وصلو بيت خالت شهد الي تستوي ام سيف و على طول نزلت شهد بدون ماتقول شي حق مريم و حتى باب الموتر ماسكرته و و اول مادشت ماجافت حد يالس فالصاله و دخلت حجرت مريم و لحقتها مريم
مريم:شتسوين بلاج جي جلبتي أحين أنا شو يخصني
شهد:انتي تستهبلين صح (بعصبيه)
مريم:شفيج ليش استهبل
شهد صفعتها طراق
ثانيه..ثانيتين...ثلاث...اربع...شهد انهارت و يلست عالشبريه و مريم بعدها واقفه مب عارفه هي شو مسويه ولا ليش هي جي منفعله عليها
شهد:(بصراخ) انتي تتحرينييي ماعرففف انه انتييي اليي كانن يرمسسسججج (تبتسم باستهزاء) لا و كنت انصحه و أساعده يتخطاج (حطت ايدها على ويها و يلست تصيح)
مريم بعدها مصدومه انه كيف و ليش و متى و شسالفه..تمت ساكته لين ام سيف دخلت عليهم
ام سيف:شو مستوي مريوم (جافت شهد) شو فيج خالو شو مستوي
شهد:(حضنتها) خالو قلبييي يعورنييي (تصيح)
مريم:انا اسفه (نزلت راسها و بدت دموعها تنزل) ماكنت المفروض اسوي جي و حقج علي سوي الي تبينه انا مالي ويه ارمس وياج بعد
ام سيف مب فاهمه عليهم و خلتهم يعقون رمسه ع بعض عسب يهدون بس جافت الوضع زاد عن حده و بدو يصارخون و قطع ها كله صوت حمد و هو يدش الحجره
حمد:(يطالع شهد و مريم الي فجأة سكتو) شو مستوي (بعصبيه)
ام سيف:ماعرف (قامت) امسك حرمتك قامت تعق رمسه على بنتي
شهد:(بصدمه) خالو اثاريج ماتعرفين شي (تطالع حمد و مريم) بنتج ال(قاطعها حمد)
حمد:بس شهد (بحده) طلعي برع الحجره و تريني تحت
شهد:مب طالعه من هني إلا يوم يرمس و بقول الصدق لين متى بتخشون عنهم يعني لين أتطلق منك و عقب تأخذك هي و تسون الي فراسكم(بعصبيه)
ام سيف:(بصدمه تطالع بنتها) شو الي يالسه اسمعه مريم
مريم:(نزلت راسها) اسفه
ام سيف:انتي كنتي تخونين ثقتها فيج؟
مريم:اميه والله السالفه مب جي بس(قاطعتها امها بطراق)
ام سيف:هذا شوي بحقج والله لو انها مب بنت اختي جان عقيتج عليه حتى لو مايباج
حمد:خالو ذكري ربج
ام سيف:تخلخلت عضامك أنشاءالله أنا مب خالتك ولا أتشرف فيك يا خسارة تربيتي فيج (تطالع بنتها و طلعت برع الحجره)
تمو حمد و شهد و مريم فالحجره و ساكتين و هم يطالعون شهد منهاره على الي يالس يستوي فيها
شهد:(طالعت مريم بنظرة كسر و عيونها كلها دموع)ماتوقعتها منج (تطالع حمد) مالقيت إلا بنت خالتي الي المفروض اعتبرها اختي قبل ماتكون ربيعت عمري(قامت) انا بطلع من هني و من اطلع مابا اجوفك إلا فالمحكمه توقع على طلاقك مني و انا بسكت عن الي صار لاني مابا اسبب مشاكل (تطالع مريم) و انتي سيري راضي امج (طلعت)
يلست فالصاله و هي تسمعهم يتناقشون كيف بيحلون الي صار و في بيت خالتها شي ميلس محد يدخله و راحت الميلس عسب تريح لانه ماعندها حد يردها في هالوقت و هي قالت حق اهلها انها بتبات عند مريم بس بعد الي صار مالها قعده عندهم و انسدحت عالغنفه و حطت راسها و رقدت في سابع نومه من التعب من بعد هاليوم الطويل...نشت على حشره و صوت شباب فزت من مكانها و ربعت الحمام (عزكم الله) لانه عرفت انهم ربع سيف و على حظها فونها كان معاها و دقت حق سيف عسب تخبره انها موجوده و تبا تطلع و سمعت صوته تاكدت انهم ربعه الي موجودين و سيف نش طلع برع الميلس عسب يرد عليها
-
سيف:الو
شهد:(بصوت خفيف) سيف تراني فالميلس بس ربعت الحمام عزك الله لاني سمعت أصواتكم سولي درب ابغي اطلع
سيف:هههههههههههههههه خذلك الهبله يلا زين ثواني بطلعهم و انتي طلعي من الباب الثاني
شهد:يلا انزين
-
تمت تسمع اصواتهم تعلى و تزيد لين سمعت صوت سيف و هو يرمسهم
سيف:شباب شوي تعالو براويكم شي فالموتر
خليفه:والله انك فاضي ياريال
محمد:صدقه والله شو تبا تراوينا احين
عبدالله:قومو قومو يمكن شي سامان (يغمز حق سيف)
سيف:يالهرمممم والله براويك بس اطلع انته احين
طلعو و هم يضحكون و يستهبلون على سيف و سيف تم عسب يطمنها و تطلع
سيف:شهود
شهد:(فتحت الباب و طلعت حصلته واقف و يبتسم) ها شهود
سيف:شتسوين هني هههههههه مب عساس بتباتين عند مريوم
شهد:صارت سالفه بينا و تضاربنا و.... خلاص قوم عن طريجي بطلع مب وقته احين حد بيدش
سيف:انتبهي على روحج (يبتسم)
شهد:انشاءلله و انته بعد (ترد له الابتسامه)
طلعت من الميلس و هو قال حق ربعه انه كان يستهبل و جي و سفلو فيه لين قال بس لانه خرب عليهم اللعب
عند شهد
دقت حق اخوها مايد عسب يمر عليها
-
شهد:ميود وينك
مايد:هني فالميلس عند عيال عمج بغيتي شي؟
شهد:تعال شوي بيت خالو و ردني البيت
مايد:تعالي صح جفنا ريلج و داش علينا الميلس لا سلام ولا كلام و كان متضايق شو مستوي
شهد:بخبرك بعدين حبيبي بس تعال لانه صارت سالفه
مايد:عسى ماشر
شهد:كل خير انشاءالله يلا اترياك لا تطول الله يخليك
مايد:انشاءلله يلا ياي
-
