جلطة قلبي «بنت أربيل»

بارت 34

رانيه: اخر يوم رمضان ورا الفطور ﺟلفت البيت ﺟلف
طلعت رقم الشركه بالبيت 😂 بعد كل هذا التعب لازم ارتاح وانام المفروض يعني؟ اشتغل الموبايل برسائل والاتصالات ارد عليهم واحد واحد صرت احجي عربي و كردي جميع 😂 بس اريد اخلصهم مدا يخلصون 🤣.

المهم طفيت الجهاز ونمت گعدت على صوت دگ الباب

كمال: اليوم عيد مو رمضان تنامين للضهر!

رانيه: گعدت أصلاً اني ما احب انام للضهر «والله چذب عوفوني اذا مابقيت نايمه يوم كامل» 😂

كمال: ايي واضح. كل عام وانتي بخير

رانيه: وانت بخير وعساك من عواده

كمال: يالله ع المطبخ سويلي ريوگ خلصت المعايده 😂

رانيه: حتى الريوگ نسيته لو باقين على رمضان احسن 😂 سويت الريوگ وگعد تريگ

كمال: من نكمل ريوگ نروح لاهلي اليوم الغده والعشى

رانيه: قبل لا اروح لاهلك نمر على اهلي نعايدهم وروح

كمال: وليش مانعايد اهلي قبل

رانيه: حلو اروح لاهلك نعايدهم نرجع لاهلي نعايدهم ونرجع لاهلك هيج.

كمال: 😂 خوش فره.

رانيه: خلصنا ريوگ اني غسلت الماعين ماعندي شغل وناسه 😂 رحتت للغرفه ابدل فتحت الكنتور اطلع فستاني

بعد ما كملت تبديل حطيت مكياج خفيف وعطر وگعدت اعدل بالشال ، صاح

كمال: ما خلصتي؟

رانيه: فتحت الباب گتله خلصت ما عندي شي بس الشال، سحب ايدي خله بيها ورقه 100 الف باسني بخدي اني جامده بمكاني من يوم سحب ايدي

كمال: كل عام وانتي مريتي ، وهاي عيديتج

رانيه: بحاله صدمه. بس الصبح عايدتني

كمال: هذيج صباحية وهاي المعايده خاصه تكون بعد الكشخه

رانيه: وهاي اشر على خدي وهاي على الورقه

كمال: هههههههه راح تتعودين وهاي عيديتج

رانيه: هواي؟

كمال: لا مو هواي. واني وين عيديتي؟