ـــــــــــــــــــــــــــــــــــــــــــــــــــــــــــــــــــــــــــــــــ
رانيه: طفيت الموبايل بقيت اتگلب بالفراش لحد مانمت. بعدها گعدت الصبح كان والدي ماكو كالعاده طالع مارجع الا الليل گال باجر محكمه ابو علي وحسب كلام الضباط سجن مؤبد. او يمكن اعدام
. اني سمعت هيج متت بمكاني البيت صار عبارة عن صياح، اختنگت طلعت من الصاله احسس ضايعه اخويه راح ينجسن مؤبد او اعدام يعني هاهيه! اطفاله يكبرون بدون اب، مجرد ماافكر هيج احسس روحي تطلع مني بطئ
. رحتت للغرفه اخذت موبايلي اتصلت على كمال. اول مافتح خط گتله واني اشهگ من البچي
رانيه: اخذوني بمكان اخويه اني عندي استعداد اتحمل السجن حتى لو تعدموني ميخالف ،
كمال: شهل حچي وليش ناخذج بمكانه؟
رانيه: الله يخليك هو بعده مشاف شي بحياته وراه اطفال يردونه
كمال: وانتي ماوراج احد؟ لو بس اخوج؟ اخوج زلمه يتحمل غلطته! انتي شكو رايحه تحملين غلطه
ما ارتكبتي.؟
رانيه: اني اتحمل عشت وياك اشهر تحملت الايهانه والشكك والمذل والغلط والشتم كلشي تحملت منك، مااتحمل السجن؟ اخويه بريئ! ماسوه شي حتى يتحمل ذنب غيره
كمال: كافي عاد تروحين وترجعين على نفس الموضوع، واخوج مانگدر نسويله شي ننتظر حكم المحكمه
رانيه: ياا حكم المؤبد؟ هاااا ياحكم مؤبد لو الاعدام؟بصياح اذا انعدم اموت وراه والله
كمال: ايي نكان الحكم لازم نقبل بي وانتي انسانه مؤمنه لازم تحملين لخاطر اهلج وتوگفين وياهم بهيج وضع تقويهم
رانيه: ينحكم لجريمه ماارتكبها هذا ياقانون بشر ينحكم مؤبد لو اعدام على شي ماسواه،
كمال: مجبورين نتحمل هذا قانون وانتي ادرى كونه تخصصج.
رانيه: قانون يمشي بس ع بريئ والمجرم يفتر براحته؟، اخويه ماغلط
كمال: حتى اني ماغلطت؟
رانيه: ماغلطت بشنو؟ ماافتهمت قصدك؟
كمال: بالشي دائماً دگولينه شكك..... الخ
رانيه: انت ماغلطت مو؟ عندك شي عليي؟..... گول ليش مستحي؟
كمال: ماعندي ولا شي ضدج !، بس غيرتي عليج دفعتني اگول هيج
رانيه: غيرتك؟ وهاي غيرتك مااهتزت بيوم اني مدده گدامك بالگاع وانت ولا تحركت من مكانك؟ هي هاي غيرتك؟ نگعها بمي واشربها. سديت الخط بوجهه! گعدت بالگاع ابچي احسس روحي تريد تطلع مني صرت اصيح ولج يمهه اخويه بعد مايرجع للبيت راح مناااا ، واشهكك
. دزلي رسالة اطلعيلي برا واعلمج شلون تسدين الخط بوجهي. شلت الموبايل ولطخته بالحايط تكسر كزاز الشاشه بكل مكان. بالگاع ، اندگ باب غرفتي طلعت ام حسن دگلي
أنت تقرأ
جلطة قلبي «بنت أربيل»
Ficción Generalتتكلم الرواية عن شخصين كارهين بعض قبل لا يتقابلون #خيانه #صداقه #زواج بالاتفاق #كره و #حب #ايهانه #شك #غرام#فراق #بعد #تحدي #اثاره #اكشن #حرب #نفس #لقاء #شوق الرواية مكونه من جزئين الجزء الأول كمل بقى الثاني
