حمد:(مسك ايدها و قومها) يالس ارمسج ردي علي
شهد:شو تبا
حمد:ليش ماخبرتيني
شهد:لانه انته مب فاضي كنت تسولف ويا "بو حامد" (خوزت ايده)
حمد:مابترجعين مب كيفج شو بنقول حق اهلنا
شهد:بنقول الصدق بعد شو
حمد:بتقولين انج كنتي ويا سيف؟
شهد:هيه بقول ترا ولد خالتي مب غريب شو يعني
حمد:(بخوف) بتقولين اني رمست ربيعتج عسب جي تبين تتطلقين؟
شهد:هيه بقول و إذا فيك خير اجذب على حد والله لا اجلب الدنيا عليك و بخلي سيف يرمس بعد ف خلنا نقول الصدق احسن
حمد:زين براحتج أنا برقد فالصاله
شهد:لا ارقد هني أنا ابا ارقد فالصاله
حمد:مب كيفج
شهد:من اليوم و رايح مالك خص فيني (راحت الصاله)
حمد:يالله وبعدين وياج تراج بعدج حرمتي(بصراخ)
شهد:(دشت الحجره) كيفي مب حرمتك من اليوم و رايح خلك معاي عساس ولد عمي لا اقل ولا اكثر
حمد:انزين خلينا نرقد مع بعض اليوم بس
شهد:لا اليوم ولا باجر كلها كم ساعه و بنطلع من هني و من بعدها مابا ارمسك
حمد:زين يلا روحي رقدي
شهد:بروح مابترياك (طلعت راحت الصاله)
رقدو و نشت الصبح على اتصال من سيف
-
شهد:هلا سيف
سيف:اهلين بنت خالتي
شهد:(جافت الساعه) ااايييههه ليش ماقلت انها تسع ونصصصص
سيف:زين انج نشيتي اصلا من متى ادقلج قومي بسرعه يلا ماشي وقت أنا بتجدم المطار
شهد:زين ويت بقوم ها التيس
حمد:التيس واعي يالتيسه
شهد:بسم الله...انزين يلا سيف نتلاقى
-
حمد:شو الي سيف ليكون ها بيي معانا بعد
شهد:هيه (قامت و ماعطته مجال يرمس و دخلت الحمام عزكم الله)
حمد:هيه هيه اشردي شرات دوم
شهد:جبببب (بصراخ)
حمد:خيبه..أنا بطلع الـشنط و بترياج تحت
شهد:محد قالك اترياني روح
حمد:زين (طلع)
شهد خلصت رتبت عمرها و بدلت و نزلت الرسبشن تدوره لانه تدري انه مابيروح بدونها..حصلته و راحت صوبه بدون نفس
شهد:وين السياره يلا بسرعه
حمد مارد عليها و تجدمها و ركبو السياره ... وصلو المطار و تلاقو في سيف
سيف:(يبتسم) شحالج بنت خالتي (يطالع حمد) شحالك حمد
حمد جاف سيف بس مارد عليه
شهد:نحن بخير يلا وين البوابه ترا تأخرنا
سيف تجدم و مشو وراه لين وصلو صوب البوابه و خلصو الإجراءات و دخلو الطياره..الترتيب فالطياره كان سيف وراهم و شهد و حمد مع بعض
سيف:قوميني يوم بتنزلون
حمد:لا بنخليك هني هههههه
شهد:سخيف تراك (تطالع سيف) انشاءالله
حمد:اوكي اوكي خلج جي
شهد:كيفي بتم جي ارقد شعليك مني
حمد:برقد و لا تقوميني خليني هني ههههههههههه (بطنازه)
شهد ماقدرت تمسك عمرها و ضحكت
سيف:ماعليه ماعليه خلينا نوصل بس
شهد:والله يضحك عيل هههههههههههه
سيف:(يبتسم) اضحكي اضحكي
حمد:بس انتو الاثنين (يطالع شهد) و انتي حضرتج تراج بعدج على ذمتي يعني خلي ها ولد خالتج الهرم مايتمادى اكثر
سيف:ولد خالتها يسمعك ترا
شهد:بس بس صدعتوني قسم بالله ابا ارقد امس مارقدت
حمد:منو بيقومنا عيل
شهد:خلك هني محد يباك
رقدو ثلاثتهم و ماحسو بالطياره يوم طارو بس ييت المظيفه توعيهم قبل مايهبطون عسب يتجهزون انه بينزلون
شهد:ايه انته قوم
حمد:ها قمت قمت (رد يغمض)
شهد:طع سير ول خلك هني ع قولتك (تطالع سيف) انته الثاني بعد قوم
سيف:انزين قمت
شهد:حمدوه ويهد قوم
حمد:قمتتت قمتتت
هبطت الطياره و بدو الركاب ينزلون من الطياره و نزلو هم بعد و راحو صوب الشنط عسب يستلمون شنطهم
شهد:افففف كلكم حصلتو شنطكم شنطتييي ويننن
حمد:بلاج انتي صبري انزين يمكن نحصلها
شهد:مابا سير رمس ها العامود الي واقف هناك (تقصد السيكيورتي)
سيف:بسير ارمسه أنا (راح يرمسه)
بعد شوي رد سيف
سيف:قال في شنط بعدها ماوصلت اصلا لازم نتريا
شهد:لا إله إلا الله مالي خلق اتريا
حمد:بلاج الا شنطه ترا
شهد:قسم بالله بعد كلمه بييك طراق جدام خلق الله
حمد:تخسين والله
شهد قرصته و سكت حمد وسيف كان يجوف الموقف و قابض ضحكته
