عند حمد فالصاله
ابوها:هاي وين راحت ليكون رقدت
مايد:هيه رقدت مرام قالت اوعيها على صلاة المغرب
حمد:يلا عيل باقي عشر دقايق بروح اوعيها في اي حجره هي؟
قال له مايد و حمد قام و يلس يدور الحجره و يوم دخل حصلها راقده و قف يتأملها و يوم حس على عمره تذكر مريم و راح يوعيها
حمد:(يدزها عسب تنش) شهد قومي يلا باقي عشر دقايق
شهد:مرام سيري خلاص مابا انش احين
حمد:ايه إنتي أنا حمد قومي يلا
شهد:انته بالذات اطلع برع ماقلتلك تعال قومني
حمد:انتي شفيج فجأة جلبتي؟
شهد ماردت عليه و كملت رقادها و هو يوم جافها رقدت و ماشي امل انها تنش خلاها تكمل رقادها و رمس امه
-
حمد:اميه خلاص هاي رقدت و شكلها تعبانه و الدرب يتعب خليها باجر بنييج الصبح......انشاءالله لا تحاتين.......يلا فمان الله
-
شهد:سكر الليت و اطلع برع
حمد:سويلي مكان شو الي اطلع برع يعني بس انتي الي تعبانه
شهد:قلتلك اطلع برع مابا اسمع حسك
حمد ماسوالها سالفه و سكر الباب و الليت و انسدح صوبها
شهد:انته تفهم عربي ولا شو
حمد:سكتي خلاص برقد
رقدو كل واحد بصوب و يوم نشت حصلته بعده راقد و يوم جافت الوقت كانت الساعه عشر و قامت دخلت الحمام (عزكم الله) و عقب طلعت ييت تبغي تقومه و هو معاند مايبغي يقوم
حمد:انتي ليش قمتي خلاص تعالي كملي رقادج
شهد:ابا ارد الشقه قوممممم
حمد:شو تبين فالشقه على الاقل اهلج هني يسلونج
شهد:انا ليش اسويلك سالفه بنزل تحت باخذ سويج السياره و بطلع روحي
طلعت شهد و نزلت تحت و البيت كان هدوء و ظلام
شهد:هايل معقوله يرقدون هالوقت؟ من متى ماشاءالله
نزلت من الدري و حصلت سويج السياره و يوم ييت بتشله حد مسك ايدها
حمد:على وين يا حلوه
شهد:برد الشقه لاه انته ماتبا تيي
حمد:غبيه جوفي الساعه كم شو تطلعين روحج هالوقت
شهد:وقت ما ابا اطلع (وخرت ايده)
طلعت برع و يوم ركبت السياره ركب صوبها
شهد:يالله شو هالنشبه انزل بروح روحي
حمد:يلا سكتي انا ابا ارقد وصليني الشقه مب المستشفى الله يخليج
شهد:تستهين في قدراتي يالحيوان
حمد:يلا يا بنت الناس شغلي السياره و حركي
شهد شغلت السياره و حركت و جافت دكان على دربها و كان فخاطرها تاخذ حلويات
شهد:اقولك عطني بيزات بنزل اخذ حلويات
حمد:خذي خذي من بوكي
شهد خذت و نزلت
....:انتي شتسوين هني روحج
شهد:انته الي شو تسوي هني
سيف:ادريبج بتيين دوم كنت اترياج هني تذكرين؟
شهد:تراني يايه ويا حمد (اشرت على السياره) خلك بعيد احسن لك مافيني عالمشاكل
سيف:انتي شو فيج عطيني فرصه لو مره وحده بس
شهد:خلاص مابينا لا فرصه ولا كلام وخر
سيف:(مسك ايدها) وين بتروحين جي بهالسرعه؟
حمد جافهم و نزل من السياره و راح صوبهم معصببب
حمد:(وخر ايد سيف عن شهد) انته شتسوي ويا حرمتي في هالوقت(يطالع شهد) و انتي حضرتج نازله عسب ها؟
شهد:والله مانزلت عشانه(قاطعها حمد)
حمد: مابا اسمع ولا كلمه ركبي السياره
شهد راحت
سيف:انته اونك تستقوي عليها؟ تراها ماكنت تعرف اني موجود
حمد:(بعصبيه) قسم بالله بعد كلمه منك بدفنك هني
سيف يلس يضحك و راح عنه
رجع حمد عند شهد فالسياره
حمد:(بعصبيه) قومي ركبي هناك انا الي بسوق
شهد قامت بدون ماتقول شي و ركبت و هي مستغربه من عصبيته
حمد:كنتي تعرفين انه بيكون موجود صح؟
شهد:لا(منزله راسها)
حمد:(رفع راسها بأيده) طالعيني يوم اكلمج
شهد:قلتلك ماعرف والله كنت ابا اخذ شي اكله ماجفته
حمد ماهدا و يلس يفكر و يفكر لين دق فونه
جاف منو الي متصل و سكر فونه
شهد:رد عليها حرام يمكن تحاتيك
حمد:(يطالعها بتوتر) انتي شو تقولين هاي اميه
شهد:(بعصبيه) تراني سمعتك يوم كنت ترمسها لا تيلس تنكر اعترف من احين و فكني مابا لف و دوران
حمد سكت خمس دقايق
شهد:(بعصبيه) رد علي منو هاي
حمد وقف السياره على طرف و نزل راح صوبها
حمد: بفهمج كل شي بس تعالي نيلس ورا السالفه طويله ترا
نزلت و يلست ورا و يلس صوبها و شرح لها كل شي
و قاللها عن ماضيه ويا مريم
نرد للزمن ورا عسب نعرف شو الي صار بالضبط
-
مريم:تراني حبيبتك و بتم حبيبتك لا تيلس تقول لي انا بتزوجها و مادري شو تراني أولى منها و انته تحبني انا ماتحبها هي
حمد:مريم خلاص ماقدر اكمل معاج أنا بتزوج و بتكون على ذمتي حرمه و مابغي اظلمها معاي
مريم:(بعصبيه) لو فكرت بس تهدني عشانها ولا سويت شي مايعيبني معاها بتندم
حمد:خلاص مابسوي شي بس عسب ارضي ابويه لازم اخذها
مريم:مايهمني أنا أباك و ماقدر بدونك و مابا وحده ثانيه تشاركني فيك
حمد:انزين خبريني شو اسوي
مريم تمت ساكته فتره قصيره
حمد:مريم ردي شفيج
مريم:لو فكرت تهدني تراني بخبر اهلي انك اغتصبتني و احين ماتبا تستر علي و تتزوجني
حمد انصدم من كلامها و سكر ف ويهها
-
اليوم الي بعده ياه اتصال من مريم
حمد:هلا
مريم:فكرت فالموضوع ولا بعدك؟
حمد:مريم لا تسوين جي و توهقيني فكري فيها شويه تراج مب ياهل
مريم:ماقدر اخليك ليش ماتفهم ماقدر
حمد:خلاص بتزوجج انتي الثانيه بس بالسر لان ابويه مب راضي و يقول ماقدر اخذ وحده مب من الاهل
مريم:فكر فالموضوع تراني بخبر اهلي بعطيك ثلاث ايام تفكر فيها و اتمنى ترد لي خبر
حمد:انشاءالله يلا مع السلامه
-
نرد ليومنا هذا
