فالسياره
حمد:اهلج يعرفون عن سيف؟
شهد:تستهبل اكيد هيه ولد خالتي ترا
حمد:بس انتي تبين منو بالضبط أنا ولا هو
شهد:طبعا انته شو هالسؤال (بتوتر)
حمد:اجوف حطي عينج بعيني ههه
شهد:شفيك صدق ترا يعني لو ماباك ليش باخذك
حمد:بعد صح يلا احين نزلي و موضوعنا هذا ماخلص
شهد:(في نفسها) ياربي ها شو يفكني منه احين
حمد و شهد نزلو و استقبلوهم اهلها
امها:هلا والله بالنسيب انشاءالله ماتعبتك عاد ههههه
حمد:اوففف خالو مطلعه عيني هالبنت ههههههه
شهد تمت تطالعه و تضحك و تقول في نفسها ها يستهبل ولا شو تونا بنقول بسم الله
ابوها:هلا حبيبتي شحالج (راح يحضنها و يسلم عليها)
شهد:بخير ابويه و انته شحالك شو البيت بدوني ههههه
ابوها:والله مب حلو مافيه حشره ههههه
مايد:اوف زين سويت يوم ييت خذت اختي (يطالع حمد)
حمد:افا ليش هههه
شهد:لهدرجه كنت ثقيله على قلبك ميود ههههههه
مايد:هيه بس تضارب ماتعرف تسولف نفس الناس
يلسو يضحكون و يسولفون و عقب دخلو عليهم مرام و غاليه
غاليه:هلا والله بالمعاريس شحالكم(راحت تسلم على شهد)
شهد:وين بنتج عيل اشتقتلها ماجفتها فالعرس
غاليه:فالبيت نحن كنا طالعين مارميت صوبهم
مرام:شحالكم يالكبلز هههه
حمد:الحمدلله يسرج الحال
شهد:بخير حبيبتي و انتي شحالج
مرام:دام جفتكم أنا بخير
شهد:اوف مرام كل ها الكلام يطلع منج؟ ولا عسب حمد هني هههههه
ضحكو كلهم عليها
امها:يلا حبايبي قومو الغدا جاهز
غاليه:اميه بروح أنا بيت عمتي بغيتي شي؟
امها:لا قلبي روحي الله معاج بس ماتبين تتغدين هني؟
غاليه:حرام بتأخر عليه بعد قلتله يترياني
امها:هيه روحي حبيبتي
سلمت على امها و طلعت
حمد:(بصوت خفيف)جفتي ودرت يوعها و لحقت عليه عسب مايزعل منها
شهد:(بصوت خفيف)هيه يعني تباني اسوي جي جدام اهلي يوم تكون محد ههههه
حمد:(بصوت خفيف)ابا اكثر بعد قومي يلا يوعان
مسكت ايده و قامت معاه و يلسو على الطاوله و هو الابتسامه ما كانت تفارقه طول ماكان يالس
ابوها:حمد ازيدك؟
حمد:لا عمي مشكور مب يوعان بسني
شهد:يالله يالعيار قبل شوي منو يقول قومي بناكل يوعان
حمد:قومي انزين ابا من ايدج
مايد:ماعرفتكم عصافير الحب ههههههه
مرام:تجوفففف ميود والله تطورو هههههه
امها:انتو شعليكم كلو كلو يلا
شهد و حمد من اليوع مب معاهم أصلا بس يالسين يطالعون و يضحكون
شهد:الحمدلله شبعت (قامت) حمد خلصت؟
حمد:هيه خلاص
شلت صحنه معاها و ودته المطبخ و ييت امها
امها:ماصار بينكم شي؟
شهد:اميه كيف يعني تراني توني بقول بسم الله مابا احين و هو يعرف رمسنا في هالموضوع و قالي على راحتج
امها:مافي شي اسمه على راحتج حبيبتي ابغي حفيد
شهد:ماما قولي حق غلوي أنا ما افكر احين ههههههه(طلعت من المطبخ)
راحت تغسلت و صعدت فوق حجرتها
حمد كان يالس مع ابوها و مايد و يسولفون عن المباراه و السياير و سوالف عاديه يعني
مرام:ايه انتي شو تسوين طلعي يلا هاي حجرتي
شهد:خيبه على طول خلتها حجرتها روحها
مرام:هيه خلاص انتي روحي عند ريلج هاي حجرتي
شهد:شكلج ماصدقتي طلعت من البيت عسب تأخذين راحتج
مرام:هيه والله فكه
شهد قامت بتطلع من الحجره
مرام:تعالي تعالي بسألج
شهد:بسم الله شو
مرام:مافي شي مني مناك
شهد:(ضربتها على جتفها) انتي ايه مايخصج سوالف كبار
مرام:يالحماره اكبر عنج أنا بس لانج عرستي قبلي صرتي اكبر هههههه الله يالدنيا طلعي طلعي يترياج
شهد نزلت و يلست صوبه
حمد:اميه دقتلي قالت دام طالعين انتو مرو صوبنا
شهد:هيه عادي بنمر صوبهم بس خلها بعد صلاة المغرب
حمد:خلاص تمام بكلمها
يلس شوي يطالع فونه ياه اتصال و
شهد قامت تقهويه و يوم ييت بتعطيه الفنيان قام و طلع برع
ابوها:بلاه هذا جي راح
شهد:ابويه ماعليه يمكن صار شي بروح اجوفه
عطت الفنيان حق ابوها و طلعت تدوره و سمعته يرمس فالفون
-
حمد:حبيبي انتي كم مره بقولج لا ترمسيني لين ارمسج انا و بعدين شو هالمصيبه الي مسوتنها ليش ماخبرتيني..........انا كلامي مابعيده..........تعرفين اني ماقدر احين.........لا ماقدر تستهبلين انتي.......زين باي باي
-
شهد وقفت مكانها ماتعرف تكمل و تروح و تكلمه جنه ماسمعت شي ولا تجلب الدنيا فوق تحت ولا شو تسوي
صد و جافها واقفه و هي سوت عمرها انه توها يايه
شهد:شفيك جي طلعت
حمد:(بتوتر) ماشي بس كانت عندي مكالمه مهمه من الدوام
شهد:يلا تعال داخل انزين حر شتسوي برع
حمد:يلا ياي دخلي انتي
دخلت شهد و دخل وراها
حمد:السموحه عمي طلعت جي بدون ما اقول شي
ابوها:لا عادي مسموح حبيبي تعال ايلس
يلس حمد و هي تضايقت منه بس ماكانت تبين حقهم و يلست صوبه عساس ما صار شي و حمد جافها سرحانه و دقها على جتفها
شهد:(بصوت خفيف)ها شو تبا
حمد:(بصوت خفيف)وين وصلتي انتي
شهد قامت بدون ماتقوله شي
حمد:(في نفسه) هاي بلاها ليكون سمعت يوم كنت ارمسها
شهد راحت انسدحت في غرفتها و قالت حق مرام توعيها على صلاة المغرب عسب يروحون عند اهله
