ခရမ်းရင့်ရောင်သက်ရောက်မှု

Effect 3

🌙Unicode🌙

မဒီရိပ် အိပ်ယာထနောက်ကျသွားသဖြင့် ရုံးကို Meeting အမှီ ကမန်းကတန်းလာရာ ကုမ္ပဏီရှေ့ရောက်မှ ဝန်ထမ်းကတ်မေ့ကျန်ခဲ့မှန်း သိတော့သည်။ဝန်ထမ်းကတ်တွေနဲ့အတူ ရုံးခန်းတွေထဲဝင်ရန် Access cardပါတွဲထည့်ထားသည်ဖြစ်ရာ မဒီရိပ် အပေါက်ဝမှာ ယောင်လည်လည်ဖြစ်နေသည်။ခုမှ အိမ်ပြန်ယူရင်လည်း ထပ်နောက်ကျတော့မှာမို့ လုံခြုံရေးကိုသာ အကူအညီတောင်းရသည်။လုံခြုံရေးကလည်း မဒီရိပ်က ဒီကဝန်ထမ်းမှန်း သိနေတာမို့ သိပ်ထွေထွေထူးထူးမပြောလိုက်ရ။ခက်တာက ရုံးရှိရာအထပ်သို့တက်ပြီးမှ ရုံးခန်းထဲဝင်ခါနီး Accessတစ်ခါထပ်လုပ်ရခြင်းပင်။

မဒီရိပ် ဌာနမှ အငယ်လေးတစ်ယောက်ကို ဖုန်းဆက်ပြီး တံခါးလာဖွင့်ပေးဖို့ ခေါ်လိုက်ပေမယ့် သူကလည်း တော်တော်နဲ့ ပေါ်မလာ။မဒီရိပ် လက်ပတ်နာရီလေးကို ငုံ့ကြည့်လိုက်တော့ အစည်းအဝေးစဖို့ သိပ်မလိုတော့။

မဒီရိပ် တခြားjuniorလေးတွေကို ဖုန်းပတ်ဆက်နေတုန်း ရိပ်ရဲ့‌ေခါင်းကို‌ေကျာ်ကာအနောက်မှ ဖြူဖြူသွယ်သွယ်လက်ချောင်းတစ်ချို့က sensorမှာ Access cardကိုထိလိုက်သံ တီခနဲ ကြားလိုက်ရသည်။အနောက်မှလူက ဒေါက်ဖိနပ်စီးထားတဲ့ မဒီရိပ်ထက်တောင် ခေါင်းတစ်လုံးပိုရှည်နေသဖြင့် သူ့ရင်ခွင်ထဲညပ်သွားတဲ့ ရိပ်က သေးသေးလေးလို ဖြစ်သွားသည်။

မဒီရိပ် နေရခက်တာကြောင့် တံခါးကို အမြန်ဖွင့်ကာ အရင်ဝင်လိုက်သည်။

' Thank you '

ကျေးဇူးတင်ပြီးမှ လှည့်ကြည့်လိုက်တော့ နောက်မှလိုက်ဝင်လာသူက သျှား ဖြစ်နေသည်။သျှားက ရှပ်အင်္ကျီအဖြူလက်ရှည်နဲ့ ကာကီရောင်Style pantsကို ရိုးရိုးလေးသပ်ရပ်စွာ ဝတ်ဆင်ထားပေမယ့် သူ့ရဲ့သန့်ပြန့်တဲ့ရုပ်ရည်ကြောင့် ထင်းလို့နေသည်။

သျှားက မဒီရိပ်ကို သေချာကြည့်ကာ နှစ်လိုဖွယ်ပြုံးပြပြီး

' Meetingစတော့မယ် မမ '

ထိုတစ်ခွန်းထဲသာ ပြောပြီး အရင်ထွက်သွားပေမယ့် မျက်မှောင်ကျုံ့ရင်း အူကြောင်ကြောင် ကျန်ခဲ့သည်မှာ မဒီရိပ်။သူက ဘာကိစ္စ ရယ်သွားတာလဲ။