🪽Unicode🪽
ကောင်းတော်ဝင် အိမ်ပြန်ရောက်ရောက်ချင်း သူ့စားပွဲပေါ်တွင် ရှုပ်ပွနေသည့် စာရွက်စာတမ်းများကို ကြည့်ရင်း ဆိုဖာပေါ်တွင် စိတ်ပျက်လက်ပျက် ထိုင်ချလိုက်သည်။ စာရွက်များကြားထဲမှ ဓာတ်ပုံလေးတစ်ပုံကို သူ လှမ်းယူကာ မိုးပေါ်သို့ အသာထောင်ကြည့်လိုက်သည်။ အညိုရင့်ရောင်ဆံပင်ကိုမှ သဘာဝဆန်သောလှိုင်းတွန့်အကောက်ရှည်ကြီးများဖြင့် ကျက်သရေရှိစွာ လှပနေသည့် အမျိုးသမီးငယ်ရဲ့ ဖြူဖျော့ဖျော့မျက်နှာက တစ်ခုခုကို တမ်းတလွမ်းဆွတ်နေပုံ။
' မမကြေးမုံ... '
မမရဲ့မျက်နှာထားက မာနကြီးသည့်ဟန်လုပ်ထားသည့်တိုင် သူမမျက်လုံးတွေက အားငယ်နေသည်။
သူ ထိုဓာတ်ပုံကို သူ့ရဲ့မှတ်စုစာအုပ်နီနီလေးကြားထဲ ညှပ်လိုက်ပြီး စားပွဲပေါ်မှစာရွက်တစ်ခုကို ယူကြည့်လိုက်သည်။ ထိုစာရွက်ထဲတွင် မမဒီရိပ်ရဲ့ ကိုယ်ရေးအချက်အလက်များရှိသလို တခြားစာရွက်များမှာလည်း လူတစ်ယောက်ရဲ့ဘဝကို အစအဆုံးရေးသားထားသလို ပြည့်စုံစွာ ဖော်ပြထားသည့်စာရွက်များရှိနေသည်။ သူ့စားပွဲပေါ်ရှိ ပျံ့ကြဲနေသည့်အခြားစာရွက်များမှ လူနာမည်များကို ကောင်းတော်ဝင်ဖတ်ရင်း ရွံရှာစွာ ရယ်မောလိုက်သည်။
' နောက်ဆုံးတော့ တစ်ယောက်ပဲကျန်တော့တာပေါ့ '
သူ့အိပ်ခန်းနံရံမှ တစ်နေရာဆီသို့ကြည့်ရင်း ကောင်းတော်ဝင် ဖြည်းဖြည်းချင်းလျှောက်လာလိုက်သည်။ သူ့ခြေလှမ်းအရပ်တွင်တော့ နံရံပေါ်တွင် ဓာတ်ပုံများ၊ အနီရောင်ကြိုးများ၊ စာရွက်များဖြင့် ပြည့်နှက်နေသည့် boardတစ်ခုရှိနေသည်။
ထိုboardရဲ့အလယ်တွင်တော့ မမဒီရိပ်ရဲ့ဓာတ်ပုံဟာ ဗဟိုပြုလျက် အားလုံးရဲ့အချက်အချာနေရာတွင် တည်ရှိနေသည်။ မမဒီရိပ်ရဲ့ဓာတ်ပုံအနားတွင်တော့ ကောင်းတော်ဝင်အပါအဝင် တခြားဆက်နွယ်သူတွေရဲ့ဓာတ်ပုံများက အနီရောင်ကြိုးများဖြင့် ဆက်သွယ်ဝန်းရံနေကာ ထိုမှတစ်ဆင့် ကြီးမားတဲ့ပင့်ကူအိမ်ကွန်ရက်ကြီးတစ်ခုလို ပြန့်ကားသွားသည်။
YOU ARE READING
ခရမ်းရင့်ရောင်သက်ရောက်မှု
Romanceလိပ်ပြာတောင်ပံတစ်စုံရဲ့ လှုပ်ခတ်မှုက ကမ္ဘာရဲ့အခြားတစ်ဖက်မှာ မုန်တိုင်းတစ်ခုအနေနဲ့ သက်ရောက်နိုင်တယ်ဆိုရင်... စိန်ပန်းပြာပွင့်ဖတ်လွှာပေါ် ကျရောက်လာတဲ့ အနီရောင်သွေးတစ်စက်ဟာ လူသားလေးယောက်ရဲ့ ဘဝကို ဗြောင်းဆန်စေမယ့် ခရမ်းရောင်သက်ရောက်မှုတစ်ခုပဲ။ If the Bu...
