جلطة قلبي «بنت أربيل»

بارت 32

لا بارك الله في الكتمان 💔

ــــــــــــــــــــــــــــــــــــــــــــــــــــــــــــــــــ

بقى يشمر كلام من يمه واني اسوي نفسي ما اسمعه عود مندمجه بالبرنامج التلفزيون لقاء اعلامين ينطون اخبار الحدث، يدع مااعرف يدعي عليه گال

كمال: ربي ماجوزتني وحده حنونه عاطفيه مجوزني وحده مشاعرها مشاعر الزلم

رانيه: هو گال هيج اني ضحكت ضحكه اول مره اضحك بيها من كل گلبي وهو موجود  اريد اتنفس او اوقف ضحك ما اگدر اني ضحكتي كتم ارجع ليوره واني كاعده ع القنفه اخاف انچب ع الگاع من الضحك.

كمال: اول مره اشوف هيج ضحكه كتم مالها صوت؟
الووو راح تختنگين وتموتين خذي نفس.

رانيه:نزلت من القنفه بالگاع واني مستمره بالضحك اذا بقيت گاعده ع القنفه يمكن اگع على وجهي.

كمال:لازم حچيت نكته؟

رانيه: سحبت نفس گتله اني مشاعري مشاعر الزلم؟

كمال: ليش مجذب؟ 🤨. انتي لا احساس ولا ضمير

رانيه:؟؟ شقصدك؟ تغيرت تعابير وجهه گال

كمال: تعرفين قصدي! ماشفتج سألتي شوكت تروح للدوام شوگت تجي؟ حتى من اني بالدوام ما تخابرين دگولين عندي رجال حي ميت حتى لو بل ﺟذب دزي ساله ؟ 

رانيه: انت من البدايه گلت مالج دخل بيه متى اروح ومتى ارجع ل....

كمال: بس ماگتلج لا تخابرين ولا تسألين عليه؟ رحت اكثر من اسبوعين ع الدوام ربعي نسوانهم تخابرهم وتسأل عليهم و اني بس افر بأذاني ومن رجعت ما شفت حتى ابتسمتي بوجهي؟ رجعت للبيت عفتج اكثر من 5 ايام اطلع من الصبح ما ارجع لنص الليل گلت عسى ولعلى يحن گلبها تحس بيه اشويه لكن ماكو فايده!! هو الرجال شيريد من اهله واحبائه غير يحسسونه انُ مهم بحياتهم؟ مره تشتاق لزوجها تحسسه اذا هو ماموجود وياها حياتها خ*** ! لكن انتي حجاره محجرةة 

رانيه: لا رد.«وبگلبي اگول خايفه اتعلق بيك اكثر و اكثر.خايفه تكون هذه دگات گلبي حب اخاف اعشقك واتمرد بحبك واصير انانيه لدرجه ابعدك عن حبيبتك؟ اخاف اثق بيك وبعدها تكسرني وتخلي اللوم عليه!. لا تعذبني ولا اعذبك ولا تتعلق بيه ولا اتعلق بيك . فـ خلني على راحتي يرحم والديك»
يمكن مع مرور الايام راح تفهم عليه. من شفت صفا اول مرة بلحظتها ادركت العنده هيج جمال يباوع عليه او يفكر بيه بعد ما نطلگ؟ أصلاً راح تنساني اول ما نطلع من المحكمه؟ 💔. وحتى... قاطع افكاري گال

كمال: لا تردين خليج ساكته ! أصلاً ماكو فايدةة من الحچي وياج 

رانيه: عافني و راح على غرفته رگع الباب بقوه. گمت طفيت البلازما ورحتت للغرفه سديت الباب خليت ضهري ع الباب واتذكر كلامه ما حسيت غير الباب انفتح بقوة ردت ارگع بالحايط  . لتفت طلع هو شفته يحرك راسه يدور لشي وهو لازم يده الباب لتفت عليه من شافني خازرني گال