حمد:شهد أنا حاولت معاها عسب ابتعد عنها بس هي تهددني و تقول انها بتدخلني في مشاكل مالها نهايه (بضيق)
شهد:خلاص ماعليه انا فهمت غلط و أنا اسفه بس هاي خلها علي أنا بتصرف معاها
حمد:لو كلمت اهلها بيصدقون على طول لانها بتسوي دراما
شهد:ادري حبيبي بس ماعليك منها لا ترد على اتصالاتها و احذف كل شي يخصها و احذف المحادثات و رقمها و الباقي علي لا تحاتي
حمد:(حضنها) أنا مادري شو بسوي بدونج
شهد:يلا قوم ابا ارد الشقه ياني رقاد ههههههه
حمد:يعني احين ما ارد عليها و ابلك؟
شهد:هيه يلا بلك و امسح كل شي يخصها عندك بس خل المحادثات الي هي كانت تهددك فيها عسب نمسك شي ضدها
حمد سووا الي قالته شهد و ردو الشقه
شهد:يلا قوم بدل عقب تعال اباك في موضوع
حمد بدل و خلص و انسدح صوبها
حمد:يلا خبريني شو الموضوع
شهد:تراني ماحب سيف
حمد تنهد بضيق لانه ظلمها
شهد:والله ما احبه و هو الي دوم يحاول يتقرب مني و يسوي اي شي بس عسب نكون مع بعض... ترا سيف كان مجرد حب طفوله و خلاص راح الحب احين و لأنهم كانو يقولون سيف حق شهد و شهد حق سيف هو خلاص حاط ف باله انه هذا الي بيصير و دوم يحاول يخرب بيني و بينك عسب نودر بعض و تفضى له الساحه
حمد:فاهم عليج بس تراني خسي اهدج من بعد وقفتج لي اليوم عرفت انج غاليه و ماتتعوضين (باسها على خدها)
شهد:لا تفكر في يوم اني بخونك مع انسان مثل سيف بس يفكر في نفسه و طماع و مايفكر في غيره
حمد:يعني لو مع واحد غير اطباع سيف عادي بتخونيني؟
شهد:اكيددد مابطوف الفرصه
حمد:(ضربها على راسها) والله تخسين لو تفكرين بس
شهد:ههههههه امزح معاك يلا تعال خلنا نرقد
رقدو و على الساعه عشر الصبح نشت شهد و حصلته محد قامت و دخلت الحمام (عزكم الله) و رتبت عمرها شوي و طلعت الصاله حصلته يالس و ياكل بدونها الحبيب
شهد:ماشاءالله مسوي ريوق حق عمرك بس؟ ماتعرف تعزم؟
حمد:صباح الخير ههههههه كنت يوعان شسوي نسيتج
شهد:صباح النور قوم قوم سوو لي مكان باكل وياك
يلسو ياكلون لين شبعو
حمد:ترا بعد ساعتين بنروح عند اميه
شهد:شرايك عيل نطلع قبل مانروح عندهم؟
حمد:لا مافيني
شهد:الله يخليك بس ساعه و بنروح عندهم
حمد:قلت لا
شهد سوت عمرها زعلت و قامت تغسلت و راحت تتجهز من احين لانه ماتبا تيلس معاه بعد ساعتين..خلصت و طلعت عنده الصاله
شهد:انا خلصت مابا اتريا بعد ساعتين قوم خلنا نطلع احين(بدون نفس)
حمد:زين(قام)
راح صوبها و ضربها على راسها
شهد:انته قد هالحركه؟ (بعصبيه)
حمد:هيه قدها شو بتسوين يعني روحج هالكبر(يأشر على صبعه الصغير) هههههههههه
شهد زعلت منه بس مابينت له و راحت يلست فالصاله لين يخلص و عقب دقايق طلع حمد من الحجره
حمد:يلا قومي (عطاها سويج السياره) اجدميني انتي بييج احين بس نسيت شي
شهد ماقالت شي و طلعت على طول من الشقه و راحت صوب الباركنات و شغلت السياره
شهد:(في نفسها) احس وراه شي
عند حمد
حس انها زعلانه منه و يلس يفكر كيف يراضيها و عقب تذكر انه خذ رقم واحد يبيع ورود و دق له و طلب منه باقه حلوه ورديه و عقب طلع من الشقه و نزل تحت راح عند الباركنات
شهد ماكلنها الفضول هو شو كان يسوي طول هالوقت و ليش خلاها تتجدم و اشتغلت الغيره عندها و يلست توسوس لين جافته ياي صوب السياره و قطع افكارها صوته
حمد:طولت عليج؟
شهد:(تتصنع الابتسامه) لا ماطولت
حمد:تراني ماحب هاي الابتسامه
شهد:طز لا تحبها حرك يلا بنتأخر
حمد ضحك عليها و مسك ايدها عسب تستحي و تسكت
و بالفعل شهد استحت و سكتت و طول الدرب تطالع الشارع و ساكته لين تعبت و حطت راسها بتريح شوي
حمد حط راسها على جتفه و خلاها تكمل رقادها.....نشت على صوته و هو يوعيها
حمد:ذكريني هاي آخر مره اخليج ترقدين على جتفي..دوم أطولين لين تنشين(يبتسم بخبث) لهدرجه عايبنج جتفي...عيل كيف حضني
شهد:هههههههههههه حبيبي انزل تراك وايد واثق من عمرك
حمد:هيه شعبالج أنا الكل يتمنى حظني
شهد:توكل يبوي(نزلت عنه من السياره)
حمد نزل وراها و تجدمها و دق الباب
اخوه محمد فتح الباب و دخلهم و يلس يسلم على اخوه و على شهد الي تستوي بنت عمه
