Shrouded Intentions of the Invisible Creator

chapter 12

Nandito na kami nakatira ni nanay Amanda sa mansion ng mga Aragon. Hindi ako makapaniwala na magbabago ang aking kapalaran. Mula sa pagiging matatakutin dahil walang kakampi sa buhay habang nakikipag habulan kay diablo de empyerno. Ngayon ay naging matapang na ako dahil may isang kaibigan na bigla kong naging kakampi. Sa bawat pagtulog ko nagpapasalamat ako sa diyos at sa mga magulang ko tungkol sa nakita ko sa aking panaginip. Isang babala at isang daan para aking maging kasangga.

Naikwento ko na kay Afsheen ang lahat-lahat. Pati ang ebedinsya na nakuha ko naipakita ko na rin sa mag-asawang aragon. At ang mga larawan na nakuha ko sa loob ng secret room ni Senyorito J.A. Na disappoint din siya ng sabihin kong may nakakita sa hitsura ng susi na nasa katawan ko. At ng sabihin ko na ang taong mismong naghahanap sa susi ay siyang nakakakita nito.

Mula ng sabihin ko iyon agad naman umaksyon si Afsheen. Badass brat pala ang itinadhana na maging kasangga ko. Ipinahanap niya kaagad sa kanyang mga tauhan ang taong nakakalap ng ebedinsya tungkol sa susi. Pero bago pa man ito nahanap ng mga tauhan ni Afsheen wala na itong buhay. Sa araw ng pagbigay nito ng ebedinsya agad itong pinatay. Ang konklusyon ni Afsheen para siguro wala ng ibang pang makakaalam tungkol sa misteryosong kwento ng susi.

Nagbunyi ang aking puso dahil hindi nakita ni senyorito Jaiden Acevedo ang hitsura ng susi. Umayon parin ang tadhana sa akin kaya dapat na akong mag-ingat. Mabuti nalang at may pagka tanga ang senyorito. Palaisipan parin sa akin ang hitsura ni senyorito. Dahil sa ilang buwan naming magkasama wala naman akong maling nakikita sa balat niya.

Baka mali lang ang nakikita ko na kasama ng aking ama. Baka hindi siya ang pumaslang sa mga magulang ko dahil nakabase lang naman ako sa tindig ng nasa larawan. Bakit ko naman siya ipagtatanggol, nasasaktan na nga ako sa ginawa niya. Ang pagdala niya ng ibang babae sa kanyang mansion habang naroon ako.

Binigyan ako ni Afsheen ng pagkakataon na kumuha ng board exam sa licence ng Medina. Hindi ko sasayangin ang pagkakataon. Pagsusumikapan kong makakuha ng lisyensya bilang doctor para makapag trabaho. Online ang aking pag-aaral habang realidad naman ang aking training sa martial arts at paghawak ng baril.

Hindi ko daw muna kailangan na ipa- laser surgery ang mukha ko hangga't hindi ko pa matutunan ang mga ituturo niya sa akin. Kailangan kong pagsikapan na mailabas ang aking lakas at tapang. Unang rules niya, once na sumalang ako sa training. Wala ng atrasan, wala ng sukuan, walang reklamo at walang iyakan.

Para sa mga magulang ko hindi ako iiyak, magrereklamo, aatras at susuko. Kahit buhay ko man ang maging kapalit gagawin ko basta mapagtagumpayan ko lang ang aking layunin. Dito na sa underground ang aking tahanan. Dahil araw at gabi ang ginagawa kong pag-iinsayo.

“Pangit hindi ka ba nandidiri sa pagmumukha mo? Nakakasuka tingnan eh kapag nakikita namin iyan,”sabi ni Marv isa sa assassin na Trainor namin.
Kasama sa rules ang bawal mapikon kaya hindi ko dapat patulan.

“Supot!”

“What???”

Ay wala po akong sinabi, sabi ng lahat ikaw si Wowie de Guzman sa lugar ninyo di ba? Hayaan mo po na ikaw ang gwapo  at ako ang beast princess para compatible na tayo.
“Nangarap ka naman Josie, panaginip lang yang compatibility na sinasabi mo kaya gumising ka na,”sabi pa niya.
Libre ang  lahat na mangarap kaya bawal po kayong umangal. Alalahanin mong kagaya ng rules dito bawal ang kumontra sir.

“Almonte!!! On the ring 101 with agent Marv,”sigaw ng leader.
Kaya mo pala ako dinaldal dahil gusto mo akong makatunggali sa labanan na ito. Bwesit ka sup---, galingan mo dahil sisiguraduhin kong mababasag iyang kapiranggot mong kayamanan.

“Hahaha kapag nakita mo ito baka hindi kana makakatulog mare. Akyat kana at ekondisyon ang iyong sarili para sa malupit nating bakbakan. Nakakahiya kay boss kung hindi mo lalamangan ang iyong trainor,”pagmamayabangpa ni Marv.