جلطة قلبي «بنت أربيل»

بارت 22

.كمال: ما اريدها هاي مااحب ألبسها حتى دشاديش ما  تعرفين تختاريلي لكن هذا اليعتمد عليج!

. رانيه: ذبيت الدشداشة ع الجرباية وطلعت.. شفت البنات مشغولات رحتت برا اشوف القصر من الخارج.

واني بالحديقة اباوع ع القصر دخلت سيارة بيها رجال وبنيه نزلوا اول ماشافتني البنيه ابتسمت

ريهام: هلا والله اليوم منو عدنا؟ انتي زوجه كمال

رانيه: هلا بيج ايي اني زوجته. حضنتني

احمد السلام عليكم
رانيه: وعليكم السلام

ريهام: هلا بيج گلبي شلونج اخبارج وشلونه كمال

رانيه: الحمدلله بخير اذا انتي بخير

ريهام: من شفتج صرت بخير والله وطلع يعرف يختار ابو راس مربع

رانيه:هههههه هسه يسمعج وصير كتلتج عمل شعبي

ريهام: ههههههه لا تخافين حمودي وياي

رانيه: سمعت مريومه دگول اجتي العروس..
گتلها انتي العروس المنتظره

ريهام: ههههههه ايي اني انوب المنتظره

رانيه: الف مبروك الزواج عمري زواج الدهر. غير من البارحه منتظرينج

ريهام: ويبارك بيج حبيبتي تسلميلي. لو ادري ينتظروني چان من زمان تزوجتت 😂هههههههه

رانيه: ههههههه. اجن البنات والعمه ناهيدا وطشن جكليت ويهلهلن ويباركلن ألهم . تذكرت ثاني يوم من اجينا اني وهو من الفندق وقت استقبلونا مثل هذا الاستقبال... خطيه بقت فوگ الساعه وهي واگفه على رجلينها وماخلص لا السلام ولا المباركات
واني اضحك عليها وهي

ريهام: كافي اريد اگعد
رانيه: ههههههههه بعدها انتبهت اكو شخص يباوعلي طلع احمد زوجها يباوع عليه ومبتسم 🤨 رفعتله تك حاجب خزرته گتله  خير دنگ بالگاع. والعروس بعدها واگفه ويبوسن بيها ويباركلها

رانيه: زلم ماتملى عينكم غير التراب هذا وهو بعده الاسبوع الاول من زواجه لو يبقى للاسبوع الثاني اني متأكده يمشي على درب المحروس العندي «اقصد كمال».

بعدها اجي هو لابس الدشداشة الجوزيه وساعته والمحبس وبيده السبحه يفر بيها «هو ياخذ السبحه حتى يفرها مو يسبح بيها » كلهن بنفس لون الدشداشة. گلت بگلبي مو علساس مااتحب هذا اللون؟

كمال: مبروك مبروك زواج الدهر. وهو مبتسم

احمد الله يباركلك يوم الك ان شاءلله

كمال:ان شاءلله

رانيه:«ايي اكيد ان شاءلله! أصلاً مابقى شي»

كمال مبروك رهومه وهاي مني ومن زوجتي «قلاده ذهب مكتوب بيها اسمها واسم زوجها»

ريهام: الله يبارك بيك احسنت الاختيار. ذوقكم حلو بتصميم شكراً