تبدا روايتنا الحلوه من يوم كانت شهد فالمول مع ربيعاتها
شهد:اقولكم بنات تحسون نرد حق هاذاك المحل الي كان صوب الكوفي؟ احس فيه أشياء حلوه و جي
ريم:احس هيه يلا
اسما:يلا يلا تعالو ماشي وقت نبا نخلص تجهيزات صاحيه انتي وياها
هند:اتفق ويا اسوم
شهد:يلا عاد بس خمس دقايق
اسما:لا تعالي يلا(مسكت ايدها) اول مره اجوف عروس تبا تأخرنا عن عرسها
ريم:هيه والله هههههههه
شهد:اف خلاص يلا اوكي امشو نرد
ردو السياره و حاطين اغاني و حالتهم حاله جنه العرس بدأ
عقب نزلو البيت هم و شهد نزلت الفندق و بدو بالميكب و البنات خلصو و شهد بعدها و كل شوي تغير رايها ف اللوك و الميكب ارتست تعبت منها
الميكب ارتست ميثا:يا حبيبتي جي احلى صدقيني راكب مع اللوك اكثر
شهد:يالله خلاص زين لا تكثرين مب حلو بيطلع
وخلصت الميكب و بدت تلبس الفستان و ييت امها تساعدها
عند ربيعاتها
ريم:احس مب مصدقه انها بتعرس
اسما:هيههه بصيححح
هند:فكونا يالدراما يلا خلصو تاخرنا عالناس هناك
عند بنات خالاتها
لطيفه:احس مستحيل ها كله حلم صح؟ يالسه إحلم أنا أكيد
عاشه:حتى أنا مب قادره اصدققققق
عفرا: ايه انتو الثنتين خلصو خلصو يلا
فاطمه:خلصونا صدق يلا ترا من ساعه المفروض كنا نكون هناك
غاليه:اونهههه مسرع طاف الوقت يلا قومو أنا خلصت منو الي خلصت بعد عسب نطلع مع بعض
لطيفه و عاشه:نحن خلصنا بنيي معاج
مرام:تريوني بس باقي احط قلوس
ركبو السياره و وصلو الفندق و دخلو القاعه و يلسو يستقبلون الناس و يصورون و جي يعني
و شهد خلصت و بدت تستوعب الي يالس يستوي و يتها لحظة ادراك انه الموضوع مب مصخره و هي خلاص بتكون حرمة بيت و امها كانت تحاول تهديها و عقب يوم هدت يلست تعطيها نصايح
شهد:ماما يعني صدق خلاص بتزوج؟
امها: هيه خلاص افتكينا ههههههههههه
شهد:حرام عليج والله كنت مسويه جو فالبيت بتشتاقون لي ادري هههههه
امها: يلا حبيبتي تعالي بقرا عليج و بنزل اجوف المعازيم
قرت عليها و حضنتها و نزلت تحت عند المعازيم و يلست تسلم و شهد كانت تتريا ربيعتها تصعد عندها الحجره
دقت حق اسما عسب تروح عندها
-
شهد:الو
اسما:هلا والله بالعروس وينج انتي اي حجره ابا اجوفج
شهد:تصدقين روحي مادري اي حجره هههههههههه
اسما:طع الحماره هههههههه صبري بسأل خالو اكيد تعرف
شهد:يلا اترياج قلبي لا تطولين
اسما: من عينيا
-
بعد دقايق في حد دق الباب
شهد على طول قامت سارت تبا تفتح الباب تتحسب اسما
شهد:بسم الله اسوم وين
سيف:اسوم منو انتي صاحيه ههه ياي ابغي ارمسج في موضوع خاص
شهد:مابيني و بينك شي عسب ترمسني في هالموضوع الخاص ع قولتك
سيف:لو تزوجتيه بتجوفين شي ماجفتيه
شهد:اطلع مب وقتك يعني حتى هني تبا تخرب علي يومي
سيف:ياي احلي يومج يا حلوه بس عطيني فرصه
شهد:سيف اطلع مافيني حد يجوفك هني من بعد الي صار
سيف:نسيتي يوم كانو يقولون شهد حق سيف و سيف حق شهد؟ليش تنسين ترا الشي بيصير يعني بيصير و غصبا عنج بعد
شهد:هذا كان قبل اطلع برع يلا
سيف:مابطلع لين تقولين(قاطعه صوت وحده تزقر شهد)
شهد:يالله اسوم ييت احين انته وين احطك بعد
دخلته الحمام و قفل الباب و اسوم دخلت عليها
شهد:مابغيتي كل ها تدورين الحجره
اسما:اف لو تجوفين كيف كنت ادور خالو جني ام تدور ولدها
شهد: هههه سخيفه يلا طلعي ابا اتم روحي
اسما:يالخايسه مسرع لحقتي تشتاقين له (غمزت)
شهد:اقول جب والله تخسين هههههه بس متوتره و جي و ابا اتم روحي
اسما:هيه و كملي شو بتسوين روحج
شهد:يمكن ادق له(غمزت حق اسوم)
اسما:خاينه من يومج يلا باي بطلع مالت علي يوم ييت اتطمن عليج
شهد:هههههههه يلا يلا اشتقتله وايد ترا خربتي علينا
اسما:بعددد بعدددد ماعليه شهود
طلعت و سكرت الباب وراها و طلع سيف حق شهد
شهد:يلا انته بعد شو تتريا برع معاها
سيف:احين ها اسلوب ترمسين فيه ريلج؟
شهد:انته وايد تحلم تراك ههههه توكل حبيبي
سيف طلع بعد معاناه من شهد و عقب يلست روحها تفكر باللي كان يقوله سيف
عند البنات فالقاعه
هند:اقولج جوفي هاي ماتشبه ها مال رسوم ههههههههه لطيفه:هندوه من عاب ابتلى صخي
هند:قومي عني لاه بروح احش ويا عواش ابرك
قامت هند و طلعت تدور عاشه
حصلتها تتصور و راحت تتصور معاها و نست الحش هههه
