شهد:(تمت ساكته فتره عقب رمست) بطلقه بس بشرط سيف:شو الشرط انشاءالله شهد:ماشي خلاص قوم يلا عسب مريم ترتاح (دزت جتفه عسب تطلع) سيف:(مسك ايدها و سحبها الحجره مره ثانيه) عطيني الجواب الي اباه عقب بهدج مريم:جوليت و روميو خفو علينا شهد:مع هالحركات مابتحصل الجواب الي تباه (توخر ايده و تطالع مريم) يلا مريوم تعالي مسكت ايدها و طلعو توجهو للسياره و شهد و مريم ركبو ويا بعض لانه مريم كانت تبا تنسدح على ريل شهد و سيف طول الوقت يتطالعها من الجامه و هي تسوي عمرها ماتجوف..وصلو بيت ابو شهد و يوم يت بتنزل شهد رمستها مريم مريم:شهود قولي حق امج انج بتباتين عندنا شهد:بجوف برمسها قامت مريم من على ريلها عسب تنزل و نزلت و دخلت البيت تدور امها حصلتها فالصاله تقرا قران شهد:(باست راسها) شحالج اميه ام شهد:الحمدلله حبيبتي شحالج انتي شهد:انا بخير دام انتي بخير الغاليه (تبتسم) ام شهد:ارمسي شو تبين شهد:ماما ابا ارقد عند مريوم اليوم عسب أساعدها لو احتاجت شي يعني تعرفينها تستحي من سواف و جي ام شهد:الشور عند ابوج مادري شهد:(باست راس امها) احبج ام شهد:ههههههه بس حق المصلحه شهد راحت تدور ابوها و حصلته منسدح فالحجره دشت و باست راسه شهد:شحالك ابويه (تبتسم) ابوها:الحمدلله حبيبتي اعترفي شو تبين شهد:ياربي مفضوحه يعني هههههههه ابوها:هيه ههههههه قولي حبيبتي شهد:ابويه ابغي ابات في بيت خالو ابوها:انا اقول موتر منو برع طلع سيفوه شهد:هيه ويا مريوم يتريوني اكيد نقعو هههههه ابوها:روحي دخليهم لين ترتبين اغراضج شهد:انشاءالله يلا بغيت شي (باست راسه) ابوها:لا ابويه سلامتج طلعت من الحجره و دقت حق مريوم - شهد:مريوم سوري نسيتكم ههههههه مريم:يالخايسه تعالي يلاااا حرررر شهد:(تصعد الدري) مريوم نزلي و زقري اخوج لين ارتب أغراضي مريم:سيفوه شهود تقول ننزل شهد:يلا اترياج مريم:يلا ياين - يابت الشنطه و رتبت كم لبس و حطت كريماتها و ميكبها و بدلت و دخلت عليها مريم شهد:مريوم جوفي وين هاييج الجلابيه مريم:الورديه؟ شهد:هيه مريم:ها مسكيها (عطتها الجلابيه) شهد:(حطتها فالشنطه و سكرتها) خلاص خلصت اتمنى ماكنت مطوله عليكم ههههه مريم:لا مول مول بس بنسمع سيفوه يتفلسف شهد:يالله ههههههههه يلا قومي ننزل عيل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلو تحت و جافو سيف يالس على أعصابه يترياهم مايد:تعالو بلاكم جي تطالعون خبقتونا سيف:هههههههههه سجل يا تاريخ ميود ينكت ضحكو كلهم و عقب يلسو شهد و مريم صوبهم فالصاله شهد:يلا قومو تراني صدعت من سوالفه خلوني شوي ارتاح سيف:افا ميود و انته تسكت ههههه مريم:(ضربته على جتفه) جب لا تسوي مشاكل انته الثاني (قامت) يلا قومو شهد شلت شنطتها و سارو السياره و وصلو بيت ابو سيف و يوم دخلو ماكانو موجودين امه و ابوه ..مريم و شهد راحو غرفت مريم عسب شهد ترتب أغراضها و تاخذ راحتها و تفصخ العباه و الشيله..فجأة و هم يسولفون سيف نسى انها موجوده و دخل و جافها تبدل ملابسها و من الصدمه كلهم واقفين يطالعون بعض و ساكتين لين رمست مريم مريم:(راحت صوب سيف و دزته برع الحجره) اييييهههه اطلععع غبييي ماتستحييي ع ويهكككك سيف:(بعده مصدوم من شعرها الطويل و جسمها الي طير عقله) اسف اسف نسيتتت مريم:شو كنت تبا سيف:بس بغيت اخذ شي نسيته عندج والله مب قاصدددد مريم:انزين خلاص ماعليه ماصار شي يلا توكل (دزته صوب حجرته) سيف ماتكلم و رجع حجرته و هي رجعت عند شهد شهد:شو استوا قبل شوي مريم:ههههههههههه غبيه انتي واقفه مكانج بعد شهد:ياخييي ما استوعبتتتت (تمسك راسها) مريم:عادي عادي شهد:شو عادييي تعرفيننن لو حمد دراااا شو بيستوييي (تنزل دموعها بهدوء) مريم:حبيبي خلاص برأيه ماصار شي (تحضنها) شهد:(تصيح) الله يأخذني كيف جي صارررر كيفف مريم:بعد زين ماجاف شي ثاني (تبا ترقع الوضع) (لعلي تحمست شوي بس سكب) شهد:افففف قومي قومي ابا اطلع مابا اتطالع ويهه مريم:انشاءالله من عيوني بطلعج بس بييب سويج السياره و انتي بدلي و لبسي عباتج و اترياج برع شهد بدلت و لبست عباه مرتبه كحليه و تحته قميص ابيض و بنطلون ابيض بعد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و مريم كان هذا لبسها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
