ALPHA :MY HUSBAND

20

Unicode

ညနေပိုင်းအချိန်

'ပူစီ'

System [ ပြော ]

'ကိုကို အခုချိန်ဘာလုပ်နေလောက်လဲ'

System [ အခြားအကြောင်းပဲပြော ]

'သိလိုက်ပါပြီ ၊ မင်းကတောင် ငါ့ကိုမလိုချင်တော့ဘူးပဲ'

System [ ....... ]

'အခြားအကြောင်းမေးမယ် ၊ လီလီနိုင်း တကယ်အဆင်ပြေရဲ့လား'

System [ ငါ မင်းကို အစကတော့မပြောပြပဲ ထားမလို့ပဲ ၊ အခုမင်းသိသင့်တယ်ထင်လို့ ပြောလိုက်တော့မယ်၊ သူမညာဘက်ခြေထောက်က ပေါင်လယ် ကနေ ဖျက်ပစ်လိုက်ရတယ် ]

'......'

System [ အရမ်းမစိုးရိမ်နဲ့ ၊ သူမကြည့်ရတာ ပျော်နေသလိုပဲ ၊ ဘာလို့ဆို မင်းသူငယ်ချင်း ယံယံက သူမအနားမှာရှိနေလို့လေ ]

'ငါ့ကြောင့်...'

System [ အရင်ဘဝက မင်းအဲ့နေ့မှာ သေခဲ့တာ ဒါကြောင့် အနည်းအများတော့ ဒီလောက်ဖြစ်မှာပဲ ]

'လီလီနိုင်း ကို တောင်းပန်ချင်လိုက်တာ'

System [ ဟန်ငြိမ်းကို က တွေ့ပေးလာရင် တွေ့ရမှာပါ ]

'ပြောရင်း ဆိုရင်းတောင် ကိုကို့ ကို လွမ်းလာပြန်ပြီ ၊ အဟင့်'

System [ ..... ]

ကြောင်လေးမှာ ဘာမှဆက်မပြောချင်တော့။ သူသာ လူတစ်ယောက်ပုံစံဖြစ်နေလျှင် သက်ပုံခြယ်ကို ပြေးရိုက်မိမှာ မလွဲ။

အရင်ဘဝကလည်း ဒီလူကို အရူးအမူးဖြစ် လို့ သေရပြန်တယ်။ အခုလည်း ဟိုက ကွာရှင်းတာတောင် သူက မပြတ်သားနိုင်ခဲ့။

သက်ပုံ အရင်အချိန်တွေကို ပြန်တွေးမိကာ မျက်ရည်ကျလာပြန်သည်။

မကွာရှင်းခင်ရက်ပိုင်းက သူတကယ် သက်ပုံအပေါ် ကောင်းခဲ့တယ်။

ခံစားချက်တွေကို ဖွင့်ထုတ်ဖို့အတွက် အချိန်အတော်ကြာ မသုံးခဲ့သည့် ig acc ထဲ ဝင်ပြီး ခရုလက်ပတ်လေးတစ်ခုကို မီးရောင်အောက်ချ၍ ပုံရိုက်ကာ

*လွမ်းတယ်*

ခံစားချက်များ စွာရှိနေသော်လည်း Caption အတွက် ထိုနှစ်လုံးသာ ခေါင်းထဲရှိနေပြီး post တင်လိုက်ပြီနောက် message box ထဲ ဝင်ကြည့်တော့ လူတော်တော်များများ စာပို့ထားသော်လည်း သက်ပုံ မျက်လုံးထဲ The_pillow ဆိုသည့် acc သာ ဆွဲဆောင်နေလေသည်။