جلطة قلبي «بنت أربيل»

بارت 49

رانيه: مرت الايام بينا اني ماحچيت شي معاه يعني بختصار لعبة وياه لعبة الحرب الصامته، الأثار اختفت لكن الأثر بگلبي ما راح ولا راح يروح أصلاً لحد مااعرف وارتاح، اصبله الأكل هدومه اغسلهن واكويهن انضف له غرفته بعدما يروح لدوامه،

. هاي الايام افكر اروح لبيت اهلي لكن عذري شنو؟
اذا شرحتلهم راح اطلع اني چذابه بنظرهم كوني مثلت عليهم كل هاي الاشهر بعد ما يصدگون بيه مو بس هيج راح انزل من عيون اهلي بعد ما يباعون عليي بنظرة فخر ، لهذا السبب اخترت اسكتت وابقى متحمله بين ما الله يفرجها،

. الشغله الوحيدة يلي بالي واريد اعرفها هل سواها بس يگلي يريح گلبي بدون چذب، سؤال بالي بعدني بنيه ؟ هاي الافكار اگلت راسي اكل،

.مر على سكوتِ اسبوع كامل ماحجي وياه شي طبعاً الاخ عاجبه سكوتي ماحچى وياه، الحرب مستمرة بينا لحد ما يوم اجى من وقتت كانت الساعه بـ9 بالليل كنت بالصاله گاعده اگلب بالبلازمه طگت روحي اريد اسأله نسيت شلون احجي وياه قبل لايدخل للبيت حضرتلي جريده كامله من يدخل اسأله، دخل راح لغرفته كان مستعجل، رحتت وراه وگفت يم باب غرفته گتله سؤال؟

كمال: جواب

رانيه:كان يدور على شي، گتله شسويت لي بذاك اليوم؟

كمال: استغفرالله، هم رجعنا على نفس الموضوع

رانيه: اريد جواب بدون لا لف ودوران

كمال: يعني شلون وياج ايمتى سدين الموضوع

رانيه: مااسد الموضوع لحد مااعرف

كمال: كافي سدي الموضوع شي صار وانتهى

رانيه: بالنسبه لك انتهى اما اني ماينتهي عندي لحد ما اعرف، تقدم عليي بغضب واني ارجع ليورة وعينه بعيني گال

كمال: كافيي رحمه لدينج كااافي ترا شلعتي گلبي خربطتي حياتي موتيني نعلتي سلفه سلفاي كااااافي كم مره گتلج ماسويت لج شي لمتى تبقين ميبسه راسج وكل مره عايده نفس الموضوع،

رانيه: سألتك سؤال كفرت خما كفرت وهذا شي حقي اعرف اني بعدني بنيه لو لا

كمال: يا صبر ايوب، انتي بكلشي ذكيه لكن بهذا الشي غبيه لابعد حدود، سبق وحلفت لج بأاغلى شي عندي بالدنيا وهي والدتي ما صدگتيني، تردين هسه اگلج اي او لا، وصدگيني

رانيه: مااتذكر حلفت لي

كمال: ولج، استغفرالله ياربي، بيوم اجينا من المستشفى وگعدت هنا بالگاع تشهگين وتبچين وحلفت لج ماسويتلج شي تذكرتي لو بعد؟ بصياح

رانيه: يجوز گلت هيج حتى تهديني

كمال: مو مهدئ مال اعصاب اني!

رانيه: عفته ورحتت للصاله گعدت اتذكر هو حلف لي لو هاي چذبه من چذباته  اجى وراي بسرعه شايل اوراق بيده گال