جلطة قلبي «بنت أربيل»

مشهد من القصة

ــــــــــــــــــــــــــــــــــــــــــــــــــــــــــــــــــــ

مشهد مختصر مو كامل من احداث القصه.

رانيه: طالعين بالسيارة وهو اعصاب نار 🔥يمشي سريع ويرجع يخفف من تصير سيارة گبالنه ويضرب ع الستيرن.

رانيه: سحبت نفس وگلت على كيفك راح تگلبنه اول وتالي راح تلحگ تروحلها 😒

كمال: بعصبية انتي ماتعرفين تسكتين بس تلغيين انجبي عاد مالي خلگج ترا

رانيه: وليش هذا العصاب عيني ترا ماتسوه كل هذاا معصب وتصيح گطع صوتي فجاءة وگف السيارة

كمال: بصيااح انزززلي الضاهر انتي ماتسكتين انززززلي

رانيه: فتحت عيوني على وسعهن على حجايته اباوع يمنه يسره وين انزل

كمال: بصياح انزززززلي گلت

رانيه: فتحت باب السيارة ونزلت شخط السيارة وطلع راح واني اباوع وين اروح شفت اكو سايديين طريق سيارات «السيارات تمشي سريع» گدامي

بالسايد الثاني اكو مثل محلات تصليح سيارات وچان اكو يمها زلم هوايه وهم يباعون عليه كلهم بنضرة استغفرالله بس
المهم باوعت وراي واشوف طريق تراب واكو تل

«بمعنى كوم مال تراب» صغار من الجهتين بالطريق اني امشي سريع خايفه من نضراتهم وارجف وجنطتي بقت بالسيارة متت خوف ورعب امشي سريع اخاف يجوني واني بوحدي وامشي وامشي لحد ماوگفت اني وين رحتي صرت اباوع يمنه

ويسره عسى ولعلى الگه ناس اكدر اخذ موبايل اتصل بأاهلي يجوني سمعت صوت مشي وراي ردة لتفت واني ميته رعب ماحسيت الا صوت رجال خشن ومخلي سلاح براسي بقيت جامدة مكاني وارجف

دفعني بالسلاح امشي گلت وامشي واني ارعش من الخوف ضليت امشي وارجف گتله بخوف الله يخليك عوفني والله اجيت بالغلط هنا تايهه مااندل طريقي اريد موبايل اخابر بي اهلي احجي وارجف

گال ماكو موبايل ولا تحجين صوتج عورة 😒 لتفت عليه واشوفه شكله استغفرالله لحيته وشعره كاشش طويلة يلعبون النفس ولابس اسود اول مره اشوف هيج شكولات يعع صدگ انقرفت منه

ضلينه نمشي واشوف مثله كلهم لابسيين اسود واكو واحد بيهم كان سمين كلش واكف بالنص وهما داير مدايره اشويه بعيدين عنه وكل واحد بيهم واگف بمكان مختلف مطشرين ماواگفين سوه

. بمكان اشبه بالصحراء اكو ورا هذا السمين خنزيل مثل السرداب بالگاع جان يحجي هو واللي جابني عليهم گاله لكيتها تفتر قريبه من موقعنا سألني شجاب هنا ومنو دزج وشنو كلمه السر

.. كتله يا كلمه سر شنو موبايل محد دزني تيهت المكان طبعاً حجي يادوب ينسمع وهو يگلي هاااااا شدگولين ويفر براسه عدت كلامي واحس لساني ثگيل بالحجي من الخوف

صاااح گال جيبوهن. طلعن نسوان من السرداب اللي بالگاع لابسات خمار واكو بيهن لابسات بس عبايات وجبب بس شنو بالگوه يمشن وحافيات وهما يسحلون بيهن سحل وگفوهن يمي ويبجن

هو اني ميته خوف بس من اجن مادري حسيت روحي مو وحدي والله دزهن وياي لان بساعتها من شفتهن راح الخوف والرجفه والهلع اللي جنت بي «شايفين من تدخلون مكان مضلم وياكم احد يخاف ويرجف وتحس نفسك مسؤل عليه وتشعر بنفسك قوي وانت بالاصل تخاف من الظلمه هيج اني»

اكو اثنين واگفين ورانا سحبوا حديده من الگاع وجان تطلع جوه هاي الحديده حفرة جبيرة توسعت عيونه كلنه من الحفره فجاءة كمزت وحده بيهن وراحت ع الخنزير طارت تغلط ياحيوان تريد تموتنا وتسب وتتفل عليه لزمها من خمارها ونزل بيها ضرب هذا السمين وهو يصيح اقتلوهن هذنا الكافرات وذبوهن بهاي الحفرة صارن يبچن النسوان ويصيح الجهاد الجهاد .. قاطعته گتله ياجهاد جهادكم علينا هو هذا تسمونه جهاد.

الاجهاد هناك بسوريا العالم صارلها من 2011 تموت بمواد كيميائيّة وقصف بيوت وذبح اطفال ول فلسطين اللي صارلها اكثر من 70 سنه قتل وجوع واغتصاب النسوان وقتل الاطفال والشياب

لو جهادكم بس عا النسوان هو اني احجي وهذا الخنزير يصيح صوتج سكتوهااا تقدم لعندي وگفن النسوان بوجه صار يضرب بيهن بنهايه الرشاشه على وجوهن وايديهن وروسهن بدون رحمه وشفقه

. صحت عليهم انتوا أصلاً منو؟

. نفسه الخنزير جاوبني گال احنا الدولة الاسلاميه صدمني

. گتله يعني انتوا الدواعش؟ اني اللي اعرفه هما دواعش مو دولة الا الا اسلاميه

ماحسيت غير حرارة الراشدي ويگلي داعش بعينج باوعت عليه احس عيوني صارن بگصتي (اول مرة بحياتي رجال غريب يضربني) دفرته برجلي وگع بالگاع وتفلت عليه انعل ابوك لابو الخلفك اذا مديت ايدك عليه ياحيوان ياقذر وگف

. وجان يرفع الرشاشه حتى يضربني احسبه راح يضربني على وجههي او راسي خليت ايدي على راسي وجهه ضربني على بطني بنهاية الرشاشة بوقتها

حسيت عيوني طلعن من الوجع النسوان سحبني لعدهن رفع رشاشته گال محد يطلق النار اني اعدمهن بيدي سحب الزناد و رفع الرشاشه بوجهي وهو جاز على سنونه وعيونه بيهن شرارة بعده مااطلق وجان يطفر من مكانه ايده كلها دم ويصيح

... على صوت الرمي باوعت من الجهه اليمنى اجه كمال وبيده سلاح بين على السلاح بيده قناص والحشد وشرطه صاروا يرمون بالجو ويصيحون نزلوا اسلحتكم نزلوا اسلحتكم..

.. الخنزير هو ولازم ايده گالي ماانساها لج مااعوفج اذا مااخذ روحج بيدي فلا انحسب من الدولة

ويهدد بيه و عيونه حمر بس مو عيون بشر وهو يحجي احس شخصين يحجون مو واحد بوقتها جاني شعور غريب صارت انفاسي تصعد بسرعه وتنزل صارت بيه خوفه من عيونه مو عيون بشر.