مايد:(حط الفون في جيبه) يلا عيال عمي أنا اترخص
علي:ليش على وين
حامد:يالسين ياريال
خالد:وين وين ايلس بعدنا ماخلصنا لعب
حمد كان يالس و يتطالعهم و ساكت و مبين مب على بعضه
مايد:النسيب
حمد:هلا
مايد:تعال شوي معاي
خالد و علي و حامد كملو لعب
حمد:شو تبا(قام)
مايد:تعال الله يهديك شفيك شو مستوي
حمد:ماشي الحبيب بس انته شو بغيت
مايد:بروح امر على حرمتك تعال أبغيك شوي معانا
حمد هز براسه بمعنى اوكيه و طلعو من الميلس و توجهو صوب الموتر..شهد دقت حق مايد
مايد:(فر فونه على حمد) رد عليها بسير شوي و بيي
-
شهد:ميود وينك
حمد:...
شهد:ميودددد يالخايسسس
حمد:نحن ياين بس دقايق و بنكون عندج
بند و ما عطاها مجال ترد عليه
-
شهد استغربت انه كيف فون مايد عند حمد و ليش مايد مارد عليها و ليش يايب حمد وياه
ام سيف:(مسكت جتفها) حبيبتي
شهد:عيوني خالتي أنا اسفه (حضنتها) والله ماكان قصدي اسوي مشاكل بس انضغطت وايد و طلعت حرتي فيها معنى ادري انها مب قاصده كل ها
ام سيف:اعتذر عنها (وخرتها من حضنها) سامحيني أنا ماعرفت اربيها
شهد:خالوووو حرام عليج لا تسوين فيها جي بالنهايه هي غلطه و ادري مابتعيدها و قلبها طيب اكيد ماتقصد
ام سيف:(تبتسم) اعذريني لو ضايقت فيج
شهد:مابينا هالسوالف خالتي هي احسن عن جي و أنا ادري فيها بس غلطت و بتصلح غلطها و حمد أنا بطلقه يعني بتنحل المشكله ماعليج
ام سيف:امج تعرف؟
شهد:لا محد يعرف بس انتي تعرفين و بنتج و حمد
ام سيف:منو بيردج عيل
شهد:رمست ميود احين ياي فالدرب (تبتسم)
ام سيف:يلا حبيبتي عيل تصبحين على خير و لا تتضايقين ترا مايليق عليج (تبتسم و تقرص خدها)
شهد:حبيبتي انتي نوم العوافي (باستها على راسها)
ام سيف ابتسمت و راحت عنها و هي يلست فالصاله تترياهم
عند مايد و حمد فالموتر
مايد ياب له ماي و رد الموتر عند حمد و مد له الفون و تمو ساكتين طول الدرب لين وصلو و مايد دق حق شهد عسب تطلع...طلعت شهد و ركبت ورا و محد فيهم رمس و وصلو قريب البيت
مايد:لين متى انتو الاثنين بتمون جي
شهد:أنا مابرمس بس ما اضن بنكمل مع بعض من بعد الي صار
حمد:أنا بعد ما اضن
مايد:شفيكم شو مستوي
شهد:مابغي ارمس فالموضوع بس باجر بتوديني المحكمه و يطلقني و نخلص من هالقصه التافهه
حمد كان منزل راسه و كان متندم على سوالفه و على كل شي سواه
مايد:حمد مابترمس؟
حمد:مالي ويه ارمس و اختك بتغي تتطلق خلاص مابجبرها على شي
شهد:هيه اكيد يبغي الفكه عسب الساحه تفضى حق شغله (تبتسم)
مايد:مابترمسون يعني؟
حمد و شهد:لا
وصلو البيت و نزلت شهد تمو مايد و حمد فالموتر
مايد:ارمس شو مسوي في اختي عسب توصل للطلاق
حمد:شي يخصنا و هي بنفسها قالت تبا تتطلق و أنا مابقوللها لا لانه أنا غلطان و عارف غلطتي
مايد:برأيكم بس اذا الطلاق بيريحها طلقها لانه واضح انه شي كبير ولا اختي مابتسوي جي ف عمرها
حمد:ردني البيت يلا
مايد:انشاءالله عمي
حمد:هههههه غصبا عنك حبيبي
مايد طنشه و وصل حمد بيتهم و رد البيت و جاف انه البيت هدوء و واضح الكل راقد و كان يفكر يدش حجرتها عسب يتطمن عليها بس طلعت راقده و راح ينسدح و رقد...فتحت عينها شهد و هي بالمحكمة و توقع على ورقة طلاقها و سيف و مايد كانو شاهدين على طلاقهم حمد رد بسيارته و سيف راح ويا شهد و مايد كانو رادين بيت خالتهم (ام سيف)
