بُـنـدقيـة الشَـرق

مَشاعرٌ مُبعثرة

الفـصل الثامن عشـر
تجاهلوا الاخطاء الامِلائـية لُطـفاً
.
.
.

بارت طويل و مليان سوالف و حجايات مخلوطة بمشاعر
اقروا بشكل دقيق ٫ هذا الفصل بمناسبة الرقم الجديد الي دخلنا
عائلتنا جاي تكبر اكثر و أكثر ٫ يتم الشعور بالحُب و السعادة 🦋
اكو حجي مهم بنهاية الفصـل انتظركم تقرأونه ورا ما تخلصون ٫ وهسه
يله..

استمتعوا

.
.
.

يسيران رفقة بعضهم البعض خارجين من قاعـة السيـنما بـعد انتهاء الفيـلم
ليتحدث الاصغر بحماسٍ دون شعورٍ منهُ جاعلاً من الاخر يبتسم على حماسهُ

" خرب حظه شلون زرب الزربة و تندم .. بس تصدك يعني الفلم أمريكي و مفروض ينحاز لامريكا بس بالعكس احسه طلع خيستهم اكثر !"

ايليا سار بِمحاذاتهُ ثم أكمل النقاش معه

" شوف هي مو خيسة إنما همه فخورين بنفسهم لو ينعاد بيهم الزمن جان سوو نفس الشي لان اليابان جان الوحش المخيف بالنسبة للعالم و ماكو شي يكبحهم غير هل قنبلة !"

زم كُميل شفتيهِ و تحدث بحيرةٍ و حركتهُ قد إربكت ايليا الذي ضغط على كف يدهُ
يحاول كبح نفسه

" بس يعني أنا محتار بموقف اوبنهايمر اكو تناقض بي ! تحسه متندم و ما متندم "

اخذ ايليا نفساً عميقٍ ثُم زفرهُ مجيباً الاخر يشرح لهُ شخصية الفلم الرئيسية

"هو عنده تأنيب ضمير و ندم بس اذا ينعاد بي الزمن راح يرجع يكرر نفس الاختراع لان هو سوه طفرة كلش جبيرة بعالم الفيزياء النووية أتذكر شفتله مقابلة حقيقية يعني مو تمثيل ٫ يحجي بيها عن اقتباس قاري بكتاب هندوسي فـ ملخص حجيه جان يكول على روحه انو الآن أنا صـرتُ الموت و مُدمر العالم هو حس بالغبنة بطريقة استخدام قنبلته لان الي فهمه مفروض تنشمر و تتنشط على الجيش مو منطقة مدنية!"

استخدما السُلم الكهربائي للنزول نحو طابقاً آخر
ليتحدث كُميل أثناء وقوفهُ على احد الدرجات

" يعني مثلاً لو انشمرت على جنود جان عنده عادي ؟ "

اومئ الأكبر لهُ و اجابهُ يؤكد لهُ الامر