كتب حروفك القاسية بورقه سوداء
فـ اضائها نور عينيك
رانيه: بعد ماكملت كتابة رجعت اتصفح بالكمبيوتر نگدر نگول تضيعه وقت والمشكله الغرفه اللي اني بيها حارة نار رغم بيها سبلت الا اني ما اعرف اشغله وكتبت ع اليوتيوب كيفيه تشغل السبلت طلعلي واحد يفله فصخه تفصيخ والثاني ينضفه بالمي وكل واحد يحجي شكل حتى ماكو نفس السبلت الموجود تركته گلت اخاف يعطل وابتلي اني.
طلعت لكيتهم ماكو بالحديقه صرت انظف وغسل الماعين اذن العصر وصليت وبعدها اخذت الموبايل ورحتت گعدت بالحديقه اتصفح انفتح باب الحوش ودخل بالسيارة وراها اجى كان ضايج گعد ع الكرسي المقابيلي سألته بيك شي؟
كمال: سكتت وراها گال اليوم حلمت بوحده اجتني بس شنو لسانها طويل تحجي وترزل بيه واني احاول ارد عليها مااگدر كل كلمه اكبر من الثانيه وجهه ماشوفه لكن متأكده هي نفسها ذيج
رانيه: بگلبي واني اگول ليش اليوم ماگعد من الصبح؟ گتله منو هاي؟
كمال اخخ لو بس اعرفها قبل شويه جنت يم سيد يفسر احلام گالي هاي البنيه قريبه منك اقرب ماتكون والشي الزادني حيرة منو هاي؟
رانيه: زين قبل شويه گلت انك متاكد هي نفسها منو؟
كمال: هاي بنيه اكره ما اكرهه اتمنى لو بس اعرفها والتقي بيها لأخليها اخر نفس تتنفسه بحياتها
رانيه: زين شمسويتلك؟ حتى تكرهه هلكره ومنو هاي؟
كمال: مره من المرات التقيت بوحده. بوقتها چان خطوبه خالي واني چنت معزوم يم ربعي واخذتنا السوالف ماحسيت بالوقت بعدها انتبه للوقت حيل طلعت بسرعه من بيت ربعي ولصلت للبيت اهل العروس نزلت بسرعه بعدني مادخلت باب الحوش اصتدمتت ببنيه كانت شايله صينيه بيها كلاص عصير وقطعه كيك اني مامنتبه لها لان جنت مستعجل بعدني ماحجيت اكلتني حاصل فاصل بالكلام انطيها كلمه ترد عليه عشرة واستفزتني استفزاز بحياتي كلها محد استفزني هيج ماتحترم الاكبر منها خلاص كل هما فستانها اللي دمر بسبب العصير زين اني شگول على نفسي دمرت دشداشتي البيضه وما حجيت وهي هما فستانها وبس
. مانطتني مجال خلاص وشلون تستهزء مني على انُ اني شايب واخر شي تعوفني احجي وتأشرلي بيدها دولي ولي بوقتها بقيت يومين واني ضايج منها ربعي واقربائي عرفوا بيه ضايج بعد الحاحات منهم اضطريت احجيلهم صرت مهنزله ومضحكه گدامهم
كلما اتذكرت شلون يضحكون عليه يزيد حقدي وكرهي الها. ولحد الان مااعرف منو هاي
رانيه: وهو گاعد يحجيلي اني مخليه ايدي على حلگي وعاضه على شفايفي اريد احجي ما اكدر ارتبط لساني واني اسمعه يوصفلي شعور الكرهه بداخله بس ماحجيت شي ولا نطقت اشوفه يحجي ومقهور وكل ما ينقهرر يعصب اكثر من يتذكرني بس مايعرف انو هاي اني وهو گاعد يوصفلي كميه الكرهه بداخله اتجاهيي. مشكلتي ماگدرت احجي واگله هاي اني
أنت تقرأ
جلطة قلبي «بنت أربيل»
General Fictionتتكلم الرواية عن شخصين كارهين بعض قبل لا يتقابلون #خيانه #صداقه #زواج بالاتفاق #كره و #حب #ايهانه #شك #غرام#فراق #بعد #تحدي #اثاره #اكشن #حرب #نفس #لقاء #شوق الرواية مكونه من جزئين الجزء الأول كمل بقى الثاني
