وصلو بيت ام سيف و بركنو
شهد:ابا ارد البيت
سيف و مايد اطالعوها
شهد:شو فيكم ماقلت بكفر قلت ابا ارد بيتنا مابا ايلس ويا حد (صدت الصوب الثاني)
مايد:بردج
سيف:بردها عادي
مايد:خوش والله و انا اخوها عالفاضي (بستهبال)
سيف:ههههههههههه يا ريال استريح بنزل بنزل (نزل) يلا فمان الله (يبتسم و يطالع شهد الي مب يالسه تجوفه أصلا)
مايد:ايه انته دش داخل وزع ابتسامات (انتبه عليه)
سيف:ههههههههههههههههه يلا ربي يحفظك
مايد:ويحفظك حبيبي
دخل سيف و سلم على امه و يلس معاها و قاللها الي استوى و يلسو يسولفون و يتقهوون لين خواته رجعو من دواماتهم و تغدو
نرد عند مايد و شهد
حركو من بيت خالتهم رادين البيت..وصلو و حصلو اهلهم كلهم يالسين و يسولفون و يضحكون..سلمو عليهم و يلسو معاهم يسولفون لين يا وقت الغدا و شهد اترخصت عنهم و صعدت حجرتها..حد دق عليها باب الحجره
شهد:دشي غلوي
غاليه:(تبتسم) كيف عرفتي انها أنا
شهد:(تبتسم) من دقتج الخفيفه
غاليه:حبيبتي انتي بس ترانا نترياج تحت
شهد:ليش شو تبون فيني بعد
غاليه:منو بيونسنا عيل
شهد:دورو غيري
غاليه:ماشي غيرج هههههههه
شهد:لا تحاتين تراني مب متضايقه بالعكس مستأنسه لاني ماكنت مستانسه وياه إلا فالسفر و آخر الايام جلب يوم عرف اني رمست سيف (خبرتها السالفه كلها)
غاليه:(مسكت ايدها) حبيبتي اختي ماعليه احين افتكيتي و خليج جي ابرك ترا الزواج يتعب
شهد:حيوانه اونه الزواج يتعب و هي يايبه بنت و مستانسه ويا ريلها
غاليه:الله اكبر ذكري ربج علينا باجر بيروحون عني (ضربتها على جتفها)
شهد:ههههههههه والله استهبل ماشاءالله عليكم حلوين
غاليه:قومي قومي ميروه تترياج
شهد:واييي حبيبت خالتها بنزل عشانها
غاليه:حيوانه
شهد:(قامت من السرير و نزلت تحت حصلتهم كلهم موجودين) كيفكونننن صبايااا
مرام:نحن مناحححح خيتووو
امها:تعالي انتي تعالي
شهد:وشو مامي
امها:خبريني شو استوا ها اخوج الهرم ماطاع يرمس
مايد:ماما اسمعج
امها:خير يا طير حبيب قلبي اسمع
مرام:والله تضحكوني لازم آخذكم محتوى حق الستريك
ابوها:شو ستريك ها بعد
غاليه:ههههههههه بابا ها ف سناب
شهد:(جافت ميره عند ابوها) حبيبييي ميرانيييي
امها:تعالي ارمسج انا
شهد:ماما والله شوي شوي بس بشلها
ابوها:يوم امج ترمسج تروحين عندها
شهد:بابااااا والله بس بشلها شو ها (تطالع امها) ترا برد الحجره و مابطلع منها
غاليه:لا دخيلج عقب شو يطلعج
شهد:خلاص عيل خلوني اشلها
امها:شليها شليها اترياج فوق
شهد:دقايق و بييج
نخليهم يتونسون الاهل و نرد عند حمد
رجع البيت و حصل امه و ابوه و اخته مهره يالسين
حمد:السلام عليكم
الي موجودين:وعليكم السلام
ابوه:تعال شوي ابغيك
حمد:(بتوتر) امر ابويه (يلس صوبه)
ابوه:كيف ترضى تسوي جي في بنت عمك(بعصبيه)
حمد:(منزل راسه) ابويه والله هي كانت تبغي تتطلق
ابوه:والله اكيد مسود الويه عسب تطلقك(رفع راس ولده بصبعه) ارفع راسك يوم ارمسك
حمد:اسف ابويه ماكنت قد كلمتي
ابوه:لانك مش ريال
امه:بو حمد اذكر ربك
ابوه:لا إله إلا الله (بدأ يهدأ و يلس)
حمد:صح انا مش ريال و قصرت فيها و ماكنت قادر اسعدها
مهره:اخوي ماعليه كلها فتره و بتعدي
ابوه:وين اودي ويهي احينننن
امه:(بدت تدمع) كيف سويت جي فينا
حمد قام بيبوس راسها بس دزته و استغرب من حركتها و رد يلس مكانه و يلس يصيح بهدوء و الكل كان ساكت و مهره كسر خاطرها حاله و يلست صوبه و مسكت ايده
مهره:ماعليه حبيبي حاسه فيك بس لازم تصلح غلطتك
حمد:(رفع راسه و عيونه كلها دمعوع) مهره الشي كبير و ماقدر أصلحه بهالسهوله
مهره:(مسحت دموعه) انا معاك في كل شي بس اول شي لازم تراضي (بصوت خفيف) ابويه و اميه
حمد:(حضنها) والله مو بيدي شي بس ساعديني
مهره:(تمسح على ظهره) كل شي ب ايدك صدقني
أمهم و ابوهم كانو يجوفون بس ساكتين و مايعرفون كيف يحلون هالمشكله
حمد:(يخوز عنها) أنا ماعرف شو بسوي بدونج
مهره ابتسمت له
امه:(حضنته) أنا اسفه حبيبي (تصيح)
حمد:ماعليه اميه حصل خير و هاي غلطتي سامحيني (يخوز عنها و يبوس راسها)
امه:مسامحتنك والله مسامحتنك بس صلح غلطك
حمد:حاضر
ابوه قام على طول و راح الحجره مايبغيه يرمسه على سواد ويهه..ابوه كان يفكر كيف بيصارح اخوه ولا شو بيقوله و شو بيستوي هل هو زعلان عليه ولا راضي ولا شو وضعه
مر يومين و الوضع كان عادي في بيت ام سيف و ابو شهد شرات اي يوم عادي بس الوضع كان متكهرب بين حمد و ابوه و كل مايحاول يراضيه و هو يتهرب و مايبغي يرمسه عسب يعرف غلطته بس الي مايعرفه انه حمد ندمان و متلوم وايد على الي صار
