع الاكل كلش طيب ماشاءالله. كملنا رحنا غسلنا وراح علاوي يجيب الجاي ويجي

. علاوي: تفضلوا الجاي يالمهموم 😹

كمال: اي والله يرادلها جاي وجكارة شقصدك؟ بالمهموم

علاوي: خلصت باكيت كامل مال جكاير من اجيت شسالفتك

حسن : يجوز لان امه قافله ماتجوزه 😂

حسين شلع گلوبنا بالسيارة كل اشويه ساحب جكارة ويشربها

علاوي: لا مااعتقد وعينه على كمال

كمال: شبيكم اكلتوني السالفه و مابيها................
حجيت السالفه مضوجتني

علاوي و حسين و حسن : ههههههههههههههههه علمود هاي

كمال: شبيكم تضحكون ماحجيت نكته

حسن: ولك زعطوطه سوت بيك هيج وانت زلمه مشورب ردت تنتحر بالجگاير من كد ماشربت 😂

علاوي: اي والله واني احسبه عنده هم بگد الدنيا طلعت بنيه زغيره 😂

كمال: مو صوجيكم صوجي اني اسولفلكم

حسين و علاوي : عرفت منو هاي؟

كمال: لا 

حسن: چا راح تبقى طول عمرك مهموم وانت متعرف  منو هي ههههههههههههه 😂

كمال: سوتني مضحكه بنتل ال....

ـــــــــــــــــــــــــــــــــــــــــــــــــــــــــــــ