زاواج الاجبار "بالهجة الجزائرية "🇩🇿

اين انا ؟

لابسة لبيض و قاعدة فوق الكرسي نسنى فيهم يجو

يخرجوني... النساوين يزغرتو و لبنات فرحانين لي تصور في روحها تصور و لي تجيني تبغي تصور معايا تجي و لي تلبس و تعاود تلبس و هي رايحا راكم تعرفو حالة الاعراس أنا كنت لا علاقة بيهم شغل قاعدة جسد بلا روح غير نشوف فيهم و ساكتة و كي يجو الناس ندير روحي نبتسم مي مش من قلبي اصلا معنديش النفس باش حت نشوف فيهم و هوما كل وحدة باغية تعنق و تبوس و تتصور ... سمعت صوت الطموبيلات دايرة حالة و البارود ... لغنى ... الزغاريت دنيا راح تتقلب .. دخل عليا بابا باش يخرجني للصالة و
يدوني بسكو جا العريس و جا معاه الهم. كنا وحدنا في الشمبرة شفت فيه و غير قربلي نبكي قلتله بصوت يرجف علاش | بابا ديرلي علاش ؟؟؟" سكت مقالي والو حسيت بيه راح يبكي حت هو ... قربلي و شدني من يدي بعدتها عليا وقلتله راك" ضلمتي و عمري مننساها..... نتا بابا و نعزك و نموت عليك بصح ضلمتني انااا بنتك شهد ندير ديك الحاجة ؟؟ نتا علمتني ندير داك الشي ؟؟؟! قتلتني
ا بابا قتلتني .. بعث بنتك أ بابا بعتني على جال الدراهم
بعتني " كنت نبكي و نشهق
ركبنا في الطوموبيل و انا دموعي محبسوش تفكرت كلش وش صرالي في هذي الدار لي هي دار بابا عشت فيها 20 سنة كامل و خرجت منها مش... فرحانة وصلنا لللاصال دخلنا وتصدرنا وهو كل ما يجي يجي مع يماه وختو وحدة شاداتو من يدو و لوخرا من يد تقول ميعرفش يمشي وحدو انا تاني فرحانين بيا لي هذي حابة تتصدر معايا و انا مش حاملة ... حت روحي

ايا كملنا التصديرة قصينا البياسمونتي ولبسنا لخواتم

لبعضانا و راكم تعرفو هذاك الخرطي حنا درنا كلش في لاصال بسكو عرس .. نتاع زربة وفجأة ركبنا في طوموبيل باش نروحو للدار ( هو بدارو وحدو ) مفهمتش علاش مش هو لي يصوق بالطوموبيل و عندو واحد يسوق بيه لهذي الدرجة غني ؟؟ میهمنیش حت و كن يعود ولد الرئيس بسكو لي في قلبي
مستحيل ننساه ايا وصلنا للدار دخلنا بقيت انا واقفة حذا الدخلة و هو مشا
للداخل مقيمنيش مامبا... قعدت نشوف
في كولوار مدة منبعد سمعتو يهدر .. تقدري تدخلي حت كي يهدر يهدر ببرود ياك هو لي تزوجني مش انا لي تزوجو دخلت لقيتو بدل قشو بعد مشافش فيا و قالي شوفي الشمبرة لي تعجبك و اقعدي فيها مبغيتش حت
نشوف شمبرة ".