و هي طالعه من الحجره جافته و على طول ربعت برع صوب موتر مريم..فالسياره
مريم:شفيج تنفسي ليش جي تركضين
مريم:شهود حسستيني ا***** عادي بينسى ماعليج
شهد:جب مريم سوقي و انتي ساكته
مريم:انزين وين نروح
شهد:ماعرف احس دبي مول
مريم:يلا تم
شغلو اغاني و يلسو يغنون و يرقصون عسب ينسون الموضوع
..عقب دقايق وصلو دبي مول
شهد:اقولج حطيت انا القلوس مالي عندج اخر مره
مريم:حبيبتي سلمي عليههه ههههههههههه لا تحطين شي عندي خلاص اعتبرته مالي و نزلته هههههه
شهد:يالحيوانهههه اباهههه
مريم:نزلي باخذلج احين غيره
شهد:مابا ما اضن شي نفس الدرجه
مريم:يلا شهودوه نزلي لا تستوين ياهل ترا بدق حق سيفوه(بمصخره)
شهد:يا شين ماطريتي والله
مريم:اخوي ترااا ما ارضىىى
شهد:زقي انتي وياه نزلي يلا (فتحت باب السياره) صح تذكرت
مريم:شو بعد
شهد:ماشي نزلييي
مريم نزلت و سكرت السياره و حطت السويج فالشنطه و دخلو المول و كانو يدورون محل ديور عسب مريم تراضي شهد و تعوضها هههههههه
مريم:اقولج ريلي عورتني الكعب يتعب
شهد:كل شي يهون لعيون الكشخه امشي امشي بس
مريم:انزين تحسين وينه
شهد:افففف تعورين الراسسسس سكتيييي ماعرففف دورييي و بسسس
مريم:انتي شفيج ليكون يايتنج
شهد:مايخصج امشي (مسكت ايدها) تعالي حصلته يلا جهزي بيزاتج و اذا ماشي برقعج بطراق
مريم:خيبه خيبه انزين (يالسه تدعي بصوت خفيف انه يحصلونه)
شهد نقعت ضحك و مريم يوم جافتها ضحكت معاها..دخلو المحل و سألو الموضفه إذا موجود و قالتلهم انه موجود..ما اوصفلكم الراحه الي حست فيها مريم وقتها لانه كانت بتتصفع
مريم:واييي الود ودي اسجد احين (تمسك قلبها)
شهد:بس بطني والله يعورني لا تضحكيني ههههههههههههه
مريم:يلا هاتي باخذه و برد لج
شهد:يلا اترياج
راحت مريم تحاسب و شهد ياها اتصال
-
شهد:احين تذكرتني
حمد:اسف بس ماكنت على بعضي و مالي نفس ارمس حد
شهد:هيه زين شو بغيت عيل
حمد:وينج
شهد:فالمول (بعدت الفون عن أذنها عسب ترمس مريم)مريوم صبري
حمد:اكلمج ردي علي
شهد:شو شو ماسمعت
حمد:وينكم(بعصبيه)
شهد:شو بستفيد لو قلت
حمد:شهد تعرفيني لو عصبت شو بسوي فيج (بحده)
شهد:فالمول ويا مريوم (بملل)
حمد:منو سمحلج تطلعين بدون ماتشاوريني
شهد:(بصوت خفيف) لا إله إلا الله
حمد:محمد رسول الله
شهد:ههههههههههههه ضحكتني و انا مالي نفس اضحك
حمد:مافي شي يضحك على فكره و دواج يوم بتردين احين استأنسي و هاي اخر مره تطلعين معاها
شهد:والله تخسي
حمد:تمام بنجوف
شهد:باي باي
-
مريم:بلاج منو ها
شهد:يعني منو بيكون
مريم:ترا يقهر
شهد:وايد قسم بالله نرفزنييي و خربلي موديييي
مريم:ماعليه تعالي نكمل في سيفورا و عقب بنطلع و تفاهم معاه
شهد:شو اتفاهم معاه والله مابسويله سالفه
مريم:(تاشر على فونها) جوفي ياحماره
شهد:خيزق برايه خليه يسمع
مريم:(بندت الخط عنه) انتي حماره ماخليتي شي ماقلتيه عنه و تقولين عادي
شهد:ياخي قومي نرد مابا اتم هني (بضيق)
مريم:زين يلا تعالي
توجهو صوب الباركنات و جافت موتر حمد
شهد:لا تصدين طالعي جدام و ركبي الموتر بسرعه
مريم:(بستغراب) شفيج ليش شو مستوي
شهد:امشي و بخبرج بعدين
حمد يلس يديم و يدق هرنات بس هي مول ماصدت ولا فكرت تطالع و دخلت موتر مريم
شهد:وايييي خلاص ها بيذبحني (تطالع من الجامه ويهه) جوفي كيف معصبببب
مريم:شفيج منو (جافت حمد) بسم الله شو يابه ها
شهد:ماعرف بس حركي بدون ماتطالعين ولا سوي عمرج ماتعرفينه
مريم:انزين اشبكي اغاني اونه يعني مانسمع الهرنات ههههههه
شهد:والله كفو عليج احين بشبك ههههههه
شبكت و علت عالاغاني و هو حارق فونها و شهد مطنشه
مريم:ردي فكينا يمكن فيه شي ضروري
شهد:لا حبيبتي اكيد بيهزبني ماسمعتي كيف كان معصب يوم رمسته و نحن داخل شوي و يطلع من الفون و يصفعني
مريم:ردييي
شهد:لا (ببرود)
مريم:(سحبت فونها) هاتي انا برد
-
حمد:وينج انتي وينج اونج ماتجوفين بعدددد (معصب)
مريم:اهلين حمد
حمد:(تغيرت نبرته 180 درجه) هلا حبي اقصد هلا
مريم:شفيك معصب تراها معاي
حمد:دامها معاج اوكي بس ماعرفتج و انتي جي كاشخه
شهد:(سحبت الفون من مريم) حمد تقدر تسكر؟ مب وقتك
حمد:قسم بالله براويج بس ردي البيت و بتجوفين
شهد:مسكين حالك انته ههههههههه منو قال اني برد بيتكم
بندت
-
مريم:شفيج عليه حرام
شهد:مريم بعد كلمه بصفعج
علت عالاغاني و تمو ساكتين و سرحو هم الاثنين و هم يسمعون الاغنيه
خلاص منك مل صبري ضقت العنى و المر و الويل
ضاقت بي الدنيا و تدري ولا عاد بي باقي حيل
يا كم لك ارخص عمري ماكنت لك في حبي بخيل
حطيتك بعيني و تدري ماصدقك لغيرك ولد مين
عليك دمع العين يجري متحدرن من موقعي تسيل
و انته مريح تنام بدري عايش في دور الحب تمثيل
لا تبيع في قلبي و تشري ما طيق حب فيه تضليل
ابعد و خل الحب يسري خلاص يا ساري سرى الليل
