حمد كان يبغي ياخذ رقمها بس متردد و الشيطان وسوس على راسه لين سوا الي ف راسه و خذ رقمها....شهد رقبتها بدت تعورها و نشت
حمد:شو فيج حبيبي
شهد:ماشي بس رقبتي عورتني (تمسك رقبتها)
حمد:خلاص قومي عيل باقي شوي
شهد:لا خلني ماشبعت عسب ما ارقد فالفندق
حمد:زين....ترا ربيعتج دقت و قال اسمها سلامه
شهد:(مستغربه) و انته ليش رديت؟
حمد:لانه رقم غريب كان و من الإمارات تحريت حد مغلط ولا شي
شهد:اوكي
تمو ساكتين طول الدرب لين وصلو الفندق
حمد:رقدي شوي و الساعه 11 بنطلع لو تبين
شهد:انزين
دشت الحجره بدلت ملابسها و سارت انسدحت و من التعب نست ترد على سلامه و رقدت
حمد كان يالس فالصاله و تذكر سلامه و كتب لها في واتس
-
حمد:سلامه؟
سلامه:هلا منو معاي؟
حمد:أنا حمد
سلامه:هيه حمد..شو بغيت؟
حمد:ماشي اسولف وياج
سلامه:وينها شهد
حمد:شعليج منها احين ارمسج انتي
سلامه:ببلك أنا مابا اخرب بيت اثنين
حمد:مابتعرف لا تحاتين
سلامه:بس هي ربيعتي و مابرضى اسوي فيها جي
حمد:ماعليه مابتعرف بس بتعرف عليج
سلامه:انزين
حمد:شتسوين
سلامه:ماشي يالسه ويا البنات
حمد:اي بنات
سلامه:خواتي و ربيعاتي
حمد:مسوين عزيمه يعني؟
سلامه:هيه
حمد:تصوري ابغي اجوفج
سلامه:حمد تستهبل ولا شو
حمد:شو فيججج اقولج تصوري بس
سلامه:انزين انزين دقيقه
تصورت و طرشت له
حمد:يلبيهههه شو هالزينننن
سلامه:(مستانسه انه حد عطاها ويه) مشكور🤍
حمد:كثري من التصوير الله يخليج
سلامه:هههههه لا شو مصختها انته
حمد:عادي يا حرمه مابتعرف صدقيني
سلامه:المره اليايه عيل
حمد:خلاص تم
سلامه:شتسوي انته
حمد:ماشي والله شهد رقدت احين يالس فالصاله
سلامه:ايوا راقده عسب جي مستغل الفرصه
حمد:شدعوه هههههههه
سلامه:معروفه حركاتكم
حمد:انزين خليني بسير ارقد وياها و عقب برمسج
سلامه:يلا تمام بينا
حمد:يلا بينا
-
سكر فونه و راح انسدح صوبها عالشبريه
نشو عالساعه ثمن في الليل
حمد:قومي عسب نروح نتمشى صوب برج ايفل
شهد:انشاءالله
حمد:فديت الي تسمع الكلام (باسها على خدها)
شهد ابتسمت له و دخلت الحمام (عزكم الله) تغسلت و خلصت و طلعت و دش هو عسب يتغسل ....رن فونه و هو فالحمام (عزكم الله)
شهد ردت
-
شهد:الو
سلامه:.....
شهد:الو منو معاي؟؟
سلامه بندت
-
شهد:شو هالحمير بعد
طنشته و ردته مكانه و راحت تتجهز..حمد طلع و قالتله انه ردت عالفون
حمد:(معصب) انتي حماره تخيلي احين واحد ولد كلب و يلس يرمسج
شهد:شو فيك ترا محد رد وبعدين حتى لو واحد ترا ماكنت باخد و بعطي معاه و بسكر في ويهه
حمد:(معصب و متوتر شوي) لو واحد من ربعي شو بتسويننن
شهد:خلاص اسفه مابعيدها
حمد:روحي لبسي يلا بسرعه
شهد:مابا اطلع (بزعل)
حمد:شو الي ماتبين تطلعين احين منو الي المفروض يزعل
شهد:محد المفروض يزعل و مابطلع بيلس هني تبا تطلع اطلع روحك
حمد:اوكي بطلع روحي
يلست عالشبريه و هي تطالعه يبدل و ياخذ اغراضه و يطلع من الحجره..يلست تهوجس لين لاعت جبدها و ردت رقدت بدون ماتحس
عند سيف
الصبح كان طالع رايح المول يتشرى و يصور حق اخته و ياخذ حق امه و خواته اغراض و جي و عقب رد الفندق و بدل و يلس يفكر كيف يتقرب من شهد
بعد دقايق يته فكره و دقلها
شهد فزت من رقادها و ردت عليه بصوت كله تعب و رقاد
-
شهد:الو
سيف:...
شهد:اففف ترا والله بسكر منووووو
سيف:شو فيج هدي
شهد تمت ساكته ماتعرف إذا ترد ولا تسكر
سيف:معاي انتي؟
شهد:هيه شو تبا
سيف:ماشي بس ملان و قلت بدقلج
شهد:شو بيني و بينك عسب تدقلي؟
سيف:ولد خالتج و يبا يسولف وياج حرام بعد؟
شهد:لا مب حرام سولف خلصني
سيف:شو فيج انتي شو مسوي فيج
شهد:منو
سيف:منو غيره يعني حمد
شهد:ماشي (بضيق)
سيف:خبريني يمكن اساعدج
شهد:خلاص سكر الموضوع مالي نفس ارمس حد ببند
سيف:لا شو تبندين خلج....وينه هو
شهد:مادري طلع
سيف:و انتي وينج
شهد:توني ناشه كنت راقده....فالفندق ماطلعت معاه
سيف:أنا وعيتج؟
شهد:هيه
سيف:اسمحيلي
شهد:لا عادي
سيف:.....
شهد:....
سيف:عادي اييج؟
شهد:لا طبعا شو هالسوال
سيف:يا حماره لا تفهمين غلط بس ابا اعطيج شي خذيت لج الصبح يوم رحت المول
شهد:لا ماقدر عقب لو يا حمد بيسوي سالفه
سيف:انزين عادي ماب(قاطعه صوت حمد و هو دش على شهد الحجره و يصارخ)
شهد على طول بندت
حمد:(بعصبيه) يا الخايسه و أنا هديتج بس دقيقه جي تسوينننن
شهد:(بتوتر) شو سويت
حمد:تعرفين شو مسويه مايحتاي ارمس و اصارخ
شهد:هو الي دقلي
حمد:مايهمني بس ليش تردين و تسولفين وياهههه
شهد:يعني مهما كان تراه ولد خالتي بالنهايه شو يعني لو سولفت وياه
حمد:(عطاها طراق) ولد خالتج هاي في بيت امج مب عندي أنا
شهد يلست دموعها تنزل و هي ساكته لانه اول مره يمد ايده عليها و يكون جي معصب
حمد:أنا بطلع و مابرد إلا باجر الصبح و إذا سمعت انج مسويه شي يويلج والله
شهد:انشاءالله (نزلت راسها و دموعها يالسه تنزل)
حمد:(بعصبيه)يوم اكلمج تجوفيني مب تطالعين تحتتتت
شهد حطت عينها في عينه و بعد ثواني حمد شل فونه و بوكه و طلع
شهد يلست تصيح لين راح صوتها و كتبت حق سيف
