والي فالقاعه عالم الموازي كل وحده تسوي شي الي ترقص و الي تتصور و الي تحش و الي تخطب
بعد دقايق الدي جي تكلمت
الدي جي: بيدخلون الريايل بعد دقيقتين
و الحريم بدو يتغطون و يوم خلصو حطو زفه و دخل هو و ابوها و اخوها و ابوه
عقب دقايق بسيطه دخلت هي على زفة بأسمها
و يوم وصلت قريب القاعه يا المعرس لين عندها و باس راسها و مسك ايدها و عقب وقفو صوب اخوها و ابوها
و الناس كانت تبارك و الي تصيح و الي تصور و حالتهم حاله
مايد:مبروك يالغاليه(باسها على راسها)
شهد:الله يبارك في حياتك يالعضيد
ابوها:مبروك يا حبيب قلبي انتي(حضنها)
شهد:الله يبارك فيك(بادلته الحضن و فيها صيحه) بابا ترا بصيح لا تصيحني ههههه
ابوها:(يطالع المعرس) لو فكرت فيوم انك تزعلها يويلك هاي حبيبت ابوها امانه عندك
حمد:افا عليك عمي بحطها في عيني بنتك
ابوها راح صوبه و يبارك له
عقب مايد و ابوها طلعو من القاعه
حمد:طالعه حلوه اليوم
شهد مستحيه منه ماتعرف شو ترد بس تبتسم
حمد:يا بنت امدحج عطينا ويه هههههههه
شهد:شقولك روحي مستحيه جوف الناس كيف تطالع ههههه
حمد:فديت أنا المستحيه
شهد:تفداك(تبتسم له)
حمد مسك ايدها و ابتسم لها عقب زفوهم لين طلعو من القاعه
حمد:انشاءالله مرتاحه بالفستان؟
شهد:الصراحه لا يلعوز هههه
حمد:يلا احين تقريبا نص ساعه و بنوصل تعالي حطي راسج هني(يأشر على جتفه)
رقدت على جتفه و صحت على صوته و هو يقوللها
حمد:حبيبي قومي يلا وصلنا
شهد:انزين شوي بعد
حمد:شو شوي بعد قومي قومي الله يهديج
شهد قامت و ساعدها عسب فستانها و دخلو الشقه
شهد:ماشاءالله ماتوقعتها جي عوده و حلوه
حمد:هيه هاي شقتي يوم كنت اتضارب ويا حد فالبيت ولا يوم اكون فاضي أبات هني هههههههه
شهد:ماشاءالله عليك يعني طلعت دلوع هههههههههههه
حمد:لا وين ههههه يلا تعالي بدلي شكلج وايد متلعوزه فالفستان
شهد:هيه يلا والله تعبت وايد
دشت الحجره و استوعبت انه ماتقدر تفصخ الفستان روحها لازم حد يساعدها و بعد تردد طلعت الصاله و حصلته منسدح و يطالع السقف سارت صوبه و هو استغرب يوم جافها
حمد:فيج شي؟ ليش ماغيرتي ملابسج
شهد:شسمه ترا ماقدر افصخه روحي لازم حد يساعدني
حمد:هههههههه تعالي تعالي بساعدج
ساعدها و عقب دشت الحجره و لبست بجامه خفيفه و طلعت حصلته راقد
شهد:حمدوه قوم تراني ماطولت شدعوه هههههه
حمد:خليني ارقد خلاص مافيني اقوم ادش داخل
شهد:قوم ماحب ارقد روحي
حمد:ياهل ياهل
شهد:اف انزين يلا كمل رقادك
دشت الحجره و حطت راسها بترقد إلا تحس في حد يدش و عرفت انه حمد
شهد:وين عيل الي يقول ياهل هههه جان تميت برع ماباك
حمد:افااا شوشو و أنا قلت حرام احين بتزعل مني خليتها روحها
شهد:تعال تعال اسولف وياك والله اخاف
حمد انسدح و عقب هي لصقت فيه و دشت فحضنه
حمد:لهدرجه خايفه عاد هههههههه
شهد:اسكت خلني ارقد
رقدو و اليوم الي بعده نشت حصلته محد و قامت من مكانها و دشت الحمام (عزكم الله) و عقب يوم طلعت حصلته ف ويهها
شهد:بسم الله انته وين رحت
حمد:ماشي كنت ارمس فالفون
شهد:ايوااا كنت ارمس فالفون مع منو حضرتك
حمد:شتبين قومي قومي يلا ابا ادخل
شهد:ايه انته والله بضربك شو هالاسلوب
ضربته ع جتفه و هو يلس يضحك و دخل الحمام (عزكم الله)
شهد:شو ها المتخلف بعد
حمد:(بصراخ) تراني سمعت يا حيوانه
شهد:بسم الله خلني اشرد عيل
طلعت من الحجره و بدلت و رتبت عمرها و عقب طلع هو و تم واقف مكانه و يطالعها لين خلصت
حمد:بنروح بيت امج ترا بعد شوي
شهد:ادري انزين عيل هالكشخه كلها حقك؟ لا حبيبي حق اهلي ههههههه
حمد:ادريبج حيوانه بس يلا بطوفها لج على مزاجي
شهد قامت تبغي تضربه و يوم ييت صوبه حضنها
شهد:ايه انته وخر وخر ابا اخلص ماشي وقت
حمد:انتي ماتعرفين تسكتين شو؟ لازم تخربين
شهد:حمدوه وخر صدق ابا اخلص
حمد هدها بس تم واقف مكانه يدري انها بتجوفه و بيكسر خاطرها و بترد تحضنه و يلس يطالعها لين تحس ع دمها
شهد:حبيبي أنا خلصت و انته بعدك واقف؟
حمد:يلا اترياج فالصاله عيل يوم بتخلصين خبريني
طلع حمد من الحجره و هي حست ع دمها و عقب يوم خلصت طلعت له و راحت صوبه و باسته ع خده
شهد:ها تعويض لانه لعوزتك
حمد:إذا ما وخرتي احين بتندمين ترا
شهد:يلا يلا قوم بنتأخر هههههههه
طلعو و توجهو بيت ام شهد
