زاواج الاجبار "بالهجة الجزائرية "🇩🇿

طيحة

و انا حسيت حياتي راحت خسارة مقريت وااالو حت الملادي مدرتهاش لمهم شفت وش كاين في لافاك و روحت للطبيبة درت ملادي نتاع 3 اشهر بسيف باش دارتهالي و انا نحلل ديتها لهم و حكيت مع الأساتذة و بما إني معروفة في لافاك لحق قالولي نحسبولك نقطة الامتحان في الانتيروات مع جيت نخلص أموري كان ولات 4 نتاع لعشية روحت لللاري

نتاع لي بيس و ركبت وصلت للدار جوايه 5:30 طبطبت الباب فتحتلي خالتي نادية الباب سلمت عليها و روحت طول الشمبرتي كنت ميتة

بالتعب رقدت طوول فطنت في الليل في حاالة من كرشي جاتني العادة و انا نعرفها كي تجيني تقتلني كنت نتهز و نتحط من السخانة و الوجع نضت نتقيا مع إنو مكليت واالو

روحت للكوزينة باش ندير كاش تيزانة ولا نشرب كاش عفسة مقدرتش اصلا نوقف انا دايما هكا بصح هذي المرة كانت كثر ... ملقيت واالو مفهمتش وين راهم لحوايج اصلا مقدرتش حت نحوس عليهم

طحت من الوجع في الارض و تلميت في روحي و نضت نبكي كالطفل الصغير و نعيط يا ربي ساعفني.. اااه يا يما رواحي ديرلي حاجة ... ديرولي حاجة يا ناس ني نموت .." و انا نبكي و نشهق حتان حسيت بيه يمسحلي على راسي و يقولي وش بيك ؟؟" مش قااادرة كرشي راح تتقطع جيبلي ماما .... و نبكي سمعتو يهدر في التليفون "ارواح دوكا في سع ... منبعد هزني كالطفل داني الشمبرتو حطني فوق السرير و انا نبعد فيه متمسنيش بعد عليا .... و هو يغطي فيا شغل مش يسمع فيا وش راني نقول حتان صونا تليفونو و انا نتقيا في الارض و هو يمسحلي على ظهري "هيا اوقفي نديك للإرجونس " .." اجبد يديك عليا ني قلتلك متمسنيش

و نطيح نبكي شغل معرف وش دارلي .. ناض من حذا ايا و هو مش قادر يمشي جابلي خماري و كاس ما كي جا يمدلي لما قدملي بشوية و بدا يتحسس فيا من رجليا حتان راسي باش يعطيني هذاك الكاس شديتو من عندو و نا نشرب و نبكي زاد كمل عليا رغم الإعاقة غير هو يساعف فيا حطلي الخمار في حجري و وقفني و هو حاكمني من كتافي باش نمشي و انا بسيف باش نحط الخطوة لمهم ركبت في الطوموبيل و هو هو ركب حذايا كان خالد لي جا يدنا للإرجونس وصلنا دارولي سيروم و ضربولي إبرة كالمون جا

الطبيب دارلي راديو على الرحم نتاعي مدام عندك نزيف حاد و 3 كيست في رحامك و هذا الشي يعيق عليك الحمل نعيطك تراتمون نتاع شهر و كي تكمليه روحي لطبيبة ** تبعيها إذا مراحوش لازمك أوبيراسيون " انا اصلا كنت في حالة وزاد كمل عليا بهدرتو معادتش عندي طاقة باش نبكي ولا نعيط ولا حت نهدر غمضت عنيا و

رقدت

..