زاواج الاجبار "بالهجة الجزائرية "🇩🇿

رافد

سمحلي | رافد سمحلي باغية محمد حابة نشوفو علاش تكذبو بيا راه قالي لمرة جاية نجيك لدارك و نشوف راجلك ... انا مدرت والو علاش يصرالي هكااا علاش " و نتفلق بالبكي قربيلي و باسني من جبهتي و قالي "ربي يرحمو ..." مكملش حت جملتو و شعلت فيه "ماماتش علاش تقول عليه هكا محمد حي... و بعدتو عليا حتان طاح في الارض و نا نعيط دخلو الفرمليات و ماما ... بابا... حت والديه و نور اختو راحو ليه يجرو هزوه و انا وقفت بسيرومي و مش حت قادرة نوقف بعدو عليااا كامل واحد

مايدور بيا شدني بابا يا بنتي اهداي..." "نتا بعد اخطاااني .... " بعد عليا بابا و انا طحت في الارض و

بقيت غير نشوف فيهم لي يقربلي نشعل فيه كنت نشوف في الفراغ و دموعي يطيحو و حكمتني السكتة حسيت روحي تحطمت وليت كالطفلة الصغيرة شفت في بابا و انا

نترجى فيه

"بابا ... إديني لدار عمي ربي يخليك باغية نلعب مع محمد.. قعد بابا في الارض قدامي و حكمني من كتافي و قالي

هيااا نوضي نديك ....

و وقفت بالسيف حكمني وحد الهدوء مش طبيعي مكنت نشوف في حت حاجة غير في محمد و ضحكتو... ركبت في الطموبيل بسيف غمضت عينيا و دموعي غير يطيحو خايفة

من الواقع المؤلم خايفة منو بزاااف وصلنا و يا ليتني ما وصلت كان الغاشي دنيا معمرة مكانش وين تحطي رجليك بسيف باش طلعني بابا لفوق جات اختو دنيا لي هي بنت عمي تحضنتني وتبكي و انا غير ساكتة قلتلها علاش تبكي محمد ذركة يجي ." شافت فيا و هي مشوكيا شدتني من يدي و دخلتي للشمبرة كانت يماها و عماتي فما قعدتني و قاتلي "شهد" راكي لاباس ..؟"

وينو محمد ..؟؟"
قربولي عماتي و يماه بداو يهدرو معايا و انا مش نسمع فيهم اصلا كانو كامل علابالهم بحكايتنا كنت انا اكثر وحدة متأثرة و مدمرة مكنتش مصدقة غير نشوف فيهم دموعي يطيحو و ساكتة

في هذيك العشوة جابوه كنت كالميتة جاتني طاطا (يماه) "أبنتي هيا اوقفي معايا نروحو نشوفو محمد شفت فيها و تنفضت من بلاصتي "صح !!! جااا وينو ... شدتني من يدي و هبطتني تحت و انا غير لاهفة باش نشوفو نسمع فيهم غير يعيطو بعدو بعدو خلي بنت عمو تشوفو..."

وصلت ليه لقيتو راقد في صندوق ملفوف بالغطا (الكفن) ابيض كان من الحرير... رجليا فشلو كي شفتو هكاك طحت حذاه حضنتو طول طول و انا غير نبكي قلبي تقطع تحرق تحطم نشم في ريحتو كلها مسك ريحتو الاصلية لي عمري ماننساها نشم فيها و نشهق .. شفت فيه و مسيتلو وجهو

لقيتو بااارد اقلاص نمس فيه و نرعش نبكي دموعي كامل

طاحو عليه جاوني بابا و عمي (باباه) يبعدو فيا يا بنتي خلاص ... رح تقتلي روحك " معلاباليش شكون لي قالها مي درت لعندهم و نا نعيط بعدو عليا في زوج هذا

الشي كامل بسبتكم مخليتونا نتزوجو مخليتونا نعيشو

کاولاد عم ..... دمرتوني انااااا و قتلتوه هو.