جلطة قلبي «بنت أربيل»

بارت 42

ـــــــــــــــــــــــــــــــــــــــــــــــــــــــــــــــــــــــــــــــــ

رانيه: طلعت من الغرفه بيتنا بي عالم! خوالي و عمامي كلهم اني طلعت طاگه روحي انوب اشوف العالم ملتمين يمنا، نسيت نفسي رحت بسرعه للصاله النسوان يهدنً بـ امي و ام علي گتلهن شكوو؟ امي رفعت راسها علي ورجعت تبچي دگول ابني مايسويها!

وام علي: دگول ان شاءالله يطلع مو هو؟

رانيه: شكووو؟
اجتي خالتي ام نرجس:دگلي ماكو شي تعاي هنا يمي لا تگعين ويصير عليج شي انتي الثانيه!

رانيه:تذكرت البارحه مااجى ابو علي للبيت گتلها ام علي؟ وين ابو علي؟

ام علي: اخذته الشرطه للسجن

رانيه : ليشش؟

ام علي: تاهمينه بالقتل

رانيه: تاهمين اخويه بالقتل ؟ ياقتل؟ منو؟

ام نرجس: اخوج مشتري عقار من شخص وهذا الشخص ضحك عليه لان البناء عليي تجاوز 4 قطع والدولة تريد تهدم البناء، اخوج مشتري والبارحه الدولة هدمت البناء بالكامل فـ ابو علي مهدده يقتله لان ضاحك عليه. اليوم الصبح لاگينه مقتول.

رانيه: اني سمعت هيج اختنگت مستحيل ابو علي مايسوي هيج غلطانين

ام نرجس: كلنا نعرف ابوعلوش مايسويها لكن الضباط والشرطه مايصدگون بهاي لان شهود معترفه انُ اخوج هدده بالقتل

رانيه: هو بس يهدد اني كم مرة من اسوي بي مقالب يگلي الا اگتلج وما يسويلي شي من يروح غضبه يرجع يضحك.

ام نرجس: گلنا ندري بي لكن الشرطه عدها رائي اخر

رانيه: المسرح جريمه غير بي بصمات شعر ايد رجلين ع حمض نووي

ابو رانيه: ماكو بصمات ممسوحه و البارحه ابو علي مااجي للبيت، وقت هدده كان وياه شهود، فـ كلشي ضد اخوج .والشرطه اخذت بعين الإعتبار المجرم هو ابني، وراح يحيلونه محكمه

رانيه: لا بابا گول غيرها ، علت اصوات الصياح والبچي بالبيت اني جثه هامده فكر كلشي ضد اخويه مسرح جريمه مابي بصمات يعني الجريمه حاسبيلها حساب لكل شي. قتلو الرجال واخويه وگع بيها. اجت بنت خالي عمرها 9 سنوات گالت عمو اكو شخص برا يصيحك يگول اسمه كمال

رانيه: ابويه طلع اني طفرت وراه كان واگف برا بالحوش من شافني عگد حواجبه مو عاجبه الاخ المهم. ابويه كال

ابو رانيه: هاا وليدي بشرني

كمال: مع الأسف كلشي ضد ابنك و..

رانيه: لا مو كلشي ضد اخويه بس انتو ماتعرفون تحققون زين بالجريمه

كمال: مانعرف؟ خوش؟ امشي انتي حققي يامحقق كونان