حمد كان يحاول يفكر كيف بيقدر يخليها تنزل بدون ماتجوف الباقه و كيف بيعطيها..هو مب متعود على هالسوالف و الف فكره تييبه و توديه و قطعت افكاره شهد شهد:حمد بعدنا ماوصلنا؟(بتعب) حمد:بسم الله كيف قمتي انتي شهد:شو فيك تقول جايف يني ههههههه حمد:الواحد مايقدر يهوجس على راحته شهد:انزين كم باقي و نوصل ترا صارت الساعه قريب ست...مب من عوايدك تتأخر جي فالسواقه حمد:نزلت شوي عند ربيعي و خذت شغله كنت ناسيها عنده شهد:كل ها صار و انا راقده؟ حمد:ههههههه خلاص يلا قومي باقي خمس دقايق شهد:انزين شنطتي وين (كانت بتصد تطالع ورا) حمد دحححح بريكككك و ردت مكانها شهد:انته حماررررر(بخوف) حمد:اسف بس شفيج شو تدورين (بتوتر) شهد:(صدت ورا و لاحظت الورد) ماشاءالله حركات حق مريوم (تغمز) حمد:الصراحه؟ شهد:هيه؟ حمد:حقج بس خربتي المفاجأه (يسويلها مالت) شهد:امانه حقي صدق؟ حمد:(ياب الورد و عطاها) هيه حبيبي حقج لاني زعلتج و ادريبج تحبين الورد و مايرضيني اجوفج زعلانه مني و هاي هديه بسيطه شهد:(حضنته) وايييي حبيبيي انته والله حمد بادلها الحضن و شهد يلست تصور الباقه و هو اندمج فالسواقه لين وصلو و راحو الشقه شهد:احين بعتني فيها جنها بنتي (بوناسه) حمد:والله لو دريت تحبين الورد هالكثر جان سويت لج مزرعه ورود ههههه شهد:وين بحصل شراتك انا حمد:مابتحصلين ادري بس تعالي يلا نرتب أغراضنا يلسو يرتبون و شهد كل شوي تزيد شي تقول يمكن نحتاجه و هو يطلعه من الشنطه حمد:يا حرمه الوزن بيزيد عقب انتي بتدفعين؟ شهد:اف انته بلاك ترا ها كله بتحتاجه و بتجوف حمد:ردي ردي بناخذ من هناك شهد:انزين يلا سكت الشنطه بييب شنطه صغيره و بحطها ف ايدي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و جهزو اغراضهم و اتجهو للمطار وصلو مطار دبي و خلاها تيلس و راح يخلص إجراءات المطار و يوم رجع ماحصلها و دق لها حمد:انتي وينج غفلت عنج دقايق بس شهد:صبر يالسه اطلب من ماك حمد:بتجلطيني والله وينج انزين اي صوب بييج شهد قالتله و راح صوبها حمد:بعد ماتعرفين تعزمين؟ شهد:نسيتك ههههه اطلب حق عمرك و انا بيلس هناك (تأشر على طاوله قريبه منهم) حمد:دواج بعدين يلا روحي بطلب و بييب اكلج عطته الفاتوره و راحت تيلس بعد دقايق وصل طلبهم و جافته متوهق و راحت صوبه حمد:خليني بشله روحي شفيج انتي شهد:عطني شو يعني بساعدك حمد عطاها و راحو ييلسون و يوم خلصو اكل سكتو نداء طيارتهم و توجهو صوب البوابه بس طلعو في ناس متأخرين و بعدهم ماوصلو صوب البوابه ف اضطرو يتريون لين يوصلون و المفاجأة انه يعرفونهمممم بس منو تتوقعوننن؟ حمد:اقولج جوفي هايل مب جنهم علاوي و سيف؟ شهد:اويه هيه هايل هم بس شو يسوون هني (بعدين استوعبت) حموددد هايل بييوون ويانااا حمد:ماتوقعت منهم الصراحه (يطالعها) تحسين متعمد؟ شهد:مادري مايهمني قوم خلنا نركب الطياره و يارب مايلاحظون دخلو الطياره و يلسو و بما انهم فاليرست كلاس يعني اي حد يمر يبا يدخل يجوفهم....لمحها سيف و هي تركب الطياره بس كان يقول لا اكيد يالس اتخيل لانه مايعرف انها رايحه شهر العسل هناك علي يستوي اخو سيف علي:سيفوه تعال يلا خلنا ندش الطياره دشو و سيف و علي جافوهم...سيف اطالع علي و علي اطالع سيف علي:امش يلا ورانا ناس و لحسن الحظ سيتهم ورا سيت شهد و حمد...كل شي كان تمام لين ما سيف رمس سيف:بنت خالتي شحالج شهد:(صدت ورا) بخير (طالعت حمد) علي:شحالك حمد حمد:(بدون مايصد) بخير شحالكم انتو سيف:نحن بخير دام جفنا الزين (يقصد شهد) علي قرص سيف سيف:اييي يا حمار حمد:عدل رمستك سيف نحن فالطياره ولا عرفت كيف اتفاهم وياك تمو ساكتين و رقدو سيف و علي و حمد و تمت شهد..الكابتن تكلم و قال انه الطياره بتطير بعد دقيقتين شهد:(تدز حمد و ترمسه بصوت خفيف) امسك ايدي اخاف حمد ماكان يسمعها بس هي مسكت ايده
