شهد:ترا صدق مافيها شي بس هرمونات يعني
سيف:اوه اوكي
مريم:مابترد ترقد؟
سيف:لا احس ظهري يعورني
شهد:(بأستهبال) اسويلك مساج؟
مريم و سيف جافوها بصدمه
شهد:عوذ بالله استهبل ياخي ههههههههههههههههههههههه
ضحكو وياها و على هالسوالف البسيطه حد دق الباب
ام سيف:شحالكم (تبتسم)
سيف:(راح يسلم عليها و يبوس راسها) ليش تعبتي عمرج و ييتي اميه
شهد:خالو شحالج (تسلم عليها و تحضنها)
مريم و سيف بس يبتسمون و يطالعون عايبنهم الوضع هههههه
ام سيف:الحمدلله حبيبتي شحالج انتي (ترد لها الحضن)
شهد:دام جفتج أنا بخير (تبتسم)
ام سيف:فديت روحج (تطالع مريم) شو صحتج احين اميه
مريم:احسن الحمدلله
ام سيف:(راحت عندها و قرصتها) مره ثانيه يالتيسه اجوفج تجذبين و تقولين انج كلتي
مريم:ماماااا اييييي
سيف و شهد ضحكو عليها
سيف:دواج والله هههههههه
شهد:خالو حرام عليج قرصتها أنا خلاص هههههههههههه
ام سيف:ماعليه تستاهل بعد قرصه
مريم:خلاص خلاص والله آخر مره
ام سيف:(تطالع شهد) من متى انتي هني اميه
شهد:من الساعه خمس تقريبا صليت و ييت ويا حمد بس هو رد
ام سيف:ليش تعبتي عمرج حبيبتي
شهد:خالو لا تعب ولا شي مريوم شرات اختي و تستاهل زود
ام سيف:وين بتحصل بنت خاله تحبها هالكثر (تبتسم)
شهد:(تطالع مريم) جوفي يحسدون علاقتنا
ضحكو كلهم
النيرس دقت الباب
ام سيف:تفضلي
النيرس:(جافت المغذي مخلص و شلته من ايدها) الحمدلله عالسلامه حبيبتي (تبتسم)
مريم:الله يسلمج (ترد لها الابتسامه)
ام سيف:بعدها النتايج ماطلعت؟
النيرس:لا باجر بتطلع انشاءالله
شهد:بتقدرون ترخصونها باجر؟
النيرس:على حسب النتائج إذا مافيها شي بتقدر تترخص
شهد:مشكوره (تبتسم)
النيرس:العفو (طلعت)
ام سيف:خلوني اليوم عيل ارقد عندها
شهد:لا خالو انا برقد عندها لا اتعبين روحج
ام سيف:لا مايستوي تعبناج وايد
شهد:خالو ترا بزعل والله
ام سيف:يالله عاد انتي منو يروم على زعلج
شهد:محد طبعا (تبتسم)
سيف:يمكن ارقد عندها انا عادي انتي ردي البيت و بطمنج لو تبين
شهد:لا انا ابا اتم عندها انته خلك ويا خالو
ام سيف:خلها هي معاها يمكن تحتاج شي و تستحي منك
شهد:اتفق ويا خالو
مريم ولا داريه عن الي يالس يستوي حولها و في سابع نومه
شهد:حبيبتي والله من حطو ها المغذي و هي كله مدوخه
ام سيف:خليها تتادب لا تعطينها ويه وايد عقب بتعيد الغلط مره و مرتين و ثلاث
سيف:من بعد القرصه ما اضن بتعيدها ههههههه
شهد:ههههههههههه صح والله
ام سيف:صخو يلا خلوها ترتاح
سيف و شهد اطالعو بعض ابتسمو و سكتو
عند حمد
رد البيت و الكل كان راقد و دش الحجره يصلي لانه ما لحق قبل مايطلع..خلص صلاه و راح يغير ملابسه و لبس جلابيه و انسدح و يلس يجوف فيديوهات لين رقد..نش على صوت دق الباب و قام فتح الباب حصل اخته ميثا
حمد:ها ميثوه شو تبين (يتثاوب)
ميثا:صباح الخير ويا راسك
حمد:(ضربها على راسها خفيف) صباح النور ويا راسج انتي
ميثا:(ردت له الحركه) لا تمد ايدك
حمد:طع هاي الياهل تعلمني خلصيني شو تبين ليش يايه
ميثا:وحده تبا تصبح على اخوها حرام؟
حمد:طلعت جي السالفه (رفسها) روحي روحي لا اعقج احين
ميثا:اااايييييي
مهره:شو هالحشره من صباح الله خير
حمد:اسألي هاي الياهل
ميثا:اختك الياهل
حمد:هيه والله اختي الياهل هههههههه وخري لاه
مهره:توم اند جيري سكتو بس صدعتو راسي
ميثا:(قبل ماترمس سكر حمد باب حجرته في ويها) طععع الكلبببب شو يسووييي
مهره:ههههههههه دواج والله صدق انج ياهل
ميثا:هاي يزاتي ابا اصبح عليه
مهره:عاد مابغيتي إلا حمدوه
ميثا:(نزلت تحت عند امها) اميه صباح الخير (تبوس راسها)
ام حمد:صباح النور حبيبتي
ميثا:شو مسوين غدا
ام حمد:صبري توها الساعه ١١
ميثا:يوعانه
ام حمد:قومي تريقي كلي شي خفيف سدي يوعج
ميثا:شي اندومي؟
ام حمد:(فلعتها بالمخده) انا كم مره قايله مابا اندومي فالبيت
ميثا:اخخخ انزين سوري نسيت
ام حمد:نساج الشر قومي قولي حق اختج تتزهب بنروح بيت عمج نتغدا
ميثا:اي عم
ام حمد:عمج احمد
ميثا:الله يعني بجوف مرت اخييي
ام حمد:قومي عن ويهي مب فاضتلج
ميثا:فديتج فديتج بروح
راحت ميثا تخبر اختها مهره و تزهبو و لبسو مخاوير و حطو شوي ميكب و مهره راحت توعي حمد
مهره:(دشت حجرته) حمود قوم يلا بنروح بيت عمي
حمد:ابا ارقد مابا اروح
مهره:كيف يعني قوم بنروح عند حرمتك
حمد:الله يحفظكم اصلا هي مب فبيت اهلها
مهره:وينها عيل (بستغراب)
حمد:فالمستشفى
مهره:فالمستشفى و انته هنييي (بعصبيه)
حمد:مافيها شي ياحماره بنت خالتها تعبانه و راحت عندها
مهره:انزين كمل رقادك برايك
حمد:سكري الباب
طلعت مهره و نزلت تحت و زقرت ميثا و امها و توجهو بيت ابو شهد
