جلطة قلبي «بنت أربيل»

بارت 14

..

كمال: من اول ماطبينا البيت وهي كسبت الكل خالاتي وعماتي وبناتهم  .

. چنت گاعد ويا خالاتي وعماتي نسولف دخلت هي اشرتلها براسي تعاي هنا اجتت وگعدت اشو هذنا عافنّ مكانهن وأجن يمها گعدنّ دار مدارها ويسألنها وهي منطلقه وياهن تجاوب ماسكتت «حسيت لهجتها اشويه غريبة» يعنى مو مثل مااحنا ننطق الاحرف. گلت يمكن دلع نسوان 

والمشكله عمتي ناهيدا چبيره بالعمر وهي ترد عليها شاورتها حتى لا ترد على المرة اكلتني عمتي حاصل فاصل. اضطريت اردها واگول مرتي حتى لا يشكون بينا

•المهم عمتي ناهيدا ماعجبها الوضع صاحيتها يمها وهاي الثانيه ماصدگت راحت تركض گعدت يمهاا وبداً يتهامسن مااعرفت شيحچن ّ

•وخالتي تسألني واني بالي مو يمها بالي يم هذيچ اخاف تچفصلها بسالفه وتخربب الأول والتالي وتروح كل خططي.

المهم سحبت نفس كتلهن احچن بصوت عالي حتى نسمع ماحسيت غير عمتي ناهيدا فررتت موجٌ البحر علي واخذتها وراحت ع الغرفه خررببب لو ضالات گاعدات بمكانهن احسن.

المهم سحبت روحي وطلعت من الصالة متوجهه للدرج وكفت انتظرها ربع ساعه او نص ساعه هيج وهنه يسولفن  بعدها طلعت واخيرا اشرتلها تعاي ورايي

رحتت للغرفه واني افكار توديني وافكار تجيبني اخاف حچت شي او بينت ألهن مادري ليش احس نفسي راح انفضحح من وراها

. مشكلتها ان تجاوب بسرعه بدون تفكير وهذا اللي خلاني اخاااف تفضحني ويروح كلشي. دخلت هي للغرفه سألتها شحچيتن

. جاوبتني بكل برود علمود النيشان بصراحهه مادخلت بعقلي ربع ساعه او اكثر يحچن اخر شي علمود النيشان گالتي انهن يلفن ويدوراً اقنتعت نوعاً ما لان عمتي ناهيدا وامي بلف والدوراً محد يلحگهن  ردتت اطلع سألتني شنو النيشان ومن سألتها جاوبتني مااعرف گتلها احسلج وطلعت اهزز بيدي

بعدها رحتت للربعه موجودين عمامي و خوالي والولد و علاوي وابويه وحسين حطينا غده وتغدينا بعدها رحتت للمطبخ شفتها هي و فطومه كلت لفطومه تنطيني مي.

بعدني ما ماخذ عليها حتى اصخرها. گلت لفطومه تحظر الچاي وطلعت رحت للربعه شفتهم طلعوا يغسلون طبيت اخذت من الماعين وطلعت للمطبخ

. شفت حسين يضحك ومدنگ وهي وراه لازمه القوري وتصب چاي فار دمي زمخت بـ حسين حتى يطلع من المطبخ واخذت الچاي وزعته رجعت للمطبخ شفت امي گتلها اصيحها لي ورحت للغرفه

كعدت ع الجرباية واهزز برجلي ودمي فاير اول ماطبت للغرفه نهضت من مكاني واتجهتت يمها لزمت ايدها واضغط بقوة گتلها شعندج واگفه ويا حسين بالمطبخ وتضحكون جاوبتني سلم ورديت السلام

. اكو بشر يضحك اذا احد يسلم عليه. فاجأتني من گالت اني مااحب احد يشك بيه و ترانا بعدنا بأول يوم سحبت ايدها وطلعت بقيت بمكاني.
اني اشك بيها؟ ليش هي منو أصلاً حتى اشك بيها؟. اني شبيه؟ شديصيرلي ؟ تعوذت من ابليس وطلعت