جلطة قلبي «بنت أربيل»

بارت 11

رانيه نايمه بحلات نومه. فزيت على صوت الباب اللي انفتح بساع وشخص اجه يركض لعندي

ام علي: ولج گومي ماضل وقتت راح نتأخر بالتجهيز ورانا شغل هواية

رانيه: فتحت عيوني ع الساعه بالحايط واني اشوفها ياا بال9:00 يااما  بعدها مصايره بـ 12 ما مركزه ع الوقت بالضبط  ! كتلها روحن خلصن كلشي وبعدين تعالوا گعدوني اريد انام

ام علي: ربي ما تنطيني اشويه من برودها ولج يباردة گومي ورانا شغل هواية گومي حظري نفسج حتى تروحين لصالون

رانيه: عود ليش صالون خير ان شاءالله هنا احط حمره وكحله وهاي هيه

ام علي: ولج ياحمره تحطينها ورا اشويه تمسحيها دگولين اوڤر غامقه مااعرفج گومي عاد

رانيه: ماا اريد انام.... سمعت صوت ام كمال

ام علي: اشرتت لأم كمال گتلها تعاي نايمه العروس بالأشارات وبس حلگي يتحرك

ام كمال: فووتتت وليدي شوف مرتكك

رانيه: سحبت الغطى غطيت راسي وهنه يضحكن

ام كمال: گومي سلمي على رجلج

رانيه: يااا عززززا ييممممهه

ام كمال:هههههههه شراح تسويلج امج قابل

رانيه: ييمممممممههه

ام علي: دا نشاااقه وياج شبيج ماكو احد بس احنا

رانيه: مااااا ييمممههه

ام رانيه:هاا يمهه شبيج

ام علي اتشاقه وياها عمتها على ان العريس فات يشوفها وهي ماتقبل توخر الغطى عن راسها

ام رانيه: وخرري الغطى عن راسج يشاااقن ويااج

رانيه: گولي والله محد بالغرفه غير ام علي و خاله ام كمال

ام رانيه: والله محد بالغرفه وخرري الغطى عاد

رانيه: وخررته وهنه بس يضحكن اي هيج گولن من البداية رعبتني من صباحيه الله

ام علي: تتوقعين نخلي يفوت عليج وبعدكم ماعقديين الله شتفكير عندج!

رانيه شمدريني اني الواحد من يگعد من النوم يضل عقل براسه شغال.

ام كمال يالله گومي دوبنا نلحگ نروح للصلون ونجي وعقد بعد شغل هواية

رانيه عدلت گعدتي: وليش روح للصالون هنا اني اخلي مكياج خفيف وها هيه

ام كمال: لا نفس مكياجج مخليته بعرس اخويه عبالك ولا حاطه شي صرت اشك انج حاطه مكياج مايريد ابني يشوفج بدون مكياج

رانيه: اي عادي بدون مكياج ع الطبيعه احلى

ام كمال: وسعتت عيونها اكيد بعدج نايمهه مو