راحت مريم عند شهد فالحجره
مريم:شفيج انتي توج ناشه و تبين تردين ترقدين ههههههههه
شهد:يالحيوانه تعرفين كيف نشيت تحريت شي مستوي..خوفتوني
مريم:شدعوه انتي بعد ويا راسج شو بيصير بسم الله
شهد:ماعرف..خلاص برد بيتنا
مريم:شفيج بصفعج شو مستوي..حلمتي بشي؟ حد قالج شي؟
شهد:لا بس احس لازم اروح احين
مريم:خليني اوصلج و موترج باجر بقول حق سيفوه يرده
شهد:زين يلا
ركبو الموتر و سيف كان توه طالع و جافهم..راح صوب الجامه و دق على اخته
مريم:بسم الله ها من وين طلع
شهد:اف مب وقته..نزلي بسرعه
مريم:(نزلت الجامه) الله يعطيك حجي ماعندي بيزات
سيف:على وين يالتيسه
مريم:(تطالع شهد) بردها البيت
سيف:ليش بوصلها أنا أصلا ساير عند اخوها
شهد:مشكور استاذ سيف مابركب وياك
مريم:ايه انته وين عايشين كل مازانت اليلسه تبا توصلها
شهد:ماتعرفين مريوم؟
مريم:شو
شهد:اعطيه معاش ها الدريول مالي
مريم نقعت ضحك
سيف:يالجلبه (يطالع اخته) فتحي فتحي الباب الي صوبها بتفاهم وياها
شهد:روححح زين مب فاضتلك (تطالع مريم) يلا انتي الثانيه حركي تاخرنا
سيف:شوي شوي فالدرب (يطالع شهد) انتبهو على عماركم
مريم:انشاءلله
سكرت الجامه و طلعت من بيتهم..سيف طلع وراهم..دقايق بسيطه و ياه اتصال من رقم غريب
سيف:منو هايل بعد
-
سيف:الو
..:الو السلام عليكم
سيف:وعليكم السلام منو معاي
..:معاك الدكتوره سلامه من مستشفى *******
سيف:(بارتباك) تفضلي شو مستوي
سلامه:هذا كان آخر رقم متصل فيه و دقيت اخبرك انه مايد ***** مسوي حادث و احين هو في غيبوبه
سيف:(دق بريك بالقو) شوووووو
سلامه:أنا آسفه بس لو تبلغ اهله و توون المستشفى بيكون احسن
سيف:زين زين يلا مع السلامه و مشكوره
سلامه:هذا واجبي
بند
-
كانو قريب بيت ابو شهد..دق حق اخته مريم
-
مريم:هلا سيف
سيف:مريوم انا سبيكر؟
مريم:هيه (شلت السبيكر) شو فيك
سيف:ماباها تسمع الي بقولج اياه
مريم:(خافت) شو مستوي ارمس
سيف:اخوها........
مريم:شفيه ارمس سيف لا تخوفني
شهد:بلاج شو مستوي لا تخوفيني انتي بعد
سيف:مسوي حادث و هو في غيبوبه في مستشفى ******* لا تبينين لها اي شي بحاول افهمها يوم بنوصل بس توه دقتلي الدكتوره
مريم:انته شو تخربط مب وقت مصخرتك سيف (وصلو بيت ابو شهد) انزل انزل بسرعه
بندت
-
شهد خايفه لانه كانت حاسه انه مستوي شي في حد من اهلها
سيف:(نزل من السياره) شهود دخلي داخل و بنيي
شهد:مابدخل (حست في شي) خبرني شو مستوي (بدت دموعها تنزل)
مريم:(حضنتها) حبيبي شهود مافي شي بس روحي شوي داخل
شهد:لا تجذبيننن قولي دخيلج (مسحت دموعها)
مريم:(اتطالعت سيف) ماعرف كيف اقولج بس
شهد:(بصراخ) بس شووو رمسيييي
مريم:اخوج مسوي حادث
شهد:تستهبلين صح لا اكيد تستهبلين ميود داخل مافيه شي
سيف:قومي بسرعه نروح عنده
شهد كانت بتطيح بس مسكتها مريم
مريم:بلاججج
شهد:(قامت عن مريم) ماشي خلاص قومي خلينا نسير بسرعه (بتعب)
سيف:انتي متاكده مافيج شي؟
شهد:هيه يلا بسرعه
مريم:خلونا نروح ب موتر واحد
سيف:هيه يلا احسن
شهد حست بلوعه و ركضت داخل
مريم:يالله هاي شفيهاااا (دخلت عندها)
سيف ركب الموتر و توجه صوب المستشفى لانه يدري بيطولون و بيسوون قصه...دخل المستشفى و سأل الممرضه عن غرفته
سيف:وين غرفة مايد احمد ال******
الممرضه:هني عاليسار غرفه رقم 27
سيف:مشكوره
ربع صوب الغرفه و هو يمشي بخوف (للمعلومه سيف كان وايد قريب من مايد من هو انولد صح الفرق بينهم كم سنه بس يعزه شرات اخوه و اكثر)
نرد عند شهد و مريم فالبيت
مرام جافتهم
مرام:شفيكم شو مستوي (انتبهت على مريم) شحالج مريوم
مريم:مب وقتج انتي الثانيه ساعدي اختج
شهد كانت ترجع..مريم و مرام ساعدوها لين ارتاحت شوي
مرام:بلاج شهود شو مستوي شو ماكله
مريم:ولا شي تخيلي بس جي فجأه (تذكرت سالفت مايد) مرام ابغي ارمسج شوي
مرام و مريم هدو شهد تغسل عمرها و سارو الصاله
مرام:شفيج شو مستوي
مريم:اخوج ميود
مرام:شفيه ميودددد
مريم:سيفوه يقول دقو له من المستشفى و قالو انه مسوي حادث و احين هو في غيبوبه
مرام:(بخوف و صريخ) انتي تستهبلين شو يالسه تقولين ميود قبل شوي كان عند سيفوه
مريم:مرام هدي قومي نجوف شهود عسب نروح المستشفى اكيد سواف هناك
مرام:قومي قومي و زقري شهود انا بحط علي عباتي و بتجدمكم
مريم:يلا زين
شهد سمعت و يلست تدمع و تاكدت انه ها كله مب حلم و هذا الواقع..توجهت صوب مريم و ريلها مب يالسه تشلها
شهد:(مسكت جتفها) مريوم شو الي سمعته (دموعها تنزل)
مريم:(دزتها) ياخي قومي مب وقتج (راحت تلبس عباتها) بتين ولا ماترومين بعد
شهد:اكيد بيي (مسحت دموعها و عدلت شيلتها)
مرام كانت طالعه و وصلت و سألت النيرس و دخلت الحجره حصلت سيف يالس عالكرسي الي صوب السرير و دموعه تنزل بهدوء
مرام:سيف
سيف(مسك دموعه و رفع راسه) هلا
مرام:(دموعها بدت تنزل) بيقوم صح؟
سيف:ماعرف مرام ماعرف بس واضح انه مابينا بهالسهوله
يحتاج ايام او اسابيع
مرام سحبت كرسي و يلست الصوب الثاني من السرير و مسكت ايد مايد و يلست تقرا عليه بهدوء..دخلو عليهم مريم و شهد و جافو وضعهم
