جلطة قلبي «بنت أربيل»

بارت 12

~« ما بينِ وبينك هنالك حواجز و عوالم لا يمكننا تخطيها الا اذا هُدمت تلك الحواجز» ~

______________________________

رانيه: دخلنا للبيت وبدأت الاغاني والردح واني راسي صدع من صوت الاغاني«احسس ما مر وقت اهويه » اسمعهن يگولن العريس راح يدخل تغطاً.
بهاي اللحظه تمنيت اكون بمكان اي بنيه موجوده اليوم بالعرس ماتمنيت اكون العروس.

اني مدنگه و متوترة شفت خطواته وهو يتقدم نحوي من گد التوتر صرت حتى اسمع خطواته تتقدم بتجاهي واني توتري يزيد! ومدنگه

اجت ام كمال جابت الحلقات اخذ الحلقه من العلبة. وقدم الحلقه عليه رفعت ايدي ترجف سحبتها اريد وحده بيهن تجي تهديني ماكو ايدي ترعش ماحسيت غير ضغط على اصابيعي وباقيه ترجف اسحب ايدي منه يلزمها بقوة اكثر لبسني الحلقه وترك ايدي.

هسه اجه وقتي اخذت الحلقه من العلبه حتى لبسها له رادت تگع الحلقه لبسته بسرعه وبدت الهلاهل وام كمال لبستني باقي الذهب گتلها كافي عمه ردت عليه اشش مايصير كملت الذهب وچان تجي عينها ع القلاده الي بركبتي ام النجمتين همست يم اذني سوتيها واشترتيها ابتسمتلها كتلها ايي

المهم طلعنا صعدوني بسيارة واني الطريق كله توتري يزيد واطگطگ بأصابيعي وارجع اطگطگهن واني مدنگه همس يم اذني اشش كاافي.«گلت بگلبي وانت شعليك » بقيت اطگطگهن الطريق كله لحد ماوصلنا للقاعه

دخلنا اخذتني ام كمال للغرفه وياها بتها يعدلن بدلتي والطرحه وگالت حتى تدخلون الملكيه والرقصه لزمت ايدها گتلها عمه ماريد امااانه الله مااريدد وأرجف

ام كمال: انتي و أبني شبيكم ليش هيج سوون الشوفه الشرعية ماقبلتوا تشوفون بعضكم وهسه المشيه الملكية والرقصه انتوا متفقين علينا لو شنو

. رانيه: گتلها مااريد لا اتفاق ولا شي بس مااريد تشوفيني توتري يزيد اكثر و أكثر راح يغمى عليه

ام كمال: هاي تصير ويا كل بنيه صاينه نفسها التوتر هذا شي طبيعي

رانيه: مع ذلك غلسي ع موضوع المشيه والرقصه

ام كمال: شحجي بعد هاي لصمتت! كلشي سويته علمودكم ولكم هاي فرحة العمر بعد ماتنعاد وانتوا واحدكم اعند من الثاني باجر تتندمون وتتحسرون على هاي الايام وتعضون اعصابيكم ندم ودگولون ياليت وياليت وگولي عمتى ماگالت.

رانيه: فدوهه الج هاي الايام والجاي بس مشينا هاي الليلة على خير بدون اي شي فدوه اروحلج.

ام كمال: اخخ منك يلساني. دخلي يمهه خلينا نروح تأخرنا ع العالم.

رانيه: دخلنا اني و ام كمال وگعدتني ع الكوشه سألنها النسوان عن المشيه الملكية

ام كمال: العروس تعبت ولغيناها اخااف يصير عليها شي اليوم كلش تعبت

رانيه : كل اشويه يجن نسوان يستفسرا ً شبيها العروس. يربي مضي الليلة على خير كل اشويه ادعي
بدأ الاغاني والرگص بعدها العالم تعشت وبدت تخفف العالم