جلطة قلبي «بنت أربيل»

بارت 55_56

عًجبًأأ لـ قلَوبٍ لاتَزألَ تنبَض عععَشقَ لمنَ جًرحًوهأأَ

السلام عليكم ورحمة الله وبركاته ♥

شلونكم اخباركم

اشتااااقتولي صح ❤😍

ــــــــــــــــــــــــــــــــــــــــــــــــــــــــــــــــــــــــــــــــــ

رانيه: بقيت گاعده ويا اهلي اسولف بسرعة معاهم حتى هم متفاجئين مني وليش احجي عسريع ميدرون نسيبهم حرگ گلبي من گالي يم صديقته نايم بحضنها، امووتت ألف موته من افكر هسه شلون حاضنها،

مااعرف شرد على اهلي من يسألوني ليش تحجين سريع اسكت ، بعدها طلعت لغرفتي شفت موبايلي ماكو ولا اشعار منه 🫤 گلت يعني كلامه صحيح؟ خوش يا حضرة النقيب خليك يمها تتهنون مع بعضكم

.طلعت من الغرفه رحتت برا بالحديقة كانُ عمامي موجودين گعدت وياهم وسوالف وضحك قبل المغرب اجو عمي ابو كمال وعمتي ام كمال وفطومه
بعدها تعشينا واني وفطومه ماتفارگنا گعدنا سوه نسولف ونضحك

. وتعللينا بعدها راحوا ، عمتي مابقت فطومه يمنا گالت عندنا تحضيرات بالبيت والخميس اروح وياهن حتى نخطب ل، حسين، اني من زمان گتلها ان شاءالله اروح وياجن اخاف نفس حالتي بالبداية من گتلها اي اي افتهمت واخذتها على ان موافقه،

مستحيل اقبل اخلي بنت ثانيه تتعذب نفس العذاب الشفته، صح كمال هاي الفترة متغير 180 درجه بس اكو شي بداخلي مامطمئنه ، مااعرف شنو
بالضبط؟

. صارت الساعه بـ12:30 بليل اني بغرفتي دا اراسل بصديقاتي ع الگروب، اجاني اشعار فز گلبي

ــــــــــــــــــــــــــــــــــــــــــــــــــــــــــــــــــــــــــــــــــ

كمال: بعدما قفلت الموبايل منها رحتت تغديت بعدها ألتهيت ويا ربعي الضباط بس شنو مجرد جسد گاعد معاهم گلبي وتفكيري يمها شدا تسوي هسه هل تفكر بيا مثل ما اني افكر بيها؟

.حسوا عليي ربعي گتلهم صايره عندي مشكله بالبيت دا افكر الگالها حل، وهي فعلاً مشكلتي هاي مالها حل، صرت ألهي بنفسي حتى اگضي الوقت وماابقى افكر بيها، صارت الساعه بـ12 بليل فتحت نت وگعدت اگلب بالفيس شفتها نشط الان رحتت راسلتها

كمال: گاعده لو نايمه؟

رانيه: مارديت عليه!

كمال: رجعت كتبتلها يعني شلون ماتردين؟

رانيه: فتحت المحادثه قريت شكاتب وطلعت

كمال: خوش يصير خير!

رانيه: لا رد بس اقرء

كمال: من ماتردين ليش تقرين؟

رانيه: كتبتله يعجبني