-
شهد:سيف تعال عندي
سيف:انتي متاكده من كلامج؟ شو صار
شهد:تعال بسرعه بعدين بقولك كل شي
سيف:يلا ياي طرشي اللوكيشن
طرشت اللوكيشن
سيف:خمس دقايق و بكون عندج
-
قرت و ماردت عليه و بعد خمس دقايق حد دق الجرس و راحت ركض عسب تفتح الباب لانه عرفت انه هو
سيف:شو فيج تكلمي شو سوا فيج
شهد ماتكلمت و حضنته و يلست تصيح
سيف ماتكلم و تم يمسح على ظهرها عسب تطلع الي فقلبها لين حس انها سكتت و بعدها عن حضنه
شهد:اسفه ماحسيت في عمري
سيف:(شاق الحلج) عادي ماصار شي بس ليش ها كله شو فيج تكلمي
شهد:يوم سمع اني ارمسك يلس يصارخ و مد ايده علي
سيف:الهرم مايستحي كيف يتجرأ يمد ايده عليج..والله ما اخلي هاالليله تعدي على خير
شهد:عادي برايه بس صدمني اول مره يمد ايده و يصرخ جي
سيف:خلاص خليه علي الخايس بس اهم شي انتي تكونين بخير
شهد ابتسمت له و راحت تيلس في الصاله و سيف لحقها
سيف:وينه هو احين
شهد:مادري طلع قال مابيرد الا باجر الصبح
دخل بدون مايدق الجرس لانه عنده بطاقه و جافهم مع بعض
شهد:لو طارين المليون ابرك
سيف:هيه والله هههه
حمد خلاص وصلت معاه انه يذبحها..اتجدم يبغي يضربها
سيف:نزل ايدك
شهد:ليش خله يضربني يمكن يهدا
سيف:(سحبها صوبه و يطالع حمد) والله لو مسكت شعره منها من اليوم و رايح مالها قعده معاك و ورقت طلاقها بتوصل لين باب البيت فاهم
حمد:ههههه منو تتحرا عمرك
شهد:خلاص سيف اطلع برع مافيني مشاكل و مصدعه
سيف كان بيطلع بس حمد رمس
حمد:لا ليش هو الي يطلع أنا الي بطلع من هني
سيف:(مسك جتفه) مابتتحرك من هني لين تراضيها
شهد:ما احتاج يراضيني بروح ارقد (راحت الحجره)
سيف:تراها ماسوت شي غلط بس كلمتها أنا و يلست اخذ و اعطي معاها و هي كانت راقده اصلا ف لا تلومها على شي بس يوم انته صرخت عليها هي يت قالتلي تعال عسب تفضفضلي
حمد:ماباك تبرر لي شي روح يلا
سيف:بروح بس والله يا حمد لو عرفت انك مديت ايدك مابرحمك..مب كل شي ينحل بالضرب و الصراخ (طلع)
حمد اتنهد و دخل عندها الحجره حصلها راقده...شهد ماكانت راقده بس تمثل عسب تجوف شو بيسوي
حمد يوم جافها راقده طلع و يلس فالصاله عسب يرمس سلامه
-
حمد:بدقلج اذا فاضيه
سلامه:هيه فاضيه تقدر تدق
-
اتصل فيها
حمد:الو
سلامه:الو هلا حمد بغيت شي؟
حمد:لا بس متضايق
سلامه:شو فيك منو مزعلنك
حمد كان بيرمس بس شهد تكلمت
شهد:برافو عليك حمد هاي اخرتها
حمد بند و صد يطالعها
حمد:انتي ماكنتي راقده؟ شو موعنج
شهد:و انته مب عساس بتي تراضيني؟
حمد:ماغلطت عسب اراضيج
شهد:ابد ماغلطت
حمد:شو تبين
شهد:خلاص كم مره بس ماتعبت؟ كل ما انصحك ترد حق سوالفك و عقب ماتفج عنك و أنا الي اكلها
حمد:(بتوتر)بس انتي فاهمه غلط
شهد:شو الي فاهمه غلط سمعت صوتها لا تيلس تنكر خلاص قول هيه أنا ارمس سلامه (تبتسم غصب) لا و منو بعد ربيعتي مابغيت الا ربيعتي حمد!
حمد:خلاص مايخصج فيني
شهد:صح مايخصني فيك بس سوالفك هاي خلها بعيد عن ربيعاتي
حمد:هاي تسمينها ربيعه؟ (يبتسم بأستهزاء)
شهد:(معصبه) مالك خصصص لا في ربيعاتي ولا فينيييي خلاصصصص لاعت جبدي منكككك يوم بنرددد ابا ورقة طلاقيييي
حمد:هيه الله كريم روحي رقدي
شهد:(بعصبيه اكثر) والله بتطلق مب كيفك و ليش يوم نرد باجر بحجز تذكره عسب نرد مب قادره ايلس معاك دقيقه وحده (دخلت الحجره و قفلت الباب)
عند سيف
كان يحاول يتواصل معاها بأي طريقه بس هي ماكانت ترد عليه و كان مب مأمن انها اتم عند حمد لانه حمد يستوي ربيع ربيع سيف (اتمنى فهمتو) ف يعرف سوالفه و يعرف انه يرمس بنات و جي عقب دقت له شهد
-
شهد:الو
سيف:هلا
شهد:رديت؟
سيف:هيه خبريني شو صار
شهد:ماشي بس....(ترددت تقول ولا لا)
سيف:بس شو قولي...ليكون رد يرمس؟
شهد:هيه
سيف:أنزين إذا ماتقدرين ترمسيني جي اكتبيلي
شهد:انزين يلا باي
-
فالجات
-
سيف:شو سويتي
شهد:ماسويت شي بس قلتله انه ابا اتطلق يوم بنرد جان يقول يصير خير و بحجز تذكره حق باجر لانه مب طايقه اجوف ويهه دقيقه وحده
سيف:زين تسوين بس شو بتقولين حق خالو
شهد:بقوللها الصدق
سيف:زين براحتج يلا رقدي ارتاحي
شهد:انزين برقد بس تراني حجزت ثلاث تذاكر عسب ترد معانا
سيف:ليش كلفتي على عمرج
شهد:لا كلفت ولا شي انته ولد خالتي مب غريب
سيف:(يبتسم) انزين بنت خالتي و متى الطياره
شهد:(تبتسم) الساعه عشر الصبح حبيبي
سيف:حبيبي؟
شهد:اوه بلغلط سوري
سيف:لا عادي
شهد:لا تنسى الساعه عشر ها
سيف:انشاءالله بقوم ارتب أغراضي احين
شهد:يلا عيل بقوم أنا بعد
جاف و مارد عليها
-
يلس يرتب اغراضه و رتب الشنط و حطهم عند الباب و هي سوت نفس الشي و دخل عليها حمد و هو يجوفها ترتب الاغراض و تحطهم فالشنظه
حمد:شتسوين؟
شهد:شو تجوف يعني بنرد باجر حجزت تذاكر
حمد:ليش ماقلتي
شهد:ماعرف
