جلطة قلبي «بنت أربيل»

بارت 7

                   بعدك عني والموت قريب مني

كمال الايام صارت تركض ركض محد يحس بالوقت وقرب عرس عباس وزفيناه وامي كل اشويه تشمرلها بسامير عليه وعلى حسين يارب صبرك

راح عباس ومرته للفندق واحنا رجعنا للبيت مكسرين تكسر من الدبكه 😹 (عبالكم من غسل الماعين لو الطبخ 😒 هذا شغل ذولاك الناس مو احنا) 😂 الله يساعدجن.

المهم وامي رجعت تفتح نفس الموضوع ماتجوز خلاص

كمال: يمه الله بالخير عليج
ام كمال: الله بالخير

كمال: البيت وتندلينه روحي اخطبيلي  امشي هسه اني وانتي نروح خطوبه وعرس بنفس اليوم نسويها اذا مستعجله على زواجي

ام كمال: ويعه امي انوب ادخل لذاك البيت النگس لا والله وخشمي يشم الهوى

كمال: يايمه چا شسويلج اذا مو راضيه اني اللي عندي كلته  غير صفا ماازوج

ام كمال: چا گول ميته امي اذا تاخذها

كمال: حرت وياج

ام كمال: لا تحتار ولا شي خلي تجي اللي بالي والله كريم

كمال: ومنو بالج؟ منو هي؟

ام كمال: شعليك انت مابقى شي وتجي ان شاءالله

كمال: مهما كانت تكون غير صفا مااتزوج من الاخير
حسين ماحجي شي بس ساكت بارد لابعد حدود
واني وامي كل يوم على نفس  والموال

تطورت علاقتي ويا صفا اكثر واكثر من غير الاتصالات والصور صرنا نتواجه اول ماتقابلنا تقربت منعا بستها بالبداية خجلت وبعدها غمضت عيونها وبادلتني من يومها اني ماتقربت منها خفت اخسرها او اكسرها

. بدت الايام ركض ركض واني من الدوام للبيت وبالليل نتخابر اني و صفا.......

وقرب عرس خالي الصغير راح يعرس ويطربنا ليش ماتزوج وليش ماتزوج كتله احجي وياه اختك انعرس اني وياك بيوم واحد 😂 بس هو يعرف امي قافله

العشيرة كلها تزوجت بقيت بس اني امي تشمر بسامير واني قافل على صفا 😂

واجه ذاك اليوم المشؤم

ــــــــــــــــــــــــــــــــــــــــــــــــــــــــــــ

يوم الاختبارات النصفي قبلها باسبوع واني طالعه للكافتريا وقفتني العرمه تبچي وعيونها حمر ومخربطه مادخلت المحاضرة الاولى وتطلب المساعده مني حسب كلامها على اساس چانت طالعه للجامعه واجو اثنين خاطفيها ومغ*تص*ها
تحجي وترجع بيني وبينكم كل الكلام مادخل مخي جاوبتها
رانيه: حقهم يسون بيج هيج لو ساتره روحج ومحافظه على نفسج مجان صاار بيج هيج اني مدخلني ولا اساعدج ولا احط ايدي بيج طلعي نفسج من هاي مالي شغل عفتها ورحت تريد تورطني