سيف:اميه جوفي ويه مريوم هههههههه بلاج ترا مايخوف
امه:خلها لا تلعوزها (قامت) انا بدش أريح قومو صلو و عقب كملو
سيف و مريم قامو يصلون و عقب بيكملون..عقب الصلاه مريم حست انها بتدوخ بس لحق عليها سيف
سيف:شفيجججج شو ياججج (بخوف) تعالي يلسي ارتاحي
مريم اغمى عليها و كان يحاول يوعيها و يلس يرش على ويها ماي لين صحصحت شوي
مريم:خلاص احين احسن (قامت)
سيف:(رد يرقدها) ارتاحي شفيج خلج طايحه
مريم:ماله داعي خلني ارقد و بستوي بخير
سيف:لا اول مره جي يستوي فيج قومي نروح المستشفى
مريم:و شو بتقول حق ماما عقب بتيلس تحاتي خلاص ماله داعي
سيف:ماعليج برمسها انا و بطمنها بس خبريني وين عباتج بيبها لج و بنروح
مريم:بتحصلها معلقه ورا الباب
سيف:اوكي (راح اييب سويج السياره و عباتها) يلا مسكي
مريم لبست العباه و ياب لها شيله و ساعدها تقوم عسب يركبون السياره
سيف:مب ماكله شي صح؟
مريم:...
سيف:ليش جي تسوين في عمرج غبيه تبين تموتين علينا روحه فيج فقر الدم ليش جي تسوي في عمرج (بعصبيه)
مريم:اسفه (بدت دموعها تنزل بدون ماتحس)
سيف:(حس على دمه) أنا اسف والله مب قصدي اصرخ عليج بس مريوم حبيبي انتي فيج فقر الدم و نقص حديد و ماتاكلين! مايستوي جي وين عقلج
مريم:(مسحت دموعها) خلاص بعدين صرخ
سيف:مابصرخ مره ثانيه بس ماباج تعيدينها (يبتسم)
بركن السياره و نزل و راح صوبها يساعدها و دخلو صوب الطواري و دخلوها على طول عند الدكتوره
سيف:دكتوره بشري شو فيها
دكتوره فاطمه:مافيها شي لا تحاتي بس احين يوم جيكنا على وضعها ماعرفنا شسالفه و النتايج بعدها ماطلعت بس هي عندها نقص حديد و فقر دم يعني كانت المفروض تاكل عسب ماتدوخ بس احين بنخليها عندنا تريح و بنحط لها مغذي
سيف:مشكوره ماتقصرين
دكتوره فاطمه:العفو (طلعت من الحجره)
سيف:شو تحسين احين (يمسك ايدها)
مريم:(تبتسم) احس انه يوع الدنيا فيني جي احس انه بطني فاضي جنه مافيني بطن اصلا ههههههه
سيف:عسب مره ثانيه تتأدبين
مريم:مابعيدها حبيبي
سيف:ارتاحي احين هي بتييب المغذي عسب شوي تتحسنين
مريم حطت راسها و رقدت و دخلت الدكتوره تحط لها المغذي و سيف يلس عالشبريه و مسك ايدها و حط راسه عسب يريح عقب تذكر انه ماخبر حد و من فتح فونه يت في باله شهد و دقلها لانه هي قريبه من اخته وايد
-
شهد:الو (بصوت كله تعب و رقاد)
سيف:وعيتج؟ (يبتسم)
شهد:هيه بس امر شو مستوي
سيف:مريم
شهد:شفيها (بخوف)
سيف:مافيها شي لا تحاتين بس حست بدوخه شوي لانها مب ماكله شي
شهد: ياربي منها انزين وديتها المستشفى؟
سيف:هيه احين حطولها مغذي و رقدت
شهد:وينكم بييكم بيلس معاها
سيف:لا اتعبين روحج بس دقيت لج لاني ماخبرت حد و اميه ماتعرف ماخبرتها
شهد:زين تسوي لانه عقب بتيلس تحاتي و جي بالعكس لا تعب ولا شي مريوم اختي قبل ماتكون بنت خالتي
سيف:(يبتسم) زين يلا اترياج
شهد:اي مستشفى
سيف:****** الي صوب البيت
شهد:يلا يايه
-
دقت حق حمد عسب يوصلها عندهم
-
حمد:امري (توه ناش من رقاد)
شهد:حمود عادي تمرني؟
حمد:احين؟؟؟
شهد:هيه وصلني عند مريوم بنت خالو فالمستشفى و سيف وياها و قالي انه مايبا حد يعرف
حمد:زين بيي و على سالفة سيف بتفاهم معاج بعدين..دقايق و بكون عندج يوم بدقلج طلعي
شهد:يلا تمام
-
قامت تغسلت و غيرت ملابسها و لبست عباتها و حطت الشيله بس جي على راسها و دقلها و نزلت له تحت
حمد:صباح الخير (يبتسم)
شهد:صباح النور حرك حرك مب وقتك
حمد:انزين اي مستشفى
شهد قالتله و توجهو للمستشفى و قبل ماتنزل مسك ايدها
حمد:ايه انتي على وين رايحه روحج
شهد:ترا بنت خالتي و ولد خالتي مب غريبين عسب ما ايلس معاهم
حمد:بنزل معاج (لاحظ شيلتها) لبسي شيلتج عدل
شهد:اففف انزين تعال احين مب وقتك
نزلو و سألو النيرس عن الغرفه و دلتهم..دقت الباب و دخلت حصلتها راقده و سلمت على سيف و حمد بعده واقف برع
شهد:شحالك (تبتسم)
سيف:الحمدلله (يرد لها الابتسامه)
شهد:حمد برع وين شيلتها
سيف:هاذي هناك (يأشر لها)
شهد غطت شعرها و سارت تزقر حمد عسب يدخل
سيف:شحالك (يمد ايده عسب يسلم)
حمد:بخير (سلم عليه بالإيد) تستاهل سلامتها
سيف:الله يسلمك
