دخلو الحجره و سلمو..شهد كانت مستغربه من وجود حمد بينهم بس ماقالت شي
ابو شهد:شحالك حمد
حمد:الحمدلله عمي يسرك حالي من صوبك
ابو شهد:بخير ربي يعافيك
حمد:تستاهلون سلامتهم (يطالع شهد و يبتسم)
ابو شهد:الله يسلمك
غاليه:ابويه بغيتك شوي تعال نتمشى
سالم:انتي شفيج كل شوي سحبتي حد فيهم و طلعتي برع
سيف:اشك عندها حفله برع و ماتبانا نعرف ههههههه
غاليه:شفيكم ماكلين قرصكم ني ترا بتعرفون و الشي بيفرحكم مثل مافرحنا (تطالع شهد) صح شهود
شهد:شفيج انتي بعد تطالعيني شعرفني شعندج
مرام:خيبه جبريت (تطالع مريم) اقولج انتي كيف تحملتيها
مريم:لا تسأليني لاني ماعرف
شهد:سيرو لاه ماعندكم سالفه لو مب اميه و ابويه الي يالسين جان رديت عليكم (قامت) أنا بطلع اشم هوا شوي لوعتو بجبدي (طلعت)
غاليه:(تطالع سالم) انته رد البيت و شل ميره من عند عمتي و ترياني فالبيت برمسهم شوي و بييك
سالم:تمام حبيبي (قام) يلا استأذنكم أنا بييب ميروه من عند اميه تاخر الوقت
ام سيف:يلا أنا بعد استأذنكم حبايبي طولنا عليكم
مرام:خالو بالعكس ونستونا و انشاءالله بنفرح بسلامته يوم بينش
ام سيف:انشاءالله حبيبتي
سلمو عليهم و طلعو..تم حمد مع خواتها و اهلها..غاليه قالت حق مرام تخبر ابوها و هي بترمس امها و حمد
مرام:ابويه تعال بغيتك شوي برع
ابوها:يلا ياي (قام و طلع)
طلعو هم الاثنين
غاليه:دام تمينا روحنا اضن لازم نرمس بخصوص حملها
امها:أنا اجوف انه تردون حق بعض عسب الياهل مايكبر و هو بعيد عنك و يتشتت
حمد:والله عمو هي لو تطيح الحطب الي بينا جان كل ها ماصار
غاليه:ماعليه هي راسها يابس و تحتاج وقت عسب تنسى بس لا تحاتي بنحاول وياها..عاد الله يعينك جفت نفسيتها كيف جالبه والله شكلها بتتخبل يوم بتعرف انها حامل
حمد:ماعليه بتحملها عسب يوصل البيبي و هو بخير و مافيه إلا العافيه...الصراحه ملزوم فيها لازم بسكت ههههههههه
امها:لا تحاتي كل شي بوقته حلو و هي مصيرها بترضى و بترد لك انته احين روح البيت ريح و بنجوف متى بنخبرها و بنحطها جدام امر الواقع
غاليه:يلا أنا بعد استأذن بروح سالم و ميره اكيد وصلو البيت (قامت تسلم على امها) آميه إذا تعبانه بردج و بخلي ابوي يرقد عنده
امها:لا حبيبتي بتم عنده مب تعبانه
حمد:يلا عمو نجوفج على خير انشاءالله (باسها على راسها)
امها:الله يحفظك حبيبي
طلعو غاليه و حمد و تذكرو شهد الي طلعت و ماردت
غاليه:اقولك هاي وين اختفت
حمد:شعرفني الجبريت كانت مولعه اخاف ارتبكت جريمه و شردت
غاليه:شكلها جي هههههههههه تعال بندورها عن تسوي شي هاي المينونه
يلسو يدورون و يسألون الممرضات الي فالممر و مالقوها و طلعو صوب الباركنات و حصلوها في موترها و تصيح
حمد:ها مب جنه موترها؟
غاليه:هيه تعال
تجدمت غاليه و انصدمت انها يالسه تصيح
غاليه:اقولك هاي تصيح
حمد:كلميها انتي بتريا أنا
غاليه:لا حبيبي انته الي بترمسها مب أنا
حمد:حماره شو بقوللها يعني
غاليه:انته صارحها انك تبا تردلها بس لا تييب طاري الحمل و حاول تعرف شو فيها و تهديها أنا لازم ارد البيت ها مايعرف يتصرف ويا ميروه
حمد:والله بلشه..زين يلا ربي يحفظج
غاليه ردت صوب موترها و ردت البيت حصلت سالم و ميره راقدين..تغسلت و بدلت و رقدت صوبهم..نرد عند مرام و ابوها
مرام:بابا ترا شهد حامل
ابوها:والله صدق ولا تستهبلين (بفرحه)
مرام:هههه والله بس الوضع مايسمح انه نخبرها لانه جفت كيف كانت مولعه و لو درت اضن بتطيحه ماتباه و لا تنسى انه بيكون ولد حمد و هو طليقها
ابوها:انشاءالله يثبت حملها و بحاول ارمسها عسب ترد حق ولد اخوي هو صح غلط بس تعلم من غلطته و يالس يثبت هالشي و استسمح منا و ما اضن انها تبا ولدها او بنتها يكبرون و أبوهم بعيد عنهم
مرام:نحن بعد جي فكرنا انه نخليهم يردون عسب البيبي بس المشكله انه كيف بنخليها ترضى
ابوها:ماعليج أنا برمسها و بعرف اقنعها..مابتحصل واحد شرات حمد شاريها و يبا يصحح غلطه و يبدا صفحه يديده لو واحد غيره جان طنش و كمل في هالطريج الغلط
مرام:و بس انتهت القصه كان ها الموضوع الي ابا ارمسك فيه و احين خلنا نرد اكيد هم رمسوه
رجعو الحجره و حصلو ام شهد راقده و محد معاها..ابو شهد قال حق مرام ترد البيت و بيرقد هو بعد مع ولده فالمستشفى..عند شهد و حمد..جافته ياي صوب موترها مسحت دموعها و شغلت الموتر بتحرك بس يلس يدق الجامه عليها لين نزلتها
حمد:شفيج تصيحين؟ (بأهتمام)
شهد:شو تبا حمد ترا نفسيتي خايسه و مب فاضيه
حمد:عادي تفتحين الباب شوي بركب
شهد:لا مب عادي
حمد:مب كيفج بطلي ولا بكسره
شهد:ويعه انزين تريا (فتحت القفل) تفضل استاذ حمد
حمد ركب صوبها و يلس يطالعها بلهفه و شوق و تذكر أيامهم كيف كانت حلوه مع بعض..تمو ساكتين فتره طويله و هم يطالعون بعض و سرحانين لين نطق حمد
حمد:عادي تخبريني شو فيج و ليش كنتي تصيحين
