شهد ماقدرت تتحمل الموقف و انهارت و يلست صوب اختها و تصيح ف حضنها مريم و سيف طلعو عسب ياخذون راحتهم و يتمون مع اخوهم..سيف وصل الخبر حق امه عسب تخبر ام شهد بطريقتها و انتشر الخبر بين الاهل و ابو شهد ترخص من دوامه و يا عندهم المستشفى و كانت غاليه مع سالم و بنتها في بيت عمتها ام سالم و امها كانت هناك و ام سيف كانت موجوده وياهم بعد..بعد انهيار و صياح شهد دخلت الحمام (عزكم الله) و حست الدنيا تدور فيها و فتحت الباب و كانو كلهم يالسين فالحجره عند مايد و اول ماطلعت طاحت عالارض..ساعدوها و يلسوها عالشبريه الي كانت صوب شبرية مايد و غاليه طلعت تزقر الممرضه عسب تشيك عليها لانه وضعها كان مب طبيعي من عرفت انه مايد فالمستشفى..ودوها غرفه روحها عسب ماتتضايق من وجودهم و تنحرج و غاليه اختها دخلت معاها و شيكت عليها الممرضه
غاليه:دكتوره عادي تفحصين عليها اذا هي حامل او لا
استغربت الدكتوره من سؤالها بس شيكت و طلعت حامل
الدكتوره عنود:مبروك (تبتسم) هي حامل و فالشهر الثاني انشاءالله اتديرون بالكم عليها لانه حالتها صعبه هالفتره و تعبانه هي لا تضايقونها و حطو عينكم عليها بس انشاءالله ماعليها شر
غاليه:(بدموع فرح) مشكوره دكتوره وايدددد
الدكتوره عنود:حبيبتي الله يخليها لكم (تبتسم)
شهد كانت تعبانه و مب مركزه معاهم و كل شوي ترقد و تنش..دخلت عليهم مرام و جافت الدكتوره و غاليه فرحانين بس شهد حالتها ماتطمن
مرام:شسالفه شو مستوي
الدكتوره عنود:لا تحاتين ماعليها شر انشاءالله و الأخبار الحلوه بتسمعينها من اختج (ابتسمت و طلعت)
غاليه:مرامممم ماعرف افرح ولا اصيححححح
مرام:شفيج انتي مينونه شو مستوي اي اخبار (تطالع شهد) شفيها ترا واضح تعبانه وايد
غاليه:شهد حامل (تبتسم)
مرام:جذابههههه (سارت حضنتها) بستوي خالهههه
غاليه:هيههههه تخيليييي
مرام:(بعدت عنها) غلوي منو ابوه
غاليه:لا تستهبلين يعني اكيد حمد ولد عمي
مرام:هيه بس هم اطلقو من فتره
غاليه:شفيج احين ها الموضوع مب وقته لا تدخلين الشك برأي اي حد خلاص سكتي اهم شي هي حامل
مرام:(دمعت دموع فرح) واي كبرتتتت
شهد بدت تصحصح
غاليه:هلا والله بأحلى شهوده زين نشيتي شو تحسين
شهد:راسي يعورني (صاحت) ابا ارد البيت
مرام:(تطالع غاليه) انتي متاكده هاي بتستوي ا (قاطعتها غاليه و قرصتها) ايييييييي
غاليه:ويهد اتشاءالله نحن مب فالبيت سكتي
مرام:(فهمت عليها انها ماتبا شهد تعرف) انزينننن
غاليه:(راحت صوب شهد) قومي معاي روحي الحمام (عزكم الله) و غسلي ويهج و خلينا نسير نجوف ميود
شهد:(مسحت دموعها) ماقدر احس اني بطيح لو قمت ماقدر امشي ولا اوقف
مرام:خلاص غلوي خليها بنقول حق اميه تيلس معاها و تقوللها الخبر الحلو
شهد:ميود نش؟ (بوناسه)
غاليه:يليت والله بس في شي حلو صدقيني بتفرحين
شهد:انزين بقوم معاكم ساعدوني ابا اجوف ميود
ساعدوها و طلعو من الحجره و دخلو عند الاهل..ابو شهد كان يالس ويا امها و خالتها ام سيف و سيف و مريم و سالم ريل غاليه...اول مادخلت جافت ابوها و حضنته عقب تحمدو بالسلامه..سيف طول الوقت عينه على شهد
غاليه:اميه تعالي بغيتج شوي
امها:(قامت) يلا يايه بس دقايق اتجدميني انتي بييج
غاليه طلعت و تريت امها تطلع من الحجره...حمد درى بالي صار معاهم و على طول طلع من البيت و توجه للمستشفى و على دخلته صادف امها و اختها
امها:اوه جوفي هذا مب حمدوه؟
غاليه:شكله ياي يتطمن عليهم
حمد:السلام عليكم
غاليه و امها:وعليكم السلام
غاليه:شحالك حمد
حمد:يسرج حالي..تستاهلون سلامتهم
امها:الله يسلمك حبيبي
حمد:عادي اجوفها؟
غاليه:حمد دام ييت لازم تعرف
حمد:عسى ماشر شو صاير
غاليه:كل خير انشاءالله بس اباكم تسمعوني...شهد حامل و احين هي بالشهر الثاني
حمد:كيف و ليش و متى
امها:غاليه انتي مستوعبه شو تقولين؟
غاليه:اميه يعني البنت كانت معرسه شي طبيعي بتحمل و يمكن يطيح أصلا لانها بعدها بالشهر الثاني و ماثبت حملها
حمد:انشاءلله يثبت بس كيف بقدر أربيه و هو بيكون بعيد عني
امها:حمد انته غلطت و تعلمت من غلطتك و تقدر تصحح الغلط لو رديتها احين..بينكم ياهل مايصير يكبر بدون ابوه ولا امه لازم الاثنين مع بعض و من ناحية شهد ماعليك أنا برمسها
غاليه:أنا بعد برمسها يعني لا تحاتي
حمد:مشكورين والله بس صدمتوني ماتوقعت بيصير جي ابد و بيني و بينكم ماكنت افكر اني ارتبط في حد من بعدها
غاليه:ماعليه انته شرات اخوي و اتمنى لك الخير لو كان مع اختي او غيرها بس احين بينكم ياهل ماله ذنب بالمشاكل
حمد:مشكوره غاليه مابنسى وقفتج (يبتسم)
غاليه:ولو ماسويت شي (ترد له الابتسامه) يلا روح ادخل يمكن ترضى عليك (تغمز له)
حمد:هههههه يلا انشاءالله
ام شهد تجدمت و دخلت الحجره و غاليه و حمد تمو برع
غاليه:حمد تراها ماتعرف اتمنى ماتقول احين لانه الوقت ابد مايناسب..احين مانقدر نتكلم..قبل ماتطلع خبرني بييك صوب الموتر و بنتكلم
حمد:خلاص تمام
