جلطة قلبي «بنت أربيل»

بارت 30

مر على التحاق كمال اسبوعين و الثالث.

.بعدها اجى لبيت اهلي گعد اشويه حتى سكانه الچاي ما خلصها گال تعبان وخذني للبيت ورحنا الطريق كله ساكت ماحجى شي من وصلنا للبيت بوجهه راح نام بغرفته واني گعدت گالعاده نظفت الحوش والحديقه وشطفت البيت مابقى عندي شي رحتت ادرس لحد ما گعد گال

كمال: سويلي اكل واغسلي ملابسي

رانيه: استغربت بالعاده ما يگلي اغسلي ملابسي اني اغسلهن بدون مايگلي! گلت يجوز تعبان من الدوام.
رحت المطبخ افكر شسويله اكل؟ سمعت صوته وراي

كمال: اطبخي لحم بدهن وزلاطه

رانيه: لحم و بدهن؟ 🫤  . طلعت اللحم وسلگته ع الطباخ بعدها جبت طاوه خليت بيها دهن زيت الزيتون وحمست اللحم وسويت الزلاطه والطرشي وخبز خليتهن بصينيه واخذتها للصاله كان گاعد ع القنفه من شافني گعد بالگاع خليته يمه ورحت جبتله مي بارد وارسي بعدها رجعت دا اسوي چاي صاحني

. گلت هسه يگول مو هيج اريده اللحم بدهن

رانيه: نعم

كمال: سويلي چاي

رانيه: الچاي راح يكمل

كمال: لا تراددين سوي وانتي ساكته

رانيه: صاير اعصاب ، عفته وطلعت كملت الچاي صبيته و انطيته له

كمال: جيبيلي جكاير

رانيه: رحت لغرفته اخذت باكيت من الكنتور وانطيته شلت الصينيه ورحتت غسلت الماعين خلصت رجعت اخذت ملابسه غسلتهن وشريتهن ورجعت لزمت كتبي وگعدت اقرا رغم ما مركزه بقرايتي گد ما افكر بعصابه اليوم؟ رجع يصيحني لو هم يصيحني بأسمي كله تعاي ولج مو اصيحلج  «هيج يصيحني 😂»

. رحت كان بالحوش واگف

رانيه: خير؟

كمال: اغسلي الطرمه ونظفي الحديقه

رانيه: الحوش والحديقه مابيهن شي نظيفات من انت ونايم....

كمال: گتلج لا تراددين نظفي

رانيه: انت شبيك اليوم؟

كمال: ما تعرفين شبيه؟

رانيه: لا منين اعرف؟

كمال: خوش سوي نفسج ما تدرين! و مثل ما گتلج نضفي

رانيه: عافني وراح للبيت، اخاف عباله اني بنگلادشيه بس مال خدامه وتنظيف  ، رحت وراه شفته مدد ع القنفه بالصاله، گتله خيرك شبيك وياي اليوم؟، باوع عليه ورجع يباوع ع البلازمه  ، طفيت البلازما ماحسيت غير خنگني بيد وحده گال

كمال: عيديها مره ثانيه اذا ما اطلع روحج بيدي

رانيه:نتر ايده وبيده الثانيه جهاز البلازما رگعَ بالگاع وراح لغرفته  . معقوله ذا كمال؟ اعصاب وما يتحاجه
مجان هيج شبي؟