جلطة قلبي «بنت أربيل»

بارت 10

رانيه  : بقيت منتظرة مصيري بروح باردة. هو اني گلت اي افتهمت لو تورطت على عمررريي.

. مرت الايام واجت ام كمال گالت ابني اخذ اجازه واجه حتى نعقد عقد سيد ويرجع هذا الاربعاء العقد

وحتى يتفقون ع المهر طبعاً المهر هي ام كمال خلته الحاضر، 50 مليون والغايب 100مليون ليش مادري
ماصدگنّ نسوان اخواني حتى اهلي ✨اوك هيج مهر واكثر موجود بأربيل✨

.لكن الغريب انُ ام العريس تحط هيج مهر على ابنها هذا الشي خلاني استغرب وبنفس الوقت الحرمه براسها شي مستحيل ام تسوي هيج بأبنها

ام علي: لازم اروح للسوق نجيب بدلة وغراض وصاراً تعدد

ام حسن: ونزين الصاله هم هاي رنو مو حيالله

رانيه: اني راسي صاير طبل لو تشوفون الفرحه بعينهم دگول هنه العرايس

ام علي: يالله ياعيني استعجلي ترا مراح نلحگ لازم انجيب الجهاز ويانا كامل

رانيه: ماروح مالي خلگ ولا تعبن انفسجن ع الفاضي

ام رانيه يعني شلون شنگول للعالم هسه

رانيه مالي خلگ لا للعالم ولاي احد راسي يوجعني رحت للغرفه وتمددت ع الجرباية وبيني وبين نفسي افكر هو شعرفه بيه زين وين شافني حتى يستعجل هذا الاستعجال؟ قاطعه افكاري ام علي دخلت للغرفه

ام علي: عمتي دگول اخر انذار تروح لولا

رانيه: لا لا لا. توجهتت للكنتور وفتحته وطلعت منه فستان من فساتيني زمخت بيها

وين ومنو سمحلج أصلاً تمدين ايدج على فساتيني
مو احاچيچ

ام علي: مو اني عمتي طلبت مني مااگدر اگول لا .

رانيه: اللهم صبرج ياروح! وراها بشويه البيت صار صنطه هادئ حتى صوت الجهال ماكو

طلعت من الغرفه البيت فارغ رحتت للحديقه  گعدت ع الكرسي واگلب بالموبايل اخذني الواهس بالموبايل ماحسيت بالوقت الا على صوت الاذان المغرب رحت توضيت وصليت دعيت ربي يحفظني من كل مأمرة تصيرلي ويطلعني من هاي المصيبه اللي اني بيها وبوجهيي للمطبخ گعدت اسوي عشا واني افكر ماخليت شي بالثلاجه بالمجمده ماطلعته صرت اگرض واقلي بالطاوة ماحسيت بنفسي أصلاً راسي افكار بأفكار حتى من اجوي من السوق ماحسيت بيهم

ام علي:ويننن صاااافنه ياا عروس هاي شمسويه

رانيه: صافنه واگرض زلاطه  فزتني ام علي بصوتها
استغفرالله تحمحمِ سلمي صوتج يرعد رعد

ام علي: ماگتيلي بيمن صافنه

رانيه: بحظي المصخم وين صافنه لعد

ام علي: واضح من گد ماتفكرين باصاحب النصيب مامخليه شي بالثلاجه والمجمده مامسويته هههههههههههههه