جلطة قلبي «بنت أربيل»

بارت 44

رانيه: الليل كله مانمته بقيت للصبح گاعده مو بس اني اهلي كلهم گاعدين الصبح ابويه راح للمحكمه اخويه اليوم! احنا گاعدين ميتين خوف وامي تصلي وتدعي كون ما يعدمون اخويه ،

. دموعنا نشفت واعصابنا تلفت على غفله يتصلون يگلون اعدام لو مؤبد، من كثر التوتر والقلق والخوف احس صار بيه خفقان بگلبي على ساعه اطيح من كثر التفكير رن موبايل امي ماردينا كنا نرجف امي دگول ردن مابيه حيل ايدي ترعش ام علي تبچي دگول عمه مااگدر ماريد اسمع خبر موزين اني ميته خوف وامي تصيح ردن ع الموبايل ام حسن فتحت خط وفتحت سبيكر سمعنا صوت اخويه ابو علي گال يمهه حضريلي غده ميتت من الجوع امي من فرحتها ماامصدگه اغمى عليها اما اني غصه بداخلي جانت من سمعت صوت اخويه عطتت عيطه اخويه طللللع بريئ ، شفت امي اغمى عليها رحنا نركض على امي صرنا نگعد بيها بعدما گعدت گالت ابني وين ليش مااجى وين الموبايل اخذته وصارت تحجي وياه كلنا مامصدگين سجدنا لله سجده شكر بعدها ركض للمطبخ سوينا اكل اخويه جوعان والعالم صار عدها علم.

. بعدها اجو اول مادخلُ طشينه جكليت والهلاهل سلموا اهلي على اخويه واني وراهم، كمال كان واگف يم اخويه ماانطيته ايي اهميه رحتت وحضنت گالي

ابو علي:  شمسويه بعيونج مورمتهن ليش هاي كلها علمودي

رانيه: هزيت براسي بمعنى ايي🙁 مريت من يم كمال ردتت اروح لزمني والدي سألني ليش ماسلمت على زوجي؟ وهو العايف دوامه وشغله علمود يوگف ويانه . گتله مالي خلگ

. ورحتت ودخلت للبيت ساعدت البنات بالاكل وحضرنا الضيافه للعالم ومن بعدها الغده! بعدها كمال طلع للحوش كان يخابر! بنات خاله امي وگفات ع شباك المطبخ و يتغزل بيه انيي من يمي ردتت ادخل روسهن بالشباك انتف شعرهن صحت بيهن عليمن تباعن؟ گالن لهذاك الوسيم شوفي يخبل يموووتت؟ گتلهن مو عيب عليجن تتغزلن بزوجي انتن ماتستحن ديالله منا لا اسوي شي مصار بعدها راحن شفته كان بعده يخابر گلت بگلبي ويا من تخابر؟ اكيد ويا زوجتك المستقبليه؟ فزني صوت ام علي وام حسن

ام علي: ااشوف الحلو صار يغار
ام حسن: لا ومراقبته بعد

رانيه: كلمن تروح على شغلها يالله بساع مالي خلگ

ام علي: مالها خلگ عيني ، اسمعيني اليوم سمعت بنات جوارينه يردن رقم زوجج كمال ، لو چان عندي انطيهن بس حرامات ماعندي الرقم يجوز يردنه بشغله مهمه

رانيه: لو گايلتلي كان اني انطيتهن

ام حسن: هههههههه كان بيا مقبرة ندفنهن؟
ام علي: ههههههههههه لا مو لهدرجه رانيه تغار مستحيل!

رانيه: كااافي عاد تلغن العالم هنا مااگدر اصيح، لتفت شفته طلع هو وحسين

ام علي: العالم لو كمال؟ يمممه ولا عبالك احد يحجي وياها شوفي وين عيونها.