وصلو بيت عمهم و نزلو من السياره دقو الباب و عمهم استقبلهم
ابو شهد:حي الله بنات الغالي (يبتسم و يسلم عليهم)
مهره:الله يحيك عمي حبيبي (تسلم عليه)
ميثا:(سلمت على عمها و انتبهت على مايد و ابتسمت)شحالك عمي
ابو شهد:الحمدلله حبايبي بخير قربو قربو البيت بيتكم (انتبه على امهم)
ام حمد:شحالك احمد (تبتسم)
ابو شهد:الحمدلله طيب (يرد لها الابتسامه)
مايد:شحالج عموه (يبتسم)
ام حمد:الحمدلله حبيبي
دخلو الصاله و يلسو و ميثا طول الوقت مستحيه من مايد و منزله راسها فالسوالف و مايد ماكان يعرف انها تطالعه و قام يزقر امه من المطبخ و ام حمد و ابو شهد و مهره يسولفون و الوضع تمام بينهم...نرد عند سيف و شهد و ام سيف فالمستشفى
ام سيف:(قامت) يلا حبايبي انا برد البيت بريح (تطالع شهد) اباج اتطمنيني كل ثانيه
شهد:انشاءالله خالو من عيوني الثنتين (ابتسم)
سيف:(بصوت خفيف) فديتهم
شهد:(سمعته بس سوت عمرها ماسمعت) شو قلت
سيف:ماشي (يطالع امه) يلا اميه تصبحين على خير حبيبتي (يبوس راسها)
ام سيف:و انته من اهل الخير حبيبي..ما أوصيك على اختك
سيف:لا تحاتينها عند ايادي امنه هي هههه
ام سيف:يلا حبيبي لا تطول صارت الساعه عشر
سيف:انشاءالله (وصلها لين السياره و رد الحجره)
شهد:(تبتسم) سمعتك ترا
سيف:(يسوي عمره غبي) شو سمعتي يحظي
شهد:يوم قلت فديتهم (تبتسم بحيا)
سيف:طع ويهج استوا احمر ههههههههههه
شهد:(لفت الصوب الثاني) جب انزين
سيف قرب صوبها و رفع راسها عسب تجوفه لانه كانت يالسه على الكرسي
سيف:(بحنان) وحشتيني (يبتسم)
شهد:(نزلت ايده) استح ع ويهك تراني معرسه
سيف:بس ماتحبينه
شهد:سيف خلاص قوم اطلع برع (قامت)
سيف:شفيج بس قلت وحشتيني و قلت الصدق
شهد:(بدت دموعها تنزل) خلاص اطلع (لفت الصوب الثاني عسب مايجوف دموعها)
سيف:طالعيني و قولي انج ما اشتقتيلي (بضيق)
شهد:(مسحت دموعها و تمت تطالعه) اطلع برع
سيف:بطلع بس لو حسيتي انج تبين تفضفضين حق حد تعرفين وين تحصليني (يبتسم بتعب و طلع)
شهد سكرت الباب و بدلت و رتبت امورها و انسدحت و يلست تفكر لين رقدت
نرد عند اهل حمد في بيت ابو شهد
ام حمد:(قامت) أكرمكم الله عسى بيتكم عامر انشاءلله (تطالع ميثا و مهره) يلا حبايبي قومو تاخر الوقت
ام شهد:وين حبيبتي يالسين
ام حمد:المره اليايه انشاءالله (تبتسم) يلا مع السلامه
ام شهد و ابو شهد:مع السلامه ربي يحفظكم
سلمو عيالها على عمهم و ام شهد و طلعو
فالسياره
ام حمد:ميثا
ميثا:هلا اميه
ام حمد:شفيج اليوم كله سرحانه هههههه ليكونننن (تغمز)
ميثا:(استحت) لا اميههه شو ها ماعندي سالفه
ام حمد:هههههههه اعقلي اعقلي ودري عنج ها كله
ميثا:ههههههههههه مفضوحه يعني
مهره:والله من يومج ههههههههه
بعد سوالف بسيطه وصلو البيت و حصلو حمد منسدح فالصاله و يالس عالفون
حمد:(رفع راسه يجوفهم) السلام عليكم
كلهم:وعليكم السلام
حمد:الوقت مب جنه تاخر؟
ام حمد:انا معاهم حبيبي واصلا ماكنا عند غرب رحنا عند عمك
حمد:بس الوقت تاخر شو تسوون ها كله
مهره:نسولف يعني شو نسوي (صعدت حجرتها)
ميثا:والله صدق اونه شو تسوون (تعيب عليه)
حمد:(قام) لا تخليني اييج احين
ميثا:(شردت فوق) تعال جان فيك خير
حمد:ياهل والله (يبوس راس امه) تصبحين على خير اميه
ام حمد:و انته من اهل الخير حبيبي
حمد دخل حجرته و رقد و ماعطى نفسه مجال عسب مايفكر في شي و عالساعه عشر الصبح دقت له شهد
-
حمد:الو (بصوت كله رقاد)
شهد:حمد اباك تمرني لانه بيرخصون مريوم
حمد:انزين ردي وياها
شهد:(بصوت خفيف) استحي شو ارد وياهم
حمد:دقي حق اخوج
شهد:شفيك يعني منو ريلي انته ولا اخوي (بعصبيه)
حمد:لا تصارخين
بندت في ويهه
-
حمد مسوي طاف و رقد
شهد تنرفزت منه و تمت يالسه على اعصابها تتريا مريم تطلع من الحمام (عزكم الله) عسب تقوللها انها بترد معاهم
طلعت مريم و جافتها معصبه
مريم:شفيج ليش كنتي تصارخين
شهد:ماشي
مريم:(قربت صوبها) خبريني شو مستوي
شهد:(ماتحملت و انفجرت و يلست تصيح) تخيلي الحيوان الحقير شو يقولييي يقول ردي وياهم انا ابا ارقددد
مريم:(تمسح على ظهرها) ماعليه حبيبتي يمكن كان راقد و ماكان مستوعب
شهد:(تخوز من حضنها) حتى لو راقدددد انا حرمتههه لازم يفضى عشانييي (يلست عالكرسي و يلست اصيح بهدوء)
مريم خلتها على راحتها تصيح و راحت تتصل في سيف
-
سيف:هلا ميمي
مريم:سيفوه وينك
سيف:احين صوبكم (سمع صوب صياح) في شي مستوي؟
مريم:(بتردد) لا بس استعيل
سيف:(بشك) متاكده مافي شي؟
مريم:هيه هيه بس...
سيف:بس شو رمسييي
مزين:(بصوت خفيف) شهد يالسه تصيح لانه ها التيس قاللها شي
سيف:لا إله إلا الله مابنخلص
مريم:بترد ويانا ترا تعال بسرعه
سيف:يلا اوكي ياي
-
مريم سارت يلست صوبها..شهد من جافتها انهارت اكثر و حضنتها
شهد:(بصوت مبحوح) مب اول مره يسوي فيني جي و يحرجني دوم اسكت و اسكت ما اقول شي حتى يوم سافرنا (تبتسم باستهزاء) شهر العسل كنت اجوفه يخوني و ماقدر اقوله شي و اكتشفت انه يخوني يوم يا بيتنا اول يوم من بعد العرس و كان يرمسها و مب حاط ف باله اني صرت ذمته و قبل مانسافر كان يشكيلي عنها و بعدتها عنه بس طلع مايستاهل الحقير و ترا نحن في شهر العسل كنا متضاربين عسب جي ردينا و سيف اخوج ساعدني أنا ماكنت اعرف شو بسوي بدونه هو الوحيد الي كان يساعدني و عقب رمسته عسب يرد معانا و احين نفس ماتجوفين هو يعاملني بهالطريقه لانه جافني زقرت سيف الفندق عندي و يتحرا صار بينا شي بس انا يبته عندي عسب افضفضله و احين جي يعاملني لانه افكر اطلقه و خبرته
مريم:لاااا شو تتطلقونننن
سيف:(يدخل الحجره) بتتطلق و انا بكون شاهد على هالشي
شهد:(مسحت دموعها) يلا قومو خلونا نطلع
سيف:مابتطلعين لين تقولين إذا بتطلقينه ولا اسير اتصرف انا
